YEREMIA 46:18 - Biblía Axweesantá Hhohho' ar Mungú 2004

¹⁸ Anuú waawutmo kudá' ta bay AAKOÓ MUNGÚ Aleesleemusmo, aníng lo'o aga /aáy ar umuueé', gídaabá oo wák ni hardah. Inós a adór tloomár Tabori baraá tla/ángw tlom'iiwo, nee a adór tloomár Karmeli bihhaá tlawto.

YEREMIA 46:18 Iomraidhean Croise

WARA'AMI 89:12

Kuúng /iya nee basko ina tléhh, tlom'aá Tabori nee Hermoni u sa baraa/iyá'!

ISAYA 47:4

Ba/amusmoorén, umuuwós an AAKOÓ MUNGÚ aleesleemusmo, inós an kudá' hhoohhoó' oo Israeli.»

ISAYA 48:2

Kuungaádá' ti ateetimá' ar umuú gixsár hhoohhoo', handá' a kata', Munguú Israeli un harahhifaán, umuuwós an AAKOÓ MUNGÚ Aleesleemusmo.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

YEREMIA 10:16

Ala Munguú Yakobo a adór slaqsi'iikaeeká, asma inós umuú gaaro gana tleéhh, nee múk Israeli guna tsawaár tawa xooroorós. Umuuwós an AAKOÓ MUNGÚ Aleesleemusmo.

YEREMIA 4:13

Ga/aawaak, wakusmo ni hi'iit adór huunki. Gaarduuwós awa slaqwara a adór bambaao, nee farasuuwós i gaanslár ti'ii'ín gwares ba/a. Tsaxwaarén asma aga hhaamaán.

YEREMIA 4:7

Adór dirángw naa baraá nahhaatarós wa ti'iit. Kudá' xoordu gi hhaamiís taa amohhe'eés. Inós naa dír kitaangós wa tláy as yaamuuwók ngiwa hhitin. Gixsaduuwók ngiwa taanguy nee heé baraadá' hoót iri qwaar.

YEREMIA 44:26

Gawaá adoorihe axweesantá AAKOÓ MUNGÚ iiárií qaasaak, kuungaá múk Yuda sleémeero kuká' baraá yaamaá Misrír hoót. Anuú AAKOÓ MUNGÚ a kah, «Ga/aawaak, aníng lo'o aga /aáy ar umuueé' oo úr, nee a kah, heé Yuda oo yaamaá Misrír hoota oo káh, ‹Adoodá' AAKOÓ MUNGÚ ir hotaatin.› I kaahh tumu wák.

YEREMIA 48:15

Kudá' Moabu aa hhaamiís nee gixsaduwose naa hardáh, masoombar'ín tidá' hhohho' kaa tsu/utár áy.» Tí Waawutmo gan kah, kudá' umuuwós ta bay AAKOÓ MUNGÚ Aleesleemusmo.

YEREMIA 51:17

Umuú hee a daktani, ku xu'uti wásl, umuú kareeramowo nee murslaaqatuuwose ki mureekees, asma slaqsi'iiwós a lama, slám i hiinsliiaaká.

YEREMIA 51:57

Aníng geeraharuuseerós nee múk sageloene u xufiitiís, nee ga/aawuuseerós nee geeraharuusér slaqwara nee miguuseerose. Inooín tan guu' ar gu'utér tawa daarkiitiiká, nee ar tleemu wasl. Aniíduú waawutmo, umuueé' a AAKOÓ MUNGÚ Aleesleemusmo, tí ngana oó'.

AMOS 4:13

Mungú an kudá' tlom'i gaa tleehh nee fur'aaro, inós inslawaywós gun dír heéwí oo', inós an kudá' tlaatla/aangw gu xweerí warqeés, nee an kudá' sagér tlom'i ga yaamií adaráh. Inós umuuwós an AAKOÓ MUNGÚ, Munguú Aleesleemusmo.

MALAKI 1:14

«Heé al/aymusmo ku lu'usi, kudá' baraá daqtose gár xaslxaanslír koom ga ilahhooár wa gaamiís dír Aakoó i alé, ala laatí baraá al'axweesantose yaqaambuú hhoó' guna oó'! Asma aníng a Waawutmoó úr. Umuueé' baraá xoorduuwo i dae tlaaq. Anuú AAKOÓ MUNGÚ Aleesleemusmo tí ngina oó'.»

Matayo 5:35

Laqaá lo'o ma huwaara' ar yaamu, asma yaamu a kitángw ya'aá Mungú. Laqaá lo'o ma huwaara' ar gixsár Yerusalemu, asma a gixsár Waawutmoó úr.

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

YOSHUA 12:22

waawutmoó gixsár Kedeshi, nee oo Yokneamu, gixsár geetuú tloomár Karmeli,

YOSHUA 19:22

Digmuuín sleeme ina hardáh ay Tabori ay Shahasuma ay Bet-shemeshi, iri alhhe'eesuút baraá yaaér Yordani. Gixsadaá taa dir'íní haniís nee ayeemooine dinkwaaro a mibaá nee lahhoó'.

HAR'OHUUSE 4:12

Sisera ngiwa axaás adór Baraka garmoó Abinoamu ira tsa/án gawaá tloomár Tabori,

HAR'OHUUSE 4:6

Inós iri ya/abiín amór Baraka, garmoó Abinoamu, yaamuloousmoó Kedeshi, baraá yaamaá Naftali, guri beér, «AAKOÓ MUNGÚ, Munguú xoorór Israeli, kuúng un babay, ‹Tláw, mukók sleémeero burumbureek gawaá tloomár Tabori, múk kume mibaangw oo xoorór Naftali nee oo xoorór Sebuluni.