YEREMIA 47:6 - Biblía Axweesantá Hhohho' ar Mungú 2004

⁶ Aá, paángár AAKOÓ MUNGÚ, ay xaylá ta kumaamit? Dír tara tsauuriká kií/ baraá tlakwaywók, ta hungu/ús, xasliít.

YEREMIA 47:6 Iomraidhean Croise

2 SAMUELI 2:26

Kár Abneri Yoabu guri ateét, iri oó', «Xáy, paánga in /ayayiínda daqisleém? Xáy, alhhe'eesaaywós u ga/eerakáhe adór kur tlaákw? Xáy, ta xaslamaamit ay xaylá? Mukók kuwa beeraká, ‹Hhaeehúng mawaak eeharahaduwo?› »

1 QOM'I 21:27

Naagáy AAKOÓ MUNGÚ malaykamoowós guri ádbáy paánga ngiwa ki/isi baraá tlakwaay, malaykamo paánga gari qaás baraá tlakwaywós.

WARA'AMI 17:13

AAKOÓ MUNGÚ, sihhiít, harahi'iiteek as kiwa dahh. Án ba/amisáng dír heé tlaakwe ar paángarók.

ISAYA 10:15

Xaysé', tsawo ti kilós xirfayésa dír heedaádá' ga ar gadiyuusa? Xáy, masmeno ti kilós xirfayésa dír kudaádá' ga ar tlaaqa? Geera bar adoorí, hhara mukdá' gar qadimiís gwaa lilikís, laqaá hhara hee gu gáwtí tleská, kuduú xa'anoowooká.

ISAYA 10:5

AAKOÓ MUNGÚ i kaahi, «Ashuru a adór guhhláy'eé' oo mukdá' naa i buúhh ngur muux.

YEREMIA 12:12

Gawaá tlom'aá kwankwaari sleémeero awa baraá xaanxaywo, mukdá' gi hhaamiís naa hardáh, paángár AAKOÓ MUNGÚ i hardát as yaamu ngiwa hhaamis, bartaqá' wa aleeró ay tiqá' hee tumu wák oo waydúr hoót i kaahh.

YEREMIA 12:4

Ay xaylá yaamu i tsuunqumaamisiya', nee gitsór umuú diiro i /otsaatsit? Makaay nee tsir/o kina hhaamiís as tlakweemaá yaamuloouuse. Asma muu i kaahi, Mungú alhhe'eesoó slafingwrén gu ariiká.

YEREMIA 15:3

Anuú AAKOÓ MUNGÚ aga tsabiím mukwí nguwa hhaamiis ar muruuwí tsiyáhh: Inooín kin tsuu/ baraá slaqwara, bahh'alé seeaawe gin karslamís, kookaariya' kin /aay nee tsir/o, nee makaá sla/a, sleémeero kiri hhaamiis.

YEREMIA 25:27

AAKOÓ MUNGÚ, aníng iri báy, inooín ki beer, «Anuú AAKOÓ MUNGÚ Aleesleemusmo, Munguú Israeli, a kah, ‹Wahaak, oonimité' nee ta wa/amiindá', ta huhu'uundá', ma baloó tlawaara' malé aleeró, asma tsu/utaadá' ni huuw tla/angwhúng i ale.›

YEREMIA 4:21

Ay xaylá aníng bendeérár slaqwara ngi ga/aa/aw, nee afór tarumbeéta ngi axamamiis.

YEREMIA 48:10

Heé gadiyér AAKOÓ MUNGÚ ga tleéhh ar sangareei i tsarere'eeti, heé paángarós ga ila/aám tseere ku'uusaro i tsarere'eeti.

YEREMIA 50:35

AAKOÓ MUNGÚ i kaahi, «Qatlo i gawaá múk Kaldayo, nee gawaá yaamuloouusér Babuloni, nee i gawaá geeraharuuser'ín, nee i gawaá muk'ín oo sageloén.

ESEKIELI 14:17

«Barnaxes aníng slaqwara an iimu/uuma dír yaamuukae ar muu nee makaywo kiwa hhaamisi.

ESEKIELI 21:30

Hám daxta paánga baraá qawaywósií ki/isaak! Aníng nun sakwasleemuút didár kilá' tunduwa tleéhh, baraá yaamuudá' tunduwa laqwalín.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

Yohana 18:11

Ala Yesu Petro guri báy, «Paángarók ki/iseek. Slahh'eemisuú Baabá naa aníng i haniís, aníng adór ngur maw sleemuuwo?»

HAR'OHUUSE 7:20

Nee daqtadár tsár sleeme adoodá' ngina tleehhiyé'. Inooín sleeme tsaa'aso ngina oohiyé' ar daber'ín ar doó basáy nee tarumbeetadu dabér doó /iyáy, nee tari tseé' ar afór ur tawa kaahi, «Lawaalarí ar AAKOÓ MUNGÚ nee ar Gideoni.»