YEREMIA 47:2 - Biblía Axweesantá Hhohho' ar Mungú 2004

² AAKOÓ MUNGÚ i kaahi, «Ga/aaweek, ma'aay naa bihhaá /iíkwá haratlayé', nee ma'ayká' tari yaaér aa tunqaywa/, inós yaamu sleémeero gi gú/ nee umuú gár baraadá' hoota, gixsa nee yaamuloouuse, tidá' baraadá' hoot. Muu iri /aa/amín, yaamuloouuse sleémeero tari tsuunqumiis.

YEREMIA 47:2 Iomraidhean Croise

WARA'AMI 24:1

Yaamu nee muruudá' sleémeero gaa hatsiis an daqaari'iimár AAKOÓ MUNGÚ, yaamu nee múk baraawós wa hoota a kós.

WARA'AMI 50:12

«Geeraawo bar aníng an qwariita, un qo ádbawaaká. Asma yaamu a kwe'eé', tam muruú daanduú yaamu a kwe'eé'.

WARA'AMI 96:11

Doori i qwalaa/iye' nee yaamu i baraa/iye', tlawi i xuuru' nee muruú baraawós i diriia'.

WARA'AMI 98:7

Tlawi ni haratleer nee muruudá' baraawós i diriia, yaamu i daaiye' nee kudá' baraawós wa hootá'.

ISAYA 14:31

Maraay ni tsuunqumiisiye', gixsadu ni /aa/iye', kuungaásá xoorór Filisti gur'e ma'aay ngi dalaa/iye', Asma asla ni /iikú wa hi'ít, slám heé bihhií parangaá/ i kaahh baraá slaqwaruuser'ine.»

ISAYA 15:8

Asma yaamaá Moabu naa gwaaiyé' /aa/eewo, tsuunqusmoóín aa hardáh ay Eglaimu, iri hardáh sleeme ay Be'er-elimu.

ISAYA 22:1

Iigu'utuú Mungú aa laqán daanduú xatstá iigu'utuú. Aá Yerusalemu, gár naa xeer a milá? Baré kuungá' sleémeero aga tsa/aandé' gawaá daandemaá maraay.

ISAYA 28:17

Aníng sakwasleemár ganaa' anar gadiyuús tawa xooslmooeé' oo qoomeemes, nee hotaá ganaa'á' tawa hhutlmoó qoomeemes, lamemoohúng kudá' ta i gogoba' kin xoontsoroo' nee tluwoó tlaa/e, nee al/aymarhúng tidá' tay nahhmita' kan ar tlay nee alwuór ma'aay.

ISAYA 59:19

AAKOÓ MUNGÚ kuri ilaiwawaa/ bihhaá /uwawo, bihhaá da/awe xirfuuwós kuri tsaahh. Asma inós ni hardah adór yaaér hi'iit ar gaanslaay. Yaaér taa dúk nee fur'ár AAKOÓ MUNGÚ.

YEREMIA 1:14

AAKOÓ MUNGÚ iri báy, «Slaqwaruusér /iikú daahh múk yaamuuká' hoót sleémeero gu hhaamís.

YEREMIA 46:12

Xoordu alsi'iimuuhúng ngwa axaasiyé', /aa/eehúng daanduú yaamu ngwa tsataatiyé', asma migusmo migusmoó hatlá' guri sadukuúts, tsaraawo tari alhuhu'ún.

YEREMIA 46:13

Kaangwí an axweesantá AAKOÓ MUNGÚ aa oó' dír aarusmo Yeremia, daanduú Nebukadnesa waawutmoó Babuloni iwa haratlay yaamaá Misri,

YEREMIA 46:20

Yaamaá Misri a adór damár buka, ala seehhamoó /iikú daáhh gan kiihh.

YEREMIA 46:24

Múk yaamaá Misri ku mureekees, inooín ki qaas baraá dabaá múk bihhaá /iikú daáhh.»

YEREMIA 48:39

Ga/aawaak, adór tara qeqtín! Ga/aawaak adór tar tsuunqumisi! Múk Moabu aa alií kií/ ar mure. Múk Moabu aa gár waaqaseengw tleehhiít, nee gár dae tlaaq dír inslaawaay sleémeerowo.»

YEREMIA 6:22

AAKOÓ MUNGÚ i kaahi, «Qaytsité', xoorór /iikú daahh ni hi'ít, xoorór /uuruú slaqwarár koom, ti amohhe'eemís amorqá' saáw wa aleeró.

YEREMIA 8:16

Afór farsuín aga axaasaán baraá Dani, kididihoó farsuín oo slaqwara yaamu sleémeero gaa diingiís. Nin hardihiyá' as yaamu nee umuú gaaro ngiwa hhitina', gixsa nee mukose ngiwa hhitina'.

DANIELI 11:22

Slaqwaruuse dinkwa nee kaahamuusér Doó Mungú gi slururu'uus.

NAHUMU 1:8

Ala ar alwuoodá' wa/amiima, hotaá wakusmoowós gin qwaarees, wakuuseerós gari guus ay baraá giwti.

1 Korinto 10:26

Asma Gooi i kat, «Yaamu nee umuúqo gaaro ar baraá yaamií diriia a ar Aako.»

1 Korinto 10:28

Ala barnaxes hee kuungá' naa báy, «Gaarí kaa ilahhooár wa gaás,» kuungá' daqaní gadaádá' ma /ayaara', as heedaádá' ngaa oo', nee as haratlintaao.

Yakobo 5:1

Iia qaasaak, kuungaásingá' daqaare, /aa/é', tsuunqumiisé', as slahh'amuuwí kuungá' ta sleera'.

Geehhoeemaá 17:1

Malaykamoó wák niri hardáh. Inós a malaykamoó wák baraá malaykeedá' faanqwe, tidá' slooqa'aá faanqw gi koom. Inós iri amor'eé' axweés iri báy, «Qwaláng amoorí. Aníng sakwasleemár tsaatuso'oodá' ur ngi dirógií laqaám. Inós a tidá' aa iwit gawaá ma'aá yaariir i alé.

Geehhoeemaá 17:15

Aluuwo malaykamoodá' iri báy, «Ma'aydá' taa aán, kudá' /ameenidár tsaatuso'o aa al iwít, a muu nee boo/aay nee xoordu nee tsifri.