YEREMIA 48:44 - Biblía Axweesantá Hhohho' ar Mungú 2004

⁴⁴ Heé dae tlaqa gwa ilagoow in /eet baraá bohoongw, heé naa baraá bohóngw wa ti'iit tsaaxweeli gun ót. Aníng muruuwí ngu huúw dír múk Moabu, kurkú muxtar'ín bira xeér. Anuú AAKOÓ MUNGÚ tí ngina oó'.

YEREMIA 48:44 Iomraidhean Croise

1 WAAWITÁ 19:17

Naagáy heedaádaá /uy paángár Hasaeliwo, ar Yehu gu dakuská, nee kudaádaá /uy paángár Yehuwo Elisha gu gaas.

1 WAAWITÁ 20:30

Kudá' naa meetiye' niri /akumitiyé' baraá gixsár Afeki. Didár gixsár Afekiro kiri i huuhu'ún nee koo/i, slaqwaruusér kume mibeeri tsár nee faanqw kari tsuú/. Ben-hadadi iri ta'aaín iri nahhaát baraá qul/irka ar baraá gixsadá'.

ISAYA 10:3

Hám adór ta laqa' deelór muxtaaro, deelór bambaaór ur burna amór saáwá i hardát? Heé ti ta'aiinda' a heemá oo nu /iís? Dír daqaari'iimarhúng ki qasa' a diimá?

ISAYA 24:17

Kuungaá yaamuloouusér baraá yaamu, dae nu sleér, nee /e/etíngw baraá boh'eero, nee tunduwa uhín ar tsaaxwel.

ISAYA 24:18

Heé aa daér wa goow, in /eet baraá bohoongw, nee kudá' ni baraá bohóngw wa ti'imiít kun oh nee tsaaxweeli. Asma foxa'aá doori kaa gweér nee iihhafiirír yaamu i diingiín.

YEREMIA 10:15

Inooín an muruú tawo, gadiyer'ín a al/aymár tawo, qoomár birka slahhtá áy i hhaná'.

YEREMIA 11:23

Kurkú inooín ngiwa hhaamiis birna hardáh, aníng amotlakwe an huúw gawaá múk Anatoti, hee tumu wák oo meét i kaahh.»

YEREMIA 16:16

AAKOÓ MUNGÚ i kaahi, «Ga/aaweek, aníng múk yaariír oo siyoó ohiím ngu tleés as mukwí nguwa ohin. Aluuwo slakaatuusér yaariir ngiri tleés, ar mukwí gu slakaat gawaá umuú tloomaro, nee gawaá umuú gongoamaawo, nee baraá mar'ór tla/uuwo.

YEREMIA 23:12

Gawaá adoorihe, loohir'ín tí dir'ine a adór loohír tar ninkiriitsiti ay baraá giwti, tidá' inooín kiwa tliwii/i niri huuhu'uná'. Asma aníng i amotlakwérí huúw qoomár muxtar'ín birna xeér. Anuú AAKOÓ MUNGÚ tí ngina oó'.

YEREMIA 46:21

Tam slaqwaruuser'ín tidá' taa tlaáxw baraá tla/angw'ine a adór damaá naa wahhditiye', inooín sleeme na alií ki/iyé', taa goów tam slaqwara nga qiitlii'iiká, asma deelór kiwa hhaamisi naa xeér, qoomar'ín ar kiwa muxi naa hardát.

YEREMIA 49:8

Yaamuloouusér Dedani, kuungá' /akumiité', warqawé' hota awaak baraá nahhaata. Asma xwaylár Esau aníng a slahh'amií huúw, qoomár ngiwa muux bir naa xeér.

YEREMIA 50:24

Kiíng Babuloni ina tsaaxweelír i qaás iri óh, ala gár taa tsáhh i káhh. Tina sláy tari óh asma tina tlampa'asaán nee anuú AAKOÓ MUNGÚ.

YEREMIA 50:27

Slaqwaruuseerós tidár adór awe tsu/aak, mawaak i /eetiye' dír tsu/uta. Tsaxwaaín asma deelor'ín naa hardát, qoomar'ín ar muxta naa xeér.

YEREMIA 51:18

I gaa buiiaaká, a lamtá tawo, qoomár sakwasleemar'ine i hhaná'.

YEREMIA 8:12

Kuungá' tunda mureekeési qoomár muruudá' ta waki kuwa tlehhité'. Aasla'áy, kaa mureekesiiká, tam mureekesoó niiná ngwaa slay'iiká. Gawaá adoorihe inooín i huuiyá' baraá tla/ángw mukdá' aa huuhu'un. Qoomár bira sakwasleemút ta hhán. Anuú AAKOÓ MUNGÚ tí ngina oó'.»

WA/AA/I 3:47

Dae tlaqa nee bohoongw i dír geeraarén, amotlakwe nee hhituru'uuma taa sleér.

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.

AMOS 5:19

Deeloorí dirhunge a adór heé aa dirángw wa goow tiri doogiyé' nee duúbu. Laqaá adór heé aa dah baraá do', dakós gway qaás gawaá baqa, kuri kiihh nee dayshamo.

MIKA 7:4

Tam kudá' hhoó' baraá tla/angw'ine a adór fuquráy, nee heé ganaá' baraá tla/angw'ine a adór yawtá laqeelo. Qooma naa hardát ar Mungú mukwí nguwa muxi, adoodá' xuumuuser'ín ngira geerií gurbuú', asma xuumuuser'ín a aaruuse. Mukwí qoomaarihe dae gway eér, nay amoqwaariyá'.