YEREMIA 46:21 - Biblía Axweesantá Hhohho' ar Mungú 2004

²¹ Tam slaqwaruuser'ín tidá' taa tlaáxw baraá tla/angw'ine a adór damaá naa wahhditiye', inooín sleeme na alií ki/iyé', taa goów tam slaqwara nga qiitlii'iiká, asma deelór kiwa hhaamisi naa xeér, qoomar'ín ar kiwa muxi naa hardát.

YEREMIA 46:21 Iomraidhean Croise

2 SAMUELI 10:6

Múk Amoni kawa tsaáhh adór Daudi kura buhhtís, múk slaqwara oo ya'ár hi'iít oo kume mibeeri tsár kuna tlaáxw amór múk Aramu wa ale, inooín a múk yaamaá Bet-rehobu, nee yaamaá Sobaro. Nee múk slaqwara oo kume mibaá nee tsár guri tlaaxw oo yaamaá Tobu, nee múk kumuú wák oo waawutmoó yaamaá Ma'aka.

2 WAAWITÁ 7:6

Asma AAKOÓ MUNGÚ xweeraawo slaqwaruusér múk Aramu gana naáxw ar afór ur ar slaqwaruusér yaariir, nee ar faras nee ar gaardu. Múk Aramu ngiwa xui a múk Israeli, slaqwaruusér taa tlaaxw ar múk Hiti nee múk Misri nina haraatleér.

WARA'AMI 37:13

Ala AAKOÓ MUNGÚ gun wa qasén kudá' tlaákw, asma gaa ár adór deeloorós ar alhhe'eesaay nira naká/.

AXWEESANOÓ SAGALOOA 15:17

A tsiní múk ti slaá' oo fa/ar'ín /aáy ar naanuú bó/, ta múk taa wakawaki oo /ayiím ar fu'unaá awú wahhaár.

ISAYA 10:3

Hám adór ta laqa' deelór muxtaaro, deelór bambaaór ur burna amór saáwá i hardát? Heé ti ta'aiinda' a heemá oo nu /iís? Dír daqaari'iimarhúng ki qasa' a diimá?

ISAYA 34:7

Sare/ kun tsuu/ dinkwa nee inooín, awér batlaay nee ar urene kiri tsuu/, yaamuuín niri naa/iyá' tseerduuwo, hhaper'ín iri wahhát as di/i.

YEREMIA 18:17

Aníng muk'eé' un diyaá/ dír geeraá wakuuser'ine, adór teerír tar tlatlay nee fur'ár da/aá daahh. Aníng baalaadár slahh'amuuine in daanduú xu'ús, kitángw guruueé' nguwa amor'ín xu'us.»

YEREMIA 46:22

Inooín i tseeaminá' adór dayshamoó ti gileéhh, asma wakuuseerós naa gaanslár hardát, in tsabaá koná' adór múk tlaquú áw.

YEREMIA 46:5

Ahaá gár ni ga/aw mas kina de'e tsaát? Inooín naa amoqwaariyé', naa alií ki/iyé'. Miguuser'ín kaa muúx, iri /akumít sleeme naa alií qaytsiti'iiká, dae i umuú bihhe. AAKOÓ MUNGÚ tí gan kah.

YEREMIA 46:9

Kuungá' faras, geera i kumitaak, haraatlawé', gaardaá faras, masók miguuse i geerií kumít. Múk Kushi nee Putu kudá' gaambu ngaa oohiye', múk Ludi kudaá ga/aldu tlaqooro ngi baalá'.»

YEREMIA 48:44

Heé dae tlaqa gwa ilagoow in /eet baraá bohoongw, heé naa baraá bohóngw wa ti'iit tsaaxweeli gun ót. Aníng muruuwí ngu huúw dír múk Moabu, kurkú muxtar'ín bira xeér. Anuú AAKOÓ MUNGÚ tí ngina oó'.

YEREMIA 49:8

Yaamuloouusér Dedani, kuungá' /akumiité', warqawé' hota awaak baraá nahhaata. Asma xwaylár Esau aníng a slahh'amií huúw, qoomár ngiwa muux bir naa xeér.

YEREMIA 50:11

Kuungásingá' aalir'eé' hayoohimá', tam qwalaala/aa'a tam bara/a'a, tam /an/anusa'a adór bukár baraá gitso, tam aahhamiinda'a adór farsuú yaqaambe,

YEREMIA 50:27

Slaqwaruuseerós tidár adór awe tsu/aak, mawaak i /eetiye' dír tsu/uta. Tsaxwaaín asma deelor'ín naa hardát, qoomar'ín ar muxta naa xeér.

ESEKIELI 30:22

Gawaá adoorihe, anuú Aakoó MUNGÚ a kah, Aníng nee Farao ti araán, waawutmoó yaamaá Misri. Dabaawós tsaraawo in giqáw, kudá' hhoó' nee kudá' taa geeqayi. Nee aníng paángadá' gawaá dakós i dirii' an yaamií kwaáhh.

ESEKIELI 35:5

«Kiíng ana wakuso'ór daqisleém tleehhít dír múk Israeliro, nee múk yaariír una tsú/ ar paánga qoomár tawa baraá slahh'amuuínií dirii'i, nee iwa baraá sakwasleemar'ín ar alhhe'eesáy dirii'iya'.

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.

AMOS 6:4

Tsaxwaahúng kuungaádá' qaqtimá' baraá qateenaá taa parootuús ar xareemaá daawe, nee kudá' ti alduxuumá' gawaá qateenoodá' bununuuqá' wa alé, fu'unaá deeloó bee/aangw kiri /agá' nee tari damaá lehhitá' baraá slumo.

OBADIA 1:13

Geeraawo ana dati'iiká baraá gixsár muk'eé' bál deelór slahh'amaayer'ine. Geeraawo masók qatlor'ín ana sa qwalaala/i'iiká i qaytaaro bál deelór slahh'amuine. Tam daqaari'iimar'ín geeraawo masók ana haasaáng wa hubi'iiká bál deelór slahh'amuine.

MIKA 7:4

Tam kudá' hhoó' baraá tla/angw'ine a adór fuquráy, nee heé ganaá' baraá tla/angw'ine a adór yawtá laqeelo. Qooma naa hardát ar Mungú mukwí nguwa muxi, adoodá' xuumuuser'ín ngira geerií gurbuú', asma xuumuuser'ín a aaruuse. Mukwí qoomaarihe dae gway eér, nay amoqwaariyá'.

Matayo 22:4

Lawaalér hatlá' gari male ya/aáw, gana báy, mukdá' taa dahi'ís bawaagáy, ‹Ga/aawaak, muruú /aymar'eé' ugwa amohhe'eés, awe nee damaay kudaádá' wahhaará' iga hhe'eés tsu/utaaro, nee mura' sleémeero aa hhooáy. Qwalaasaré' amór doó duuxo.›

DABE 32:15

Ala Yeshuruni ina wahhaár nee kal/aando gari iimu/ún. Kuungá' ana wahhadité', gur'e kari tlehhité', tari bununuquumité'. Aluuwo Munguúdá' gaa tleehh nguri si'iyé'. Tlaa/adár ba/ama ngari waaqaaiyé'.