YEREMIA 48:35 - Biblía Axweesantá Hhohho' ar Mungú 2004

³⁵ Aníng heé munguú hatlá' baraá Moabuwo gwa ilahhooár muruú ta tsu/ií haniis, nee gwa mooyángw tsuú' i daa/ gawaá gongoamoowo un suqúw.

YEREMIA 48:35 Iomraidhean Croise

ISAYA 15:2

Múk gixsár Giboni ta gáwtí tsa/aa/án, amór wa/aamér tawa sluufmaamisi as tawa tsuunqumisuú ay. Múk Moabu ta tsuunqumiis as múk Nebu nee Medeba. Sleémeero sager'ín ngaa deeqwiyé', daamoó kaa deequút sleémeero.

ISAYA 16:12

Qoomár múk Moabu birna munguii'ín sluufmisuú ayé', qoomár birti kilooín daawitamiisiyá' dir'ín tidár gáwtá wa alé, nee birni amór doó munguii'ín kayá' inooín ki geemayká.

YEREMIA 11:13

Múk Yuda, munguiihúng ki yaariir adór gixsaduhúng. Nee kiteeraá ilahhooarhúng ki yaariir adór lohdaá Yerusalemu, kudá' taa tlehhé' as mureekesayduú Ba'ali kuwa ilahhooár mooyángw tsuúií da/a/aanda'.

YEREMIA 48:7

As koo/irhúng tidá' gawit nee daqaari'iimaro kiwa harahhifé', kuungá' sleeme tundu ar tláy. Mungú kudá' ta bay Kemoshi ku loohatis dinkwa nee kaahamuuseerós nee geeraharuuseerose.

YEREMIA 7:9

Kuungá' a fisisiindá', a tsu/utá', a fuqusá', lo'ór lama an /agá', mooyángw tsuú' un da/a/aandá' dír Ba'ali, nee munguaá hatlá' awa xuaawaslen kiri eehadé'.

FAARO 28:14

Ilahhooár muruú wahaangw ar ta muruuwí alhaniisi a tí: Umuúqo awuuwo kun liíta tsár ar difaáír alhaniis. Nee gwaanda kun liíta wak nee tlaqi ar difaáír alhaniis, nee umuúqo deelmoó bee/iro kun liítár wák ar difaáír alhaniis. Gaarí an ilahhooár da/a/aangw ar umuúqo baalár geera ar slahhaangw baraá kurko.