YEREMIA 45:1 - Biblía Axweesantá Hhohho' ar Mungú 2004

¹ Qoomár kurkú tsiyáhh oo waawuti'iimár Yehoyakimu garmoó Yosia, waawutmoó Yuda, Baruku garmoó Neria, axweesantá aarusmo Yeremia gana naxeetín gooiro baraá kitaábu. Baruku kuri báy nee Yeremia,

YEREMIA 45:1 Iomraidhean Croise

2 WAAWITÁ 24:1

De'emaá waawutmo Yehoyakimuwo, waawutmo Nebukadnesa oo yaamaá Babuloni ina haratláy baraá yaamaá Yuda. Waawutmo Yehoyakimu Nebukadnesa guri sagadiyuús tleehhiít har afiqoomár kureeri tame. Aluuwo iri warqáy, iri dee/anuút.

2 QOM'I 36:5

Yehoyakimu waawuti'iima ngiwa iimu/ún kureeriiwós a mibeeri tsár nee kooán, ina baraá Yerusalemúr wa waawuti'ín kureeri mibaá nee wak. Inós tlehhma'aá tlakw gina tleéhh dír geeraá AAKOÓ MUNGÚ, Munguúwose.

YEREMIA 25:1

Kurkú tsiyáhh oo waawuti'iimár Yehoyakimu garmoó Yosia, waawutmoó Yuda, AAKOÓ MUNGÚ afo gana haniís dír Yeremia as múk Yuda. Kurkudá' an kurkú geera oo waawuti'iimár Nebukadnesa, waawutmoó Babuloni.

YEREMIA 26:1

Qoomár iimu/úngw waawuti'iimár Yehoyakimu, garmoó Yosia, baraá yaamaá Yudawo, AAKOÓ MUNGÚ Yeremia guri báy,

YEREMIA 32:12

Gooidá' taa gooín as qaymoodá' tlaxwa ngay haniís dír Baruku garmoó Neria garmoó Ma'aseya, dír geeraá garmoó maamáy'eé' Hanameli nee lamabu'uuse, tidá' duguno gwa qas gawaá gooidá' taa gooín as qaymo tlaxwa. Adoorí kana tleéhh dír geeraá muu sleémeero oo Yahudi, kudá' aa iwiit dír matla/ángw xuumuuse.

YEREMIA 32:16

Alaá gooidá' taa gooín haniisaro ngiwa hhe'eés dír Baruku, garmoó Neria, gooidá' taa gooín as qaymo tawa te'eé'. AAKOÓ MUNGÚ una firiím, niri oó',

YEREMIA 36:1

Kurkú tsiyáhh oo waawuti'iimár Yehoyakimu, garmoó Yosia waawutmoó Yuda, Yeremia axweesantír AAKOÓ MUNGÚ gana axaás, i kat,

YEREMIA 36:2

«Kitaábu tataahheek axweesantadá' naa kuúngí aaiím sleémeero gooimeek, tidá' naa káh daanduú Israeli, daanduú múk Yuda nee daanduú xoordaá hatlá' sleémeero, tidá' naa aaiím iimidá' axweesani ngiwa iimu/uúm nee kuúng, qoomár waawutmo tawa Yosia ay laarí.

YEREMIA 36:26

Aluuwo wawutmoodá' Yerame'eli garmoó waawutmo, nee Seraya garmoó Asrieli, nee Shelemia garmoó Abdeli, giri ya/aáw as goousmo Baruku nee aarusmo Yeremiawo kiwa ohin, ala AAKOÓ MUNGÚ inooín gina luú/.

YEREMIA 36:32

Aluuwo Yeremia kitaábuú hatlá' guri taataáhh, guri haniís dír goousmo Baruku, garmoó Neria kudá' axweesantadá' aáng Yeremia aa káh gaa gooin, tidár baraá kitaábuuduú geera, kudá' Yehoyakimu waawutmoó Yuda aa daá/ baraá asla, /ayma'aá hatlá' awa adór kudá' kiri amor'ínií doók.

YEREMIA 36:4

Aluuwo Yeremia Baruku garmoó Neria guri ateét. Baruku axweesantadá' sleémeero Yeremia aa káh gari gooín, tidár AAKOÓ MUNGÚ ngwa báy.

YEREMIA 45:2

«AAKOÓ MUNGÚ, Munguú Israeli kuúng Baruku un babay,

YEREMIA 46:2

Axweesantí a tidá' aa oó' daanduú múk Misriro, nee slaqwaruusér Farao Neko waawutmoó Misri, slaqwaruusedár baraá Karkemishi bihhaá yaaér Eufrate. Nebukadnesa waawutmoó Babuloni slaqwaruuseedá' ngaa baál qoomár kurkú tsiyáhh oo waawuti'iimár Yehoyakimu, garmoó Yosia waawutmoó Yuda.

YEREMIA 51:59

Kaangwí an kudá' aarusmo Yeremia aa hara'ayín Seraya garmoó Neria, garmoó Ma'aseya, qoomár Seraya nee Sedekia waawutmoó Yuda tawa Babuloni káy, bál kurkú tsiyáhh oo waawuti'iimár Sedekia. Seraya a geeraharusmoó slaqwaruuse.

DANIELI 1:1

Kurkú tam iimír Yehoyakimu waawutmoó Yuda waawuti'iima ngiwa iimu/ún, Nebukadnesa waawutmoó Babuloni, gixsár Yerusalemu, gari haraweél.