YEREMIA 48:45 - Biblía Axweesantá Hhohho' ar Mungú 2004

⁴⁵ Múk aa slaaqamiit i huungu/umaá waydú leelehhitiyá' dír gixsár Heshboni, asma asla aa ót baraá gixsár wa alé. Tsángw asla naa tláy amór doó waawutmo Sihoni wa alé. Yaamaá Moabu gaa hhaamiís, asla tlom'aá mukwí oo taamberuuse gaa /ák.

YEREMIA 48:45 Iomraidhean Croise

WARA'AMI 135:11

Sihoni, waawutmoó yaamaá Amori, nee Ogu, waawutmoó yaamaá Bashani, nee waawitá sleémeero oo baraá yaamaá Kana'ani.

WARA'AMI 78:63

Masoombar'ín asla gari /ák, nee múk dasuuín gu duxuút iri qwaár.

YEREMIA 2:16

Slám tam adoorihe múk Memfisi nee Tahpanesi slamángw sagós kwaa hayóh.

YEREMIA 48:2

Xirfuú múk Moabu aa faák! Baraá Heshboniro ta kangwkoó qoomeemees daanduuwoge, ta kaahi, ‹Gimsé' i hhaamiisaán mindiwa malé xooro tleehhitiyé'!› Kiíng gixsár Madmeni sleeme ti xasltis, paánga iri eehát.

AMOS 2:2

Gawaá adoorihe múk Moabu aníng u faák ar asla, nee koo/ír gawit ar Kerioti asla gari fák. Múk Moabu barta uú' nee tarumbeéta ngari ufaahhiyé' ni baraá tsimaahhidií qatliyá'.

SEKARIA 10:4

Baraá tlahhoó Yudawo tlaa/ár iihhafiiri ni ti'ít, baraaine kiki'ír heéma ni ti'ít, baraawose ga/alér slaqwara ni ti'ít, baraawose waawituú yaariír ni ti'iit.

FAARO 21:21

Xoorór Israeli afoorí kana ya/aáw dír waawutmo Sihoni oo Amori tawa kaahi,

FAARO 21:26

Heshboni qoomaadae a gixsár waawutmo Sihoni oo xoorór Amori, kudá' aáng geeraawo taa slaaqw nee waawutmoó xoorór Moabu, yaamuuwós sleémeero giri hayóh ay digimuú yaaér Arnoni.

FAARO 21:28

Asma asla nina Heshbonír wa ti'ít tsángw asla nina gixsár Sihonír wa sihhiít. Gixsár Ari ar Moabu gari /aáy tlom'aá yaaér Arnoni giri hhaamiís.

FAARO 21:29

Kuungá' xoorór Moabu, tsaxwaahúng, kuungasíng munguú Kemoshi ngu haratlintatiá' tundu hhaamiis! Na/iihúng awa daaqaay gin tlatlahhaas, dasuuhúng ugwa meeré' kuwa haasaáng wa ar tlay, ay amór Sihoni, waawutmoó Amori.

FAARO 24:17

Kudá' hardáh u ga/áw, ala a hamiheeká, una ár ala ku tseeweeká. Baraá xwaylár Yakobowo tsatsee/i ni ti'ít, waawutmo ni tla/ángw múk Israelír wa ti'iit, ar hhartós tidár waawuti'iimaro múk Moabu gun baal, xwaylár Seti sleémeero gari qororo'oos.

Matayo 21:42

Yesu giri báy, «Aga soomusi'iikáhe baraá Gooiro, ‹Tlaa/adá' qwatsiiruuse aa sí', aa tlaa/ár ur tleehhít ar do' ira gawdúy. /Aymuuwí amór i dahhi a amór Aako. Slám a waa/oo/amo dír ilaarene.›