YEREMIA 48:12 - Biblía Axweesantá Hhohho' ar Mungú 2004

¹² «Gawaá adoorihe, anuú AAKOÓ MUNGÚ a kah, ‹Ga/aawaak, baala ni hardát ar múk eemiís nguwa ya/aaw, kudá' difaáidá' ga yaamií eemiís, xooslaadá' iri tawo iwít, kari qambeesama' tleehh.

YEREMIA 48:12 Iomraidhean Croise

WARA'AMI 2:9

In naasuúr ar hhartá muqsli, kiri parhhamís adór xooslmoó tleei.› »

ISAYA 16:2

Adór tsir/ór taa tleés ar taa diyaá/ dír maray'ín wa alé, an adór múk Moabu i dirii'i, dír waarahhamaá yaaér Arnoniro.

ISAYA 30:14

Tsatiitarós a adór gwa'arár hutlaay, adór hutloó aa suwaawa'aat, tam qaambeesamoó asltá ya/aám i kaahh, laqaá oo ta ma'ár islaakwi baraá hhalaango i kaahh.»

YEREMIA 14:3

Múk urén ta sagadiyuuser'ín ya/abiit as tawa ma'aá hheeki, ala ma'aay kaa slayká. Inooín tana waátl ar dahhaaroó kaaharén, sage ngiri tuuntukuné' as mure nee amoqwaqwadiingw.

YEREMIA 19:10

«Daqaní kuúng sirwidá' ka gás dír geraá mukdá' nee kuúng ti alkoomá'

YEREMIA 25:34

Tsuunqumisé', kuungaásingaá de'eemusér muk'eé', nee /aa/é'! Baraá da/arár wa gwaangwaraa'amiité', kuungaá de'eemusér bee/aangw! Deelór kuungá' tunduwa tsu/i, nee tunduwa diyaa/i naa hardát. An pahhá' adór xooslár hhohho'.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 48:11

«Múk Moabu tana hoót ar yaandahhe'eesa iimír masoombi'iimar'ine. Inooín nina xasliitiyé' adór difaáír baraá hutlaay, ar taa warqeesiiká baraá xooslmoó hatlá'. Inooín kaa baloó ar tlayká baraá loohaay. Gawaá adoorihe inooín a adór difaáidá' tsuu', ar slurhhirós aa warqeeriiká.

YEREMIA 48:13

Qoomaarihe múk Moabu munguúín Kemoshi nguri murér wa ariyá' adoodá' múk Israeli Beteli munguúín kudá' i harahhifiya' ngura murér wa ariyé'.›

YEREMIA 48:15

Kudá' Moabu aa hhaamiís nee gixsaduwose naa hardáh, masoombar'ín tidá' hhohho' kaa tsu/utár áy.» Tí Waawutmo gan kah, kudá' umuuwós ta bay AAKOÓ MUNGÚ Aleesleemusmo.

YEREMIA 48:38

Gawaá daandeemaá maraá Moabuwo nee baraá lohdaá urene gár hatlá' i káhh aqo har tsuunqusmo kilós. Asma aníng múk Moabu ugwa kwaáhh adór xooslmoó hee aa sií'. Anuú AAKOÓ MUNGÚ tí ngina oó'.

YEREMIA 48:8

Tsu/utusmo i waaraahh baraá umuú gixsaro, gixsár ta dakuusi i káhh. Umuú gaaro ar baraá xatsa kan qwaarees, nee yaamaá iintlaaxw kin hhitín, adoodá' AAKOÓ MUNGÚ ngira ooi.

NAHUMU 2:2

Asma AAKOÓ MUNGÚ xirfuú Yakobo gu ki/is, adoodá' xirfuú Israeli sleeme ngur ki/isi. Asma kudá' muruú hayoohimá' umuú gaaro ngina hayoohiyé', tam haleemá sabiíbuuín ngiri hhitiné'.