YEREMIA 49:23 - Biblía Axweesantá Hhohho' ar Mungú 2004

²³ Axweesantí an tidá' aa oó' daanduú Damaskoro. Gixsár Hamati nee Arpadi bayta gaa óh, asma kángw tlákw kwaa axaás. Munér muk'ín aa weeqaawéq as dae, inooín taa amoqwaqwadín adór tlawtá aa /eeraagwa', tidá' xasliitaaká.

YEREMIA 49:23 Iomraidhean Croise

IIMU/UUNGW 14:15

Tiri amohhe'eesiyé' as tawa slaqwi nee waawitaádá' xweeraawo. Ala Abramu nee mukós waawitaádá' kuri baál, kuri tlatlahhaás amór yaamaá Hoba, kudá' bihhaá /iya awa yaamaá Damasko.

IIMU/UUNGW 15:2

Abramu iri oó', «Aá Aakoó Mungú, gár ni aníng i hanis a milá? Aníng baraakaá yaamu in geexáw tam na/aay u koomaaká. Nee heé dooeé' gu aál, a Elieseriwí oo Damasko.»

2 SAMUELI 17:10

Mukók bar adoorí ngaa axaás, tam mukók kudá' gur'e gawdén adór direeri, tari hirqimiit de'eero. Asma múk Israeli sleémeero ga xuu' adór baabuúwók tar migusmo, nee mukdaádá' sleémeero oo dinkwa nee inós a múk ilakaaharén.

2 SAMUELI 8:9

Qoomár Toi, waawutmoó Hamati ngiwa axaás adór Daudi Hadadeseri nee mukós kuduú slaqwaraaro ngira baál,

1 WAAWITÁ 11:24

Alaá Daudi múk Soba nguwa tsuú/, Resoni malguuse gana burumbuúr, inós nguri geeraharusmooín wa qaasiyé'. Naagáy Resoni nee mukós tari tláy ay Damasko, tari amoodá' wa hoót, Resoni kuri waawutmoó Damasko wa qaás.

2 WAAWITÁ 17:24

Naagáy waawutmoó Ashuru muu guna Babuloni wa ar tláy, nee Kuta, nee Afa, nee Hamati nee Sefarfaimu guri huúw baraá gixsaadaá Samaria, didá' múk Israeli kuwa loohatís. Yaamuká' ngina kooín tleehhiyé' nee niri baraá gixsaaduuín wa hootiyé'.

2 WAAWITÁ 18:34

Xáy, munguaá Hamati nee awa Arpadi i amoomá? Munguaá Sefarfaimu nee awa Hena nee awa Ifa i amoomá? Xáy, gixsár Samaria nga ba/amisí'i gawaá dabaeene?

2 WAAWITÁ 19:13

Xáy waawutmoó Hamati nee oo Arpadi, nee oo Sefarfaimu, nee oo Hena, nee oo Ifa, amór tay dirii'i a amá?›»

2 WAAWITÁ 5:12

Xáy, yaaér Abana nee Farpari kudaá Damasko a tsinihekáhe, ta ma'aá ya'aá yaamaá Israeliro? Xáy, aníng hamtlo a aleeslawakahe baraadae niri hhoohhooúw?» Iri tláy, iri waátl slám amorqae aa qaroó buúhh.

2 QOM'I 16:2

Naagáy waawutmo Asa oo Yuda peésa nee sahaábuwo, tidár baraá Doó AAKOÓ MUNGÚ nee baraá do'ose gina leéhh, as ngiwa ya/aawi Damasko dír Ben-hadadi, waawutmoó múk Shamu, nee kuwa bay,

TI'INAANGW 15:15

Múk urén oo Edomu aa amoqwaár, geeraharuusér Moabu ina daaráx. Muu sleémeero oo baraá Kana'anír hoót, gur'er'ín ma'aay ngaa dalaa/iyé'.

ISAYA 10:9

Xaysé', Kalno adór ngi laaq a adór Karkemishirokáhe? Hamati a adór Arpadirokáhe? Samaria a adór Damaskorokáhe?

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 13:7

Gawaá adoorihe dabaá muu nari tsatiitiyá', nee gur'ér muu ma'aay ngay dalaa/iyá'.

ISAYA 36:19

Xáy, munguaá Hamati i amaáriya' nee awa Arpadiro? Xaysé', munguidaá Sefarfaimu i amoomá? Gaálaay Samaria ngaa tu/iye' gawaá dabaaeene?

ISAYA 37:13

Xáy, waawutmoó Hamati i amá? Nee oo Arpadiro nee waawutmoó gixsár Sefarfaimuro nee oo Henaro nee oo Ifaro gaálaay?› »

ISAYA 57:20

Ala múk tlákw a adór tlawtá aa /eeraa gwa', tidá' gwaanduuwós tsauwaaká, ala in baa/ír duxuún nee xwaanslayhe.»

ISAYA 7:8

Asma ságw Aramu a Damasko, nee oo Damasko a Resini, (nee baraá kureeraá mibeeraá lahhoó' nee kooane Efraimu in qeqtín, as miwa baloó tlahhoó muu tleehhiít.)

YEREMIA 39:5

Ala slaqwaruusér Kaldayo mukwí guri aluú wa eehát, Sedekia nguri aleeslayé' baraá xatsatá Yeriko. Ala nguwa oohiyé', nguri huwiyé' dír Nebukadnesa waawutmoó Babuloni, amór Ribla baraá yaamaá Hamati. Inós guri sakwasleemuút.

ESEKIELI 27:18

Múk Damasko halaanu'uuma gana tleéhh nee kiíng asma muruú yaariír ta koon, asma daqaari'iimár yaariir ar umuú daa'awto. Ina difaáír Helbonír daáhhií hanisiyé', nee se'éngw /awák oo bee/aangw.

AMOS 6:2

Gimsé', qaytsité' baraá gixsár Kalne, daqaní ta kumitá' ay baraá gixsadá' ur ar Hamati, nee ta baráy /etá' ay yaamaá Filisti dír gixsár Gati. Xáy, inooín an ak tsiníhe ta yaamaá Yuda nee Israeliwo? Xáy, yaamuuín ki úre ta koohunge?

NAHUMU 2:10

Ninewi ina mét ar gaa wasl nee ar deewa'ame nee hhituru'uuma, tam gur'ér muu ma'aay ngay dalaa/iyé', gurungeeri'ín tiri tuu'utiyé', afeetler'ín aa sikimít, gitsee/er'ín iri bahyuyuúr as dae.

FAARO 13:21

Naagáy, mukdá' iri tláy, yaamuudá' kiri tsawtsawuusár áy iimír xaanxoó Sinír wa tleemu ay Rehobu, isaapoó loohír dahmuú aw Hamati.

Tlehhema'aá ya/Abuuse 27:20

Deelór yaariir iri waaráhh, tsee/amá nee tsatse/ ugwa araaniiká, nee fur'a iri lówa kumít ar /uuru. Tam alhhe'eesaywo harahhifór tawa ba/aman iri fák.

Tlehhema'aá ya/Abuuse 9:2

Barwadaá i huwi baraá gixsár Damasko, awa taa gooín amór maraá saaliingw, giri firín, as múk loohír Mungú gaa eehar oo aa sláy nguwa tsegiiti, nee nguwa huwi baraá Yerusalemu, ta hhawaate laqaá /ameena.

2 korinto 11:32

Qoomár aníng niwa baraá gixsár Damasko, ga/aawusmoó waawutmo Areta inós gixsár Damasko gana xún as án tiwa oohi.

DABE 20:8

«Geeraharuuse i kumit yaahamisuuwo, ‹Xáy, heé daimiít laqaá heé aa daba' tsatiit i deéro? Bir deer i watli amór do'ós, aluuwo múk hatlá' munguwa daba' tsaát adór inós wa aleeró.›

YOSHUA 14:8

Ala mukdá' nee aníng taa alkoomaan muu sleémeero kuna dae tsaát iri naá/, ala aníng AAKOÓ MUNGÚ Munguúeé' una ilaiwaá/ ar inkihhimu.

YOSHUA 2:11

Kaangwí nguwa sa axaasaán gur'eerén ma'aay ngina dalaa/iyé', dír atene migi iri fák as kuungá'. Asma atén aga tsaahhaán adór AAKOÓ MUNGÚ, Munguúhúng tar Mungú, gawaá dooriwo nee baraá yaamuwo.