YEREMIA 48:2 - Biblía Axweesantá Hhohho' ar Mungú 2004

² Xirfuú múk Moabu aa faák! Baraá Heshboniro ta kangwkoó qoomeemees daanduuwoge, ta kaahi, ‹Gimsé' i hhaamiisaán mindiwa malé xooro tleehhitiyé'!› Kiíng gixsár Madmeni sleeme ti xasltis, paánga iri eehát.

YEREMIA 48:2 Iomraidhean Croise

ISAYA 15:1

Kaangwí a iigu'utuú daanduú Moabu. Asma gixsár Ari tidár baraá yaamaá Moabu kana xweeraá gaás, nee gixsár Kiri tidár baraá yaamaá Moabu kana xweeraá gaás.

ISAYA 15:5

Aníng a /aa/amiím as yaamaá Moabu, mukós aa tiaaín ay Soari, aa tiaaín ay Eglat-shelishiya, mukós i tsa/aa/án amór Luhiti, ta hara /aa/amín, amór loohír Horonaimúr kawa, mukós i /aa/aamín as qwanaay.

ISAYA 16:14

Ala daxta AAKOÓ MUNGÚ i kaahi, «Kureeraá tám faaraak adór heé ta bu'un ir deelór fadiiti, xoongír múk Moabu ka qoongo'oos, tam mukós ku ló'wa yaariire, ala múk meét ku niiná, nee ku liitlakwén.»

ISAYA 25:10

AAKOÓ MUNGÚ in kumiit gixsár Siyoni ngiwa xun, ala múk Moabu gun kala/án yaamií ale, adór tsaaroó taa kala/án baraá bohóngw tsuunkáy.

YEREMIA 25:15

AAKOÓ MUNGÚ, Munguú múk Israeli, aníng ina báy, «Areek, xooslmoowú gawaá dakw'eé' oo difaáír buhhtaeene haáts, huweek amór xoorduudá' kuúng uy ya/aaw, wahaaseek.

YEREMIA 25:17

Naagáy xooslmoodá' nguri gawaá dabaá AAKOÓ MUNGÚ wa taataáhh, xoorduudá' AAKOÓ MUNGÚ aníng i ya/aáw sleémeero ngiri wahaás.

YEREMIA 31:36

Aníng a kah, ‹Ala barnaxés hara'ayar'eé' tí naa oó' aa hhitirút dír geeraaeene, daqaní i ya/aán sleeme múk Israeli tawa xooror'eeneeká kureerisleém.› »

YEREMIA 33:24

«Xáy kuúng aga axaskáhe mukwí iwa kaahi, ‹AAKOÓ MUNGÚ marayká' tsár aa tsawaár gaa sií'.› Inooín muk'eé' nguna waaqaaiyé', dir'ine tari xoororooká.

YEREMIA 46:28

AAKOÓ MUNGÚ i kaahi, «Ma da'ayumitaar, sagadiyusmooeé' kuúng Yakobo. Aníng nee kuúng a dinkwa, aníng xoorduudá' sleémeero kudá' aníng kuúng uy loohatís in ló'wa hhaamiís, ala kuúng u hhaamiisaaká. Aníng kuúng un slahh'eemiís ar qoomoó ganaá' ala u ak mawaaká muxtaaro.»

YEREMIA 48:17

Kuungá' sleémeero awa inslaawaay, múk Moabu satsuunqumiisaak, nee kudá' sleémeero inós ngi xuá', ta oa', «Adór hhartá waawuti'iima kara giqáy, nee adór hhartá xirif kara giqáy!»

YEREMIA 48:42

Múk Moabu ku hhaamiis tari male xoororooká, asma inooín tina xirfayeemisiyé' as AAKOÓ MUNGÚ nguwa si'iyé'.

YEREMIA 48:45

Múk aa slaaqamiit i huungu/umaá waydú leelehhitiyá' dír gixsár Heshboni, asma asla aa ót baraá gixsár wa alé. Tsángw asla naa tláy amór doó waawutmo Sihoni wa alé. Yaamaá Moabu gaa hhaamiís, asla tlom'aá mukwí oo taamberuuse gaa /ák.

YEREMIA 49:3

«Múk Heshboni, tsuunqumisé', asma gixsár Ai ka hhaamiis. Ala kuungá' dasuú Raba, /aa/amiimé', guniyadu siinootaak. Tsuunqumisé' nee tii'iimé' amorqá' nee tiqae baraá afeenarhunge. Asma munguú dá' ta bay Milkomu ku huuw baraá loohaay dinkwa nee kaahamuuseerose nee sagadiyuuseerós.

YEREMIA 49:37

Múk Elamu aníng u dae tsaát dír geeraá wakuuser'ín wa ale, nee dír kudá' slafingw'ín gu leelehhiita. Aníng i amotlakweéri huúw ar buhhtaaeé' kudá' xaraaslá'. Anuú AAKOÓ MUNGÚ tí ngina oó'. Aníng paánga a huúw, ngiri eehár ay dír ngay ló'wa hhaamiis.

FAARO 32:37

Múk tlahhoó Reubeni gixsaduín kina tleéhh baraá Heshboni, nee Eleale, nee Kiriataimu,