YEREMIA 49:20 - Biblía Axweesantá Hhohho' ar Mungú 2004

²⁰ Gawaá adoorihe, adoodá' AAKOÓ MUNGÚ aa qoomeés dír múk Edomu iiárií qaasaak, nee adoodá' i tleehhamór wa slai dír yaamuloouusér Temaniwo. Tam deeláy'ín oo bee/aangw kun yaamúr duuruxún, nee kuri ar tláy, múk yaamuudá' hoót tari waa/oo'.

YEREMIA 49:20 Iomraidhean Croise

WARA'AMI 33:11

Axweesantá AAKOÓ MUNGÚ aa oó' i warqeeraaká ay kureerisleém. Inslawoó muunaáwós i kumaamiit dír qari sleémeero.

AXWEESANOÓ SAGALOOA 19:21

Muu muruú yaariír gun mak qoomaamees, Ala gár tleehharuut a tidá' AAKOÓ MUNGÚ aa ya/án.

YEREMIA 37:10

Kuungá' slaqwaruuseedár Kaldayo sleémeero, tidá' nee kuungá' slaqwá' tam bala'a, nee múk taa hariaa'áy iri meet baraá slumooín, mukdá' taa hariaa'áy nin baraadá' wa sihhiitiyá', gixsarí kari daa/ ar asla.»

YEREMIA 49:13

Asma aníng lo'o aga /aáy adór gixsár Bosra kar dír dae tlaaq tleehhi, nee a dír waaqaseengw, nee dír taa hhitín nee ar taa lu'ús. Gixsaduuwós awa hatlá' sleémeero ki hhitín.

YEREMIA 49:7

Axweesantí an tidá' AAKOÓ MUNGÚ Aleesleemusmo aa oó' daanduú múk Edomuwo iwa kaahi, «Xáy, sagalooa i káhha baraá Temaniro? Xáy, kudá' daharuú koomá' hara'aya aa qwádi dir'ine? Sagaloa aa qwanaay hhe'ési?

YEREMIA 50:45

Gawaá adoorihe, adoodá' AAKOÓ MUNGÚ aa qoomeés daanduú múk Babuloniro iiárií qaasaak, nee adoodá' i tleehhamór wa slai dír yaamuloouusér Kaldayo. Tam deeláy'ín awa bee/aangw kun yaamúr duuruxún, nee kiri ar tláy, múk yaamuudá' hoót tari waa/oo/.

AMOS 1:12

Ala aníng gil'o a ku'uús gawaá gixsár Temani, asla maraá gawdén awa Bosra giri /ák.»

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

Tlehhema'aá ya/Abuuse 4:28

As kawa tleehhi tidá' kuúng taa slá' nee taa tsabiín kawa tlehh ar /uuruuwók, iimír iimu/uungo iwa bo/.

Efeso 1:11

Tam atén sleeme baraá Kristowo tina aaluuse tleéhh, adoodá' inós aa qaroó slaá', inósuudá' mura' sleémeero gu tlehhiít ar sla'aarirós.