YEREMIA 45:5 - Biblía Axweesantá Hhohho' ar Mungú 2004

⁵ Xáy kuúng muruú urén u leelehhíta? Muruusíng mu leelehhitaar, asma ga/aaweek, aníng amotlakwe ngin huúw gawaá daanduú muu sleémeero, ala aníng slafiingók u ba/amís baraá slaqwaraaro umuú dír ta keera.»

YEREMIA 45:5 Iomraidhean Croise

IIMU/UUNGW 6:12

Mungú yaamu giri ár, naxés, naa hhitiruutiyé', asma umuúqo heewo aa hhitiruút baraá yaamuwo.

1 WAAWITÁ 3:11

Mungú Solomon guri báy, «Asma kuúng /aymuuwí kuwa firiín, sleeme tam slafíngw deelór yaariir ugwa firiindiiká, tam daqaari'iima aga slaiká, hhintleemaá wakuuse iga slaiká qwaareesaro, gár kuúng taa slá' a sagalooár qaa/oó muu kuwa tlaq ar adór ganaa',

1 WAAWITÁ 3:9

Gawaá adoorihe, anuú sagadiyusmoowók sagalooár i haniisáng as qaa/oó mukók nguwa tlaaq, muruú hhó' nee oo tlákw nguwa paraatl. Asma a heemá heé muruú mukók kwí yaariír gu aleesláw tlaquuwo?»

2 WAAWITÁ 5:26

Ala Elisha guri báy, «Ahaá qeeruueé' nee kuúng taa alkoondi'iikáhe, qoomár heedaádá' niwa amór gaárirós wa kií/ nee kuúng tay dogé'. Xáy, qoomaarí ar peésa nee tlaba' ohiíngo, laqaá a qoomár qamaá seituúni nee sabiíbu ohiíngo? Laqaá qoomár bee/aangw nee hikwa ohiíngo? Laqaá qoomár sagadiyuusér hhawaate nee ar /ameena ohiingo?

WARA'AMI 131:1

AAKOÓ MUNGÚ, muunaáeé' i dara/anká, nee ilaaeé' sleeme i gáwtá ga/aya'aaká. Tam muruú dirén u leelehhiitaaká. Tam muruú /uuruueé' gu arba/abaá/ u leelehhiitaaká.

ISAYA 66:16

Asma AAKOÓ MUNGÚ sakwasleema ga tleehh ar asla, muu sleémeero gwaa muúx ar paánga. Múk AAKOÓ MUNGÚ i daasli ku ló'wa yaariír.

YEREMIA 21:9

Heé baraá gixsarí meét ku gaas ar paánga, laqaá qwari gun gaas laqaá pu/i gun gás. Heé aa tsee/ií ti'iit, dabaawós giri haniís dír múk Kaldayo, kudá' gixsa ngaa harweeriye', heewí ku gaasiiká, eeít slafiingós gu tuu/.

YEREMIA 25:15

AAKOÓ MUNGÚ, Munguú múk Israeli, aníng ina báy, «Areek, xooslmoowú gawaá dakw'eé' oo difaáír buhhtaeene haáts, huweek amór xoorduudá' kuúng uy ya/aaw, wahaaseek.

YEREMIA 25:16

Xoorduudá' difaái ngi wahiyá', niri ta/amitiyá' adór múk aa oonimiit, nee tari slarhhamumuut as mukdá' yaariír ta tsu/i baraá tla/angw'ine.»

YEREMIA 25:26

Waawitá sleémeero oo /iya kudá' sawén nee oo tsewene, oo wák alaá kuqá', nee waawuti'iima sleémeero baraá yaamuwo xooslomoowí ku wah. Nee alaá kuká' sleémeerowo waawutmoó Babuloni gun wah.

YEREMIA 25:31

Tsimaahhirí iri hardát ay hhapeemo sleémeero. Asma AAKOÓ MUNGÚ daanduú xoorduwo i kwasleemár kón. Muu sleémeero gwaa sakwasleemuút, múk tlákw gu tsuu/ ar paánga. Anuú AAKOÓ MUNGÚ tí ngina oó'.»

YEREMIA 38:2

AAKOÓ MUNGÚ i kaahi, «Heé baraá gixsárí meét ku gaas ar paánga, nee ar giyeé nee ar tiqtír pu/i. Kudá' haragwaá' amór múk Kaldayo, slafiingós gu /iis. Tam lawaalmoowo ala slafiingós gwaa /iís.»

YEREMIA 39:18

Anuú AAKOÓ MUNGÚ a káh, ar ló' án kuúng u ba/amís nee kuúng tu gaasiiká baraá slaqwaraaro. Gawaá adoorihe kuúng slafiingók u tú/, asma kuúng aníng ina harahhíf.› »

SEFANIA 3:8

AAKOÓ MUNGÚ i kaahi, «Gawaá adoorihe aníng daamaré' ay bál nay sihhiit as xoordu ngiwa sakwasleemuut, asma aga tsabiím xoordu ngiwa burumbuur nee waawuti'iima ngiwa burumbuur, nee ngiwa buhhtaeéní ku'uus, xarasleema sleémeero awa buhhtaeé'. Asma yaamu sleémeero ki daa/ ar buhhtaaeé' kudá' da/tá koomá' adór asla.

Rumi 12:16

Kuungá' masók ti kiloohúng axweesani slasleerá'. Kuungá' uraay mu leelehhiitara', ala masók tin niinaweemisá'. Kuungá' miti kiloohúng harafadiitara' tawa múk sagalooár koóm.

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»