YEREMIA 46:9 - Biblía Axweesantá Hhohho' ar Mungú 2004

⁹ Kuungá' faras, geera i kumitaak, haraatlawé', gaardaá faras, masók miguuse i geerií kumít. Múk Kushi nee Putu kudá' gaambu ngaa oohiye', múk Ludi kudaá ga/aldu tlaqooro ngi baalá'.»

YEREMIA 46:9 Iomraidhean Croise

IIMU/UUNGW 10:13

Misri tari baabuú múk Ludi nee múk Anamu nee múk Lehabi, nee múk Naftuhi,

IIMU/UUNGW 10:6

Daaqoó Hamu a Kushi, nee Misri, nee Puti nee Kana'ani.

1 QOM'I 1:11

Daaqoó Misri a kwí: Múk Ludi, nee oo Anamu, nee múk Lehabi nee oo Naftuhi,

ISAYA 66:19

«Aníng laya an qaás, baraá tla/angw'ín, dir'ine awa na meetiye' ngiri huúw baraá xoordu, amór Tarshishi, nee amór Puti, nee amór Ludi kudá' ga/aldaá xuá' tlaqutuwo, nee amór Tubali, nee amór Yowani, amór ayeemoodá' sawen awa afaá tlawi kudá' handá' kangw'eé' ngwa axasi'iiká nee xirfuueé' ngwaa ari'iiká. Amoodae muk'eé' xirfuueé' guri alki/iit dír xoordu.

YEREMIA 30:5

AAKOÓ MUNGÚ i kaahi, «Afór dae tlaaq aga axaasaán, /aa/aá dae awa wayda wasl.

YEREMIA 47:3

Inooín kididiheelíngw faras ku axaas, nee tsimaahhír gaardaá slaqwara, nee kuduuduhár /angeegeuú gaardu kari axaas, baabi'i na/ii'ín kiri máy amohhe'eemisuuwo, asma dabaaín naa tsatiitiyé' ló'wa aleeró.

YEREMIA 51:11

AAKOÓ MUNGÚ munér waawituú múk Mede gaa dúk asma Babuloni ga ló'wa hhaamiisár wa slaa'. Asma gaarí an li/aydú AAKOÓ MUNGÚ, kudá' i bu'un as Do'ós. Maheerihúng duuxaak! Gaambu oohaak!

ESEKIELI 27:10

«Múk Persiár daáhh nee Ludi nee Puti, inooín tina haragaasiyé' nee slaqwaruuseerók, gaambuuín nee kofiyaduín ngiri burumburiyé' baraá slumoowók, kiíng iri iia tleeresiyé'.

ESEKIELI 30:4

Slaqwara ti'it baraá yaamaá Misriro, nee yaamaá Kushi gurhaamír ur gi sleér qoomár múk yaariír oo Misri burkwa tsuú/. Daqaari'iimar'ín barka ar tláy, nee ihhafiirír gixsaduuín barkaa feé/.

ESEKIELI 30:5

«Muu sleémeero kudá' taa dabe oohiye' nee múk Misri, adór múk Kushi, nee oo Puti, nee oo Ludi nee oo Ma/arabu sleémeero nee oo Libya kiri dinkwaárí hhaamiís.

NAHUMU 3:9

Yaamaá Kushi an /uuruuwós, nee Misri sleeme taa baabaqaasiiká. Yaamaá Puti nee awa Libya an alee/isuuseerós.

Tlehhema'aá ya/Abuuse 2:10

nee múk Frigiár daáhh nee Pamfilia, oo Misri nee oo Libya, múk inslaawoó bihhaá Kirene, nee dahaayér yaamaá Romár daahh,

1 Korinto 1:8

Inós sleeme kuungá' nu /uurií haniis ay alhhe'eesaay, as kahhó' kuungá' tawa múk dakuús wásl baraá umuúqo gaaro bál deelór Aakoorén Yesu Kristowo.