YEREMIA 48:10 - Biblía Axweesantá Hhohho' ar Mungú 2004

¹⁰ Heé gadiyér AAKOÓ MUNGÚ ga tleéhh ar sangareei i tsarere'eeti, heé paángarós ga ila/aám tseere ku'uusaro i tsarere'eeti.

YEREMIA 48:10 Iomraidhean Croise

1 WAAWITÁ 20:39

Waawutmo qoomár iwa waaraahhi aarusmoodá' iri oó', «Aáko, aníng a sagadiyusmoowók, qoomár slaqwaraaro a baraá hhoó geera, slaqwarusmooko wák heé naa óh, nguri dir'eénií huúw iri báy, ‹Heesíng xuumeek. Bira kotsqoót slafiingós u kók ar bú', laqaá ar peésár kume tám.›

1 WAAWITÁ 20:40

Ala aníng niwa gadiyuus heedaádá' iri /akuút.» Waawutmoó Israeli iri oó', «Adoosír kilá' an adór hariim sakwasleemaroge, kwasleemarók aga kilók tsát.»

1 WAAWITÁ 20:42

Naagáy aarusmo waawutmo guri báy, «AAKOÓ MUNGÚ i kaahi, ‹Asma kuúng heé aníng niwa oó' ku gás, ugwa slafingwí meér, ala gawaá adoorihe slafiingós un bú' ar kók nee slafíngw mukós, un bú' ar slafíngw mukók.› »

2 WAAWITÁ 13:19

Elisha iri ló'wa daa/atúy buhhtaawo, waawutmo guri báy, «Ahaá a milá maheeri misa tlaqutká ay wai kooán laqaá lahhoó'? Adoorí geera bara tléhh múk Aramu u hhaamís ló'wa ale. Hám daxta múk Aramu u bál wai tám kilós.»

YEREMIA 11:3

Inooín ki beer, AAKOÓ MUNGÚ, Munguú múk Israeli i kaahi, ‹Umuúqo heé axweesantá alqadoorí ga axamisaaká i tsarere'eeti.

YEREMIA 47:6

Aá, paángár AAKOÓ MUNGÚ, ay xaylá ta kumaamit? Dír tara tsauuriká kií/ baraá tlakwaywók, ta hungu/ús, xasliít.

YEREMIA 47:7

Ala adór tsauuwa ngir aleesleer, qoomár AAKOÓ MUNGÚ bar ngaa gadiyeédií sláy. Daanduú gixsár Ashkeloni, nee yaamaá afaá tlawi, amoodá' ngay tleesi.»

YEREMIA 50:25

AAKOÓ MUNGÚ xosluuwós kudaá slaqwara gaa gweér, xosluuwós kudá' xaraaslá' ngaa tsee/ií gagaár. Asma Aako, MUNGÚ Aleesleemusmo, gadiyér i tleehhi i deér baraá yaamaá Kaldayoro.

YEREMIA 50:27

Slaqwaruuseerós tidár adór awe tsu/aak, mawaak i /eetiye' dír tsu/uta. Tsaxwaaín asma deelor'ín naa hardát, qoomar'ín ar muxta naa xeér.

YOSHUA 10:19

Ala kuungá' ma didií meetara'. Ala kumiité' wakuuserhúng gusiisiingo kiwa aluú wa slatiinda'. Inooín mi baloó pa/ángwií haniisaara' niwa dahiya' baraá gixsaduuín. AAKOÓ MUNGÚ, Munguúhúng, inooín ngaa gawaá dabaahúng i qaás.»

HAR'OHUUSE 5:23

«Malaykamoó AAKOÓ MUNGÚ i kaahi, ‹Merosi lu'usaak, yaamuloouuseerós, lu'usaak sleeme, asma AAKOÓ MUNGÚ ngwaa alee/isár ay'iiká, qoomár iwa slaqwi nee slaqwaruusér /uureemaá koom.›

1 SAMUELI 15:3

Tláw múk Amaleki tsu/eek, nee muruuín sleémeero oo taqo kona hhaamiiseek, tam panmo sleeme miwa meét, /ameena nee hhawaateewo tsu/eek, mindiwa meetiyé', nee sleeme tam na/ii nee qaweerowo, hikwa nee bee/aango, angamía nee daqwaayeero sleémeero qororo'ooseek.› »

1 SAMUELI 15:9

Ala Saulo nee mukós Agagi kunguri slafi huúw, kwa gaasiiká, nee bee/ángw slaqo hhó', nee hikwaá slaqo hho' nee muruú wahhaara, nee deeloó bee/aango nee umuúqo gár slaqwahhooe, aa ya/aniká ngiwa hhaamisi. Ala muruuduú kangaa/a nee muruú slaqo tlákw, an kudá' taa hhaamiís.