YEREMIA 47:5 - Biblía Axweesantá Hhohho' ar Mungú 2004

⁵ Múk Gasa se'engw'ín ku deeqw asma tawa tsuunqumisi. Gixsár Ashkeloni kaa qwaareés. Xáy kuungaásingá' aga mete' baraá xatstá ayaaín, ay xaylá ti kiloohúng siiqaaqita' as gurhaami?

YEREMIA 47:5 Iomraidhean Croise

1 WAAWITÁ 18:28

Aaruusér Ba'ali tana ló'wa tseé', tari siiqitiyé' ar tsat'i nee simeduwo, ar adoodá' slooir'ín i diri', nee tseerduuín nay ló'wa wa/aminé'.

ISAYA 15:2

Múk gixsár Giboni ta gáwtí tsa/aa/án, amór wa/aamér tawa sluufmaamisi as tawa tsuunqumisuú ay. Múk Moabu ta tsuunqumiis as múk Nebu nee Medeba. Sleémeero sager'ín ngaa deeqwiyé', daamoó kaa deequút sleémeero.

YEREMIA 16:1

Axweesantá AAKOÓ MUNGÚ aníng ana axaás, i kat,

YEREMIA 16:6

Sleémeero múk urén nee oo ninakwe, i qatliyá' baraá yaamuukae, ki foliitiiká, laqaá heé gi satsuunqumiís i kaahh, laqaá oo ti yaamúr slaáhh, tam oo sagós gu deéqw as gwa'ara i kaahh.

YEREMIA 25:20

nee dahaaye sleémeero tidá' yaamaá Misrír wa hoot, nee waawitá sleémeero oo yaamaá Usi, nee waawitá sleémeero oo yaamaá Filisti, nee oo Ashkeloni, nee oo Gasa, nee oo Ekroni, nee yaamuudá' naa meetiye' awa Ashdodi.

YEREMIA 41:5

múk mibeeraá dakaát ina hardáh oo yaamaá Shekemúr daáhh, nee Shilo nee Samaria, i ilahhooár mooyángw tsuú' koná' as ngiwa hanmiisiya' baraá Doó AAKOÓ MUNGÚ i aleeró. Daamoduuín nga deeqwiyé'. Inooín tlabaaín naa feehhamamitiyé' nee taa gwehhaahhiné'.

YEREMIA 47:1

Kaangwí an axweesantá AAKOÓ MUNGÚ tidá' aarusmo Yeremia aa axaás daanduú múk Filistiwo, dír Farao gixsár Gasa ngiwa i haraatlayká.

YEREMIA 47:4

Asma baalár múk Filisti sleémeero kuwa hhaamisi naa hardát, kun hhaamiis iimír Tirór wa tleemu ay Sidoni, umuúqo alee/isusmoó aa meet sleeme. Asma AAKOÓ MUNGÚ múk Filisti gu hhaamimiis, mukdá' aa meet oo yaamaá Kaftori kudá' tla/ángw tlawi.

YEREMIA 48:37

Umuú heewo saga nee daamode gaa deéqw. Dabaaín sleémeero ka gwehhaahhín nee tlabaá guniyadu nga siinotiyé'.

ESEKIELI 25:16

gawaá adoorihe anuú Aakoó MUNGÚ dakw'eé' un tleés gawaá múk Filisti, aníng múk Kereti nee kuduú afaá tlawto un hhaamiís.

ESEKIELI 7:18

Inooín tlabaá guniyadu ngiri tsiitiyá', dae giri eér. Inooín niri muruutiyá' nee sager'ín sleémeero kari deeqw.

TLAHHOÓ LAÁWI 19:28

Slaqoohúng mi siiqitaara' qoomár bar tsuunqumiisa', slaqoohúng mi iiree/imaara'. Aníng an AAKOÓ MUNGÚ.

TLAHHOÓ LAÁWI 21:5

«Xwaylár Aroni sager'ín makawa baloó deéqw, laqaá daamór'ín makawa bihhér wa sareék, laqaá baraá slaqooine ló' mitiwa iree/iné' as tsuunqumis.

MIKA 1:16

Kuungá' múk yaamaá Yuda, se'eemerhúng deeqwaak tawa tsuunqumisa' as na/iihúng kudá' ta sla'a'. Sagerhúng adór tiqár gwares tleehhaak, asma na/iihúng kir tláy nee wakuuse ay yaamaá saawá'.

Marko 5:5

Nee deelo sleémeero xweera nee tlaatla/aango amoodár /aantu gin wa iwaawiit, nee gawaá tlom'i. Nee slám in tseeamaamín nee tin tlaaqaaqán ar tlaa/e.

DABE 14:1

«Kuungá' a na/aá AAKOÓ MUNGÚ, Munguúhúng. Miti iree/imaara', laqaá se'engwhúng mu deequtaara' hee barnaxes aa gwaá'.

HAR'OHUUSE 1:18

Dinkwa nee tihe tlahhoó Yuda gixsár Gasa gari hayóh nee ayeemowose, nee gixsár Ashkeloni nee ayeemowose, nee gixsár Ekroni nee ayeemowose.