YEREMIA 47:4 - Biblía Axweesantá Hhohho' ar Mungú 2004

⁴ Asma baalár múk Filisti sleémeero kuwa hhaamisi naa hardát, kun hhaamiis iimír Tirór wa tleemu ay Sidoni, umuúqo alee/isusmoó aa meet sleeme. Asma AAKOÓ MUNGÚ múk Filisti gu hhaamimiis, mukdá' aa meet oo yaamaá Kaftori kudá' tla/ángw tlawi.

YEREMIA 47:4 Iomraidhean Croise

IIMU/UUNGW 10:15

Kana'ani iri laqwaál Sidoni, garmaawós oo baris. Aluudae iri laqwaál Heti.

1 QOM'I 1:12

múk Patrusi nee oo Kaftori nee oo Kasluhi, mukwí a amoodá' múk Filisti niwa tláy.

YOBU 9:13

Mungú bira buúhh ti il/aa/anká, makiito'oodár baraá ma'aay ta bay Rahabu nee alee/isuuseerose aqo nin dír geeraawósí xupuuiyá'.

WARA'AMI 37:13

Ala AAKOÓ MUNGÚ gun wa qasén kudá' tlaákw, asma gaa ár adór deeloorós ar alhhe'eesaay nira naká/.

ISAYA 10:3

Hám adór ta laqa' deelór muxtaaro, deelór bambaaór ur burna amór saáwá i hardát? Heé ti ta'aiinda' a heemá oo nu /iís? Dír daqaari'iimarhúng ki qasa' a diimá?

ISAYA 14:31

Maraay ni tsuunqumiisiye', gixsadu ni /aa/iye', kuungaásá xoorór Filisti gur'e ma'aay ngi dalaa/iye', Asma asla ni /iikú wa hi'ít, slám heé bihhií parangaá/ i kaahh baraá slaqwaruuser'ine.»

ISAYA 20:6

Baalaadae yaamuuloouusér afaá tlawi iri o', ‹Qaytsité', mukdá' atén ta harahhifaafitaan gár gwaa sleer, kudá' tay gwaagowaan tiwa tu/iya' dír waawutmoó Ashuruwo. Hám daxta atén adór tar /uwaan?› »

ISAYA 31:8

Múk Ashuru ku tsuu/ ar paánga ala ar dákw heewooká. Inooín kin /aay nee paánga ala ar dákw hee ba/a, múk Ashuru tari /akumiit, nee masoombar'ín gadiyér tawa bihhií noongo'otiiká gari tléhh.

YEREMIA 46:10

Baalaarí an baalár Aako, MUNGÚ Aleesleemusmo, an baalár inós li/ay nguwa bui. An deelór wakuuserós ngiwa sakwasleemuti, mukwí paánga gun /ák ay dír i hhe'es. Tseerer'ín gan wát ay dír i ax. Asma Aako, MUNGÚ Aleesleemusmo ilahhooár muruú ta tsu/i ga hanmiis amór yaamaá /iya awa iisaapoó yaaér Eufrate.

ESEKIELI 21:25

«Kuúng waawutmoó Israeli, kuúng a heé aa ló'wa hhitiruut. Baalaarók naa hardát, eeít, baalár muxtaarók ar alhhe'eesáy.

ESEKIELI 21:29

Qoomár kuungá' tawa xaslite' baraá iigu'utuuhúng kuduú al/ayma nee aaru'uumarhúng tidár lama, paánga kaa amohhe'eés isaá múk aa dee/anuumiit tlaquuwo. Baala naa xeér ar tlakweemahúng kiwa sakwasleemuuti.

ESEKIELI 25:16

gawaá adoorihe anuú Aakoó MUNGÚ dakw'eé' un tleés gawaá múk Filisti, aníng múk Kereti nee kuduú afaá tlawto un hhaamiís.

ESEKIELI 30:8

Aníng yaamaá Misri bira ásltí qaás nee ayeemoodá' sleémeero ngi alee/iimisá' bira qwaareés. Daqaní ngi tsaahhiyá' adór aníng tar AAKOÓ MUNGÚ.

ESEKIELI 7:12

«Qooma naa hardát, eeít, deeloodá' naa tseewuúr, heé gár tlaxuúm miwa qwalaá/, laqaá heé gár weeramiís miwa tsuunqumiís, asma buhhtaeé' muu sleémeerowo ngu slayá'.

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.

AMOS 9:7

AAKOÓ MUNGÚ i kaahi, «Xáy, kuungá' múk Israeli, dimbé iqo deéro nee múk Kushi? Múk Filisti una duúx baraá yaamaá Kaftori wa ale, nee múk Aramu baraá Kirír wa ale. Ahaá aníng xoorór Israeli ngaa duuxikáhe baraá yaamaá Misrír wa ale?

Luka 21:22

As deeloorí tawa deelór li/aay, as tidá' taa gooín sleémeero iwa bo/.

DABE 2:23

Múk Afi aáng ina hoót dír yaamudaá bihhaá Tlawtá Tla/aangw ay Gasa. Múk Kaftori kudá' yaamaá Kaftorír daáhh mukduú Afi kuri hhaamiís, inooín tari baraá yaamuudá' i hotaá áy.

YOSHUA 22:30

Finehasi kaahamusmoó Mungú, nee geeraharuusér tlahh'aá xoorór Israeli kudá' nee inós taa alkone', axweesanoó tlahh'aá Reubeni nee oo Gadi nee tlaqtá tlahhoó Manase kuwa axaás, tari qwalaá/.