YEREMIA 48:11 - Biblía Axweesantá Hhohho' ar Mungú 2004

¹¹ «Múk Moabu tana hoót ar yaandahhe'eesa iimír masoombi'iimar'ine. Inooín nina xasliitiyé' adór difaáír baraá hutlaay, ar taa warqeesiiká baraá xooslmoó hatlá'. Inooín kaa baloó ar tlayká baraá loohaay. Gawaá adoorihe inooín a adór difaáidá' tsuu', ar slurhhirós aa warqeeriiká.

YEREMIA 48:11 Iomraidhean Croise

WARA'AMI 123:4

Atén aga ló'wa slaaqataán waaqaqauú múk daqaareero. Tina tawo tleéhh nee múk daara/aám kwaáo' atén an mukooká.

WARA'AMI 55:19

Mungú iimír aange aa iwiít gawaá kitaangós oo waawuti'iima. Inós aníng i iiárií qaas, ala inooín giri hhartsúy, asma dabeerós ngaa mayé', nee ngu ilaiwawa/iaaká.

AXWEESANOÓ SAGALOOA 1:32

Asma muu bira sií' baraá iimibo/ár wa alé an gár gi tsuu/, nee daktana bar daktu'uumar'ín ngaa algeemayé' gi hhaamís.

ISAYA 16:6

Múk Yuda ta kaahi, «Atén kángw daara/ángw múk Moabu ugwa axaasaán adór ir hiintaluusiya' nee ir daara/ana', nee adór kir sagegawdén. Ala daara/angw'ín a tawo.»

ISAYA 24:3

Yaamu ki xaanxay tleehh, kiri kángw kilá' wa qwaarees, asma AAKOÓ MUNGÚ tí gana oó'.

ISAYA 25:6

Gawaá tloomár Siyoniro, AAKOÓ MUNGÚ Aleesleemusmo xoordu sleémeero gin muruú /aymár hhóí qaas, nee difaáír tsuua, nee fu'uunaá wahhaará' ló'wa ale, nee difaáír tsuu' ar ló'wa hhohho'.

YEREMIA 22:21

AAKOÓ MUNGÚ ina axweés nee kuungá' qoomár tawa baraá diihhooa, ala kuungá' tari oé', «U iiárií qaasanaaká.» Adoorí an adoodá' tar hotaatinda' iimír tawa masoomba. Kuungá' afór AAKOÓ MUNGÚ aga iialooesi'iiká.

YEREMIA 48:12

«Gawaá adoorihe, anuú AAKOÓ MUNGÚ a kah, ‹Ga/aawaak, baala ni hardát ar múk eemiís nguwa ya/aaw, kudá' difaáidá' ga yaamií eemiís, xooslaadá' iri tawo iwít, kari qambeesama' tleehh.

YEREMIA 48:29

Daara/ángw múk Moabu ugwa axaasaán, inooín i ló'wa daara/aná', nee múk hatlá' ngu ara'ariaaká, i daara/aná' naa ihtuumitiyé', naa taqnaa/uumitiyé'.»

YEREMIA 51:34

Waawutmo Nebukadnesa oo Babuloni gixsár Yerusalemu gana hhitín nee gari naasúy, gari adór hutloó kaahaár tleéhh, gana guú/ adór dayshamo. Guruuwós guna hatsiís muruú tsuua nee gari waá/ amór saaw.

NAHUMU 2:10

Ninewi ina mét ar gaa wasl nee ar deewa'ame nee hhituru'uuma, tam gur'ér muu ma'aay ngay dalaa/iyé', gurungeeri'ín tiri tuu'utiyé', afeetler'ín aa sikimít, gitsee/er'ín iri bahyuyuúr as dae.

NAHUMU 2:2

Asma AAKOÓ MUNGÚ xirfuú Yakobo gu ki/is, adoodá' xirfuú Israeli sleeme ngur ki/isi. Asma kudá' muruú hayoohimá' umuú gaaro ngina hayoohiyé', tam haleemá sabiíbuuín ngiri hhitiné'.

SEFANIA 1:12

Qoomaadae gixsár Yerusalemu an tsaa'astár tsee/aariím, nee mukdá' aa baraá horondoó buurárí wahhadiit un sakwasleemuút, Mukdá' baraaíní káh, ‹AAKOÓ MUNGÚ gár i tleehhi i káhh ta ka hhoó' laqaá ta ka tlaákw.›

SEKARIA 1:15

Ala aníng xoorduudaá baraá diihhooár hootá' ina buhhtisiyé'. Ar ló' aníng múk Israeli una i buúhh gár niinawe, ala xoordu slahh'maayedá' ngina doogiyé'.›