YEREMIA 46:12 - Biblía Axweesantá Hhohho' ar Mungú 2004

¹² Xoordu alsi'iimuuhúng ngwa axaasiyé', /aa/eehúng daanduú yaamu ngwa tsataatiyé', asma migusmo migusmoó hatlá' guri sadukuúts, tsaraawo tari alhuhu'ún.

YEREMIA 46:12 Iomraidhean Croise

ISAYA 10:4

Gár ti meta' aqo an kulala'amitá' tla/ángw múk taa tseegi, laqaá an pahhá' baraá tla/ángw múk ta baraá slaqwarár wa tsu/i. Tam adoorihe, AAKOÓ MUNGÚ muneerós gaa gu/iiká, tam hamí dakós i loloqoosárí kaahh.

ISAYA 19:2

Aníng múk Misri un tlaahhírí kwaáhh, umuú heewo nee hhiyaawós tiri ayá'. Tam inslaawmo nee kuqá' tin ayá', aya nee kuqá' tiri ayá', waawutmo nee kuqá' tiri i tlayá'.

ISAYA 24:11

Baraá lohduuwo muu /aa/eewo tsee/a gaa faák, as difaái kawa dakuús, qwala/ sleémeero aa faák, qaseengw baraá yaamuwo aa suquút.

YEREMIA 14:2

Múk Yuda i tsuunqumiis, afér gixsaduuín aa sololo'ót, mukós aa yaamií huuhu'ún ta tsuunqumiis, nee múk Yerusalemu ta gáwtí tsee' /aa/eewo.

YEREMIA 2:36

Ahaá waáy, gár tisa adoorír inslaahhés, tleehhmi'iiwók kis adoosír warqeemis? Tu mureekees nee múk Misri adoodá' tura mureekeés nee múk Ashuru.

YEREMIA 46:6

Kudaádá' islahh ti'iingo dír ta ay i káhh, tam miguuse i kotsqotká, bihhaá /iiko dír yaaér Eufratero inooín taa dukuúts tari huhu'ún.

YEREMIA 47:2

AAKOÓ MUNGÚ i kaahi, «Ga/aaweek, ma'aay naa bihhaá /iíkwá haratlayé', nee ma'ayká' tari yaaér aa tunqaywa/, inós yaamu sleémeero gi gú/ nee umuú gár baraadá' hoota, gixsa nee yaamuloouuse, tidá' baraadá' hoot. Muu iri /aa/amín, yaamuloouuse sleémeero tari tsuunqumiis.

YEREMIA 48:34

«Múk Heshboni /aa/eeín naa hardihiyé' ay Eleale, nay kumitiyé' nay hardihiyé' iimír Yahasi. Niri dalaa/iyé' iimír Soari, ay Horonaimu, nee Eglat-shelishiya, tam ma'aá yaaér Nimrimu naa /oné'.

YEREMIA 49:21

Afór huuamaaín yaamu giri diingís, afór /aa/eeín kari tlawtá Shamúr wa axaas.

YEREMIA 50:46

Kududuhoó hayoohár Babuloni yaamu gi daaraxaas, nee /aa/eeín kiri axaas baraá tla/ángw xoordaá hatlae.»

YEREMIA 51:54

«/Aa/aá Babulonír dahhá' iiárií qaasaak, afór ur ar hhaamisa ar yaamaá Kaldayór daahh axaasaak.

NAHUMU 2:5

Geeraharuuseerós gaa ateét. Ya'aaín ngin tunqala/aná' bir amoorós kayá'. Nin gaanslár tsa/aa/aná' gawaá koo/írí aleeró. Slám baqamoó gaa qaroó amohhe'eés.

SEFANIA 1:10

AAKOÓ MUNGÚ i kaahi, «Baalaadae afór /aa/e ka axaas iimír afkuduú gixsár Yerusalemu oo ta bay Afkú doó Siyó, nee tsunqusmoó úr kuri axaas amór bartá hatlá' ar gixsa, nee kududuhoó úr kuri axaas gawaá tlom'ií wa alé.

1 SAMUELI 5:12

Mukdá' aa qatliiká kuna tiqtír um'ií kwaáhh. Tsuunquusmoó muu baraá gixsaro ay doori.