YEREMIA 46:6 - Biblía Axweesantá Hhohho' ar Mungú 2004

⁶ Kudaádá' islahh ti'iingo dír ta ay i káhh, tam miguuse i kotsqotká, bihhaá /iiko dír yaaér Eufratero inooín taa dukuúts tari huhu'ún.

YEREMIA 46:6 Iomraidhean Croise

2 WAAWITÁ 23:29

Qoomár waawuti'iimarose waawutmo Farao-neko oo Misri ina tláy ay yaaér Eufrate, as tiwa doogiya' nee waawutmoó Ashuru. Naagáy waawutmo Yosia iri tláy as tawa slaqwi nee Farao-neko, ala Farao-neko nguwa ár guri gaás Megido.

2 WAAWITÁ 24:7

Waawutmoó Misri aa malé haratlayká amór yaamaá Yuda, asma waawutmoó Babuloni yaamu sleémeero kudá' aáng taa sawaawuti'ín nee waawutmoó Misri gina hayóh iimír yaaér Misrír wa tleemu ay yaaér Eufrate.

WARA'AMI 27:2

Múk tlakuuse niwa amor'eé' haratláy, as aníng iwa gu/tá wa slai, wakuuser'eé' tí sleémeero tari dukuúts nee tari huuhu'ún.

DAHARUSMO 9:11

Aníng ana malé ár barakaá yaamuwo, múk arba/ati ga slasláw baraá ti'iingo, a kudá' gu baalaaká. Baraá slaqwaraaro múk balaaliím a kudá' /uuruú koomaaká. Múk muruú /aymár koóm a kudá' sagaloeneeká, laqaá daqaare a múk fuqureraá koomaaká, laqaá daharusmo a geeraharusmowooká. Ala umuú heewo gitsee/a gi kón nee qoomaaro.

ISAYA 8:15

Múk yaariír ta dukuuts tari huhu'ún tari naasumiit, tsaaxweelirí gin ohiín kiri ar tláy.»

YEREMIA 1:14

AAKOÓ MUNGÚ iri báy, «Slaqwaruusér /iikú daahh múk yaamuuká' hoót sleémeero gu hhaamís.

YEREMIA 20:11

Ala kuúng AAKOÓ MUNGÚ a dinkwa nee aníng. Dir'eene kuúng a adór migusmoó dae tlaáq. Gawaá adoorihe kuká' aníng i baramaanuusá' i dukuutsiyá', baaliro i aleeslay'aaká. Ki ló'wa mureekees, asma i baalina'aaká. Murér alhhe'eesay wasle ngin slayá', ar taqo baloó gunqareesiiká.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 4:6

Bendeéra gáwtí tleesaak ka amór Siyoni xu'usá'. Guwé' as tiwa /isa', ma tligatligaara' AAKOÓ MUNGÚ slaqwarár ur ngi /iikú wa huuw nee hhaamimisuú urene.

YEREMIA 46:10

Baalaarí an baalár Aako, MUNGÚ Aleesleemusmo, an baalár inós li/ay nguwa bui. An deelór wakuuserós ngiwa sakwasleemuti, mukwí paánga gun /ák ay dír i hhe'es. Tseerer'ín gan wát ay dír i ax. Asma Aako, MUNGÚ Aleesleemusmo ilahhooár muruú ta tsu/i ga hanmiis amór yaamaá /iya awa iisaapoó yaaér Eufrate.

YEREMIA 46:12

Xoordu alsi'iimuuhúng ngwa axaasiyé', /aa/eehúng daanduú yaamu ngwa tsataatiyé', asma migusmo migusmoó hatlá' guri sadukuúts, tsaraawo tari alhuhu'ún.

YEREMIA 46:16

Boo/aywók aa dukuúts tari huuhu'ún, tiri kilooín babayé', ‹Sihhiitaré', gusé' amór mukrén, a ki/aán amór yaamuudá' atén ti laqwalín, as lawaalár baramaanusmo kawa ilaguwaan.› »

YEREMIA 50:32

Heé daara/aám i dukuuts nee i huu', heé gu tleés i kaahh. Aníng asla a oohiís baraá gixsaduuwós, nee umuú gaaro gari /ák bihhaawose.»

YEREMIA 6:1

Múk Benyamíni, ti'iité' baraá Yerusalemuro, ta'aaimé' amór amohhooa. Tarumbeéta ufahhaak baraá gixsár Tekoaro, laya laqaamaak amoqár Bet-hakeremu. Asma amotlakwe ni bihhaá /iikú wa hardát dinkwa nee qwanoó ure.

DANIELI 11:19

Inós iri kii/ baraá gixsadaá ayaawós, ala inós ti sadukuuts nee kuri baal baraá slaqwararo, gaarí an alhhe'eesaywós.

DANIELI 11:22

Slaqwaruuse dinkwa nee kaahamuusér Doó Mungú gi slururu'uus.