YEREMIA 44:7 - Biblía Axweesantá Hhohho' ar Mungú 2004

⁷ «Ala hám daxta anuú AAKOÓ MUNGÚ, Munguú Aleesleemusmo, Munguú Israeli a kah, ahaá waáy, baré kuungá' ti kiloohúng amotlakweerí yaariírí huwaahubá' adoorír alé, baré ti kiloohúng hhaamisá', kuungá' hhawaate nee /ameenaaro, masoomba nee na/aá qaweerowo, tam panmo iri meetiiká baraá yaamaá Yudawo?

YEREMIA 44:7 Iomraidhean Croise

AXWEESANOÓ SAGALOOA 1:18

Ala mukwí a tseerduín gin gigdín, nee hhintleemooín ngin haramamahhamitiyá'.

AXWEESANOÓ SAGALOOA 15:32

Heé gurbu'utá waaqaqaá' tin kilós waaqaqaa', Ala heé gurbu'úngw axamiís tsaahha ga sláy.

AXWEESANOÓ SAGALOOA 5:22

Heé tlaákw kun oh nee tlakweemaawós awa kilá', kun oh nee him'ér dakuúsarós tidár kilá' i tlehhaahhiti.

AXWEESANOÓ SAGALOOA 8:36

Ala heé aníng iga dakuus, a tin kilós slahh'eemiis. nee heé aníng iga aahh, a gwa'ara gana waatlakweés.»

YEREMIA 25:6

Kuungá' munguiidaá hatlá' mi eeharaharaara', laqaá mi sagadiyuusara', nee Mungú mu buhhtamisara' ar slaqsi'iihúng, kudá' taa dabaahúngár tlehhé' oo adór Mungú. Kuungá' AAKOÓ MUNGÚ bura ilaiwawa/é' daqaní kuungá' tundu muxiiká.

YEREMIA 25:7

Ala AAKOÓ MUNGÚ i kaahi, ‹Kuungá' ana sié' aníng iwa iiárií qasa', kuungá' aníng ina buhhtisé' ar slaqsi'iidaá adór Mungú, kudá' kuungá' taa kiloohúng tlehhé'. Gawaá adoorihe, tiri kiloohúng amotlakweérí hubé'.›

YEREMIA 26:19

Xáy, Hesekia waawutmoó Yuda nee mukós sleémeero Mika ngwa gaasií'i? Aasla'áy, kitaangose Hesekia AAKOÓ MUNGÚ guna ilaiwaá/, nee gurhhooár AAKOÓ MUNGÚ gari firín. AAKOÓ MUNGÚ inslawaywós guri warqeés, kudá' geeraawo ngiwa amotlakwér i huwi. Ala atén a baraá tsaxwaá yaariírí diriaán tiwa kiloorén hhaamisaan.»

YEREMIA 3:24

Iimír masoombi'iimarene tlehhmuuwí oo mureekesaay umuú gaaro gana hhaamiís nee daqooray'ín oo bee/aangw nee oo hikwaawo nee daaqay'ine nee dasuuwo, muruudá' xwayliteérén aa hamér wa xínts.

YEREMIA 38:17

Yeremia Sedekia guri báy, AAKOÓ MUNGÚ Aleesleemusmo, Munguú Israeli i kaahi, «Kuúng bar aga ya/aán tiwa hanis baraá dabaá geeraharuusér waawutmoó Babuloni, daqaní slafiingók u tú/, nee gixsarí ka da/iiká ar asla, kuúng nee múk do'oge tundu tsu/iiká.

YEREMIA 42:20

aga qwadé' nee slafingwhúng ugwa baraá tsaxwáy hubé'. Asma kuungá' aníng ina ya/abé' dír AAKOÓ MUNGÚ, Munguúhúng, tawa kata', ‹Ti aleefiriin dír AAKOÓ MUNGÚ, Munguúrén, tidá' niqo sa ooi, kuúng ngi ó', atén a tleehhaán.›

YEREMIA 44:14

Gawaá adoorihe dír múk Yudawo hee i kaahh tumu wák oo meét dír kwí baraá yaamaá Misrír hoota oo kotsoqoót i kaáhh, laqaá oo /úw, laqaá oo waátl baraá yaamaá Yuda tam ngi slai iwa baraadá' i ki/i nee iwa baraadá' i hootaá ay, ala aqo har panoó niiná kilós oo aa /akumiit.»

YEREMIA 44:8

Ahaá waáy, gár muner'eé' kas duxuunda' as munguaá hatlá' kiwa fiririindá', kudá' taa dabaahúng ar tlehhité', nee kiwa mooyángw tsuú' i da/a/aanda', munguaá yaamuuká' ta hota' awa múk Misri? Xáy, kuungá' tunduwa hhaamisi an sla'á'a nee tawa múk ta lu'umisi nee tari múk ta waaqaaqai nee xoordu sleémeero awa daanduú yaamu?

YEREMIA 51:22

Kuúng un hhawaate nee /ameenárár tsuú/, kuúng un bariise nee masoombárár tsuú/, kuúng uri daaqaay nee dasúr tsuú/.

YEREMIA 7:19

AAKOÓ MUNGÚ i kaahi, «Mukwí heé i buhhtamiisi a anínge baré? Aasla'áy inooín ti kilooín slahh'eemisiyá' as amoqwaqwadingw'ín.»

YEREMIA 9:21

«Asma gwa'ara naa baraá marayrénií dát ar pa/eeri, gwa'ara naa dát baraá marayrén, na/ii gina baraá lohdií tsú/, nee masoombarén gana tsú/ baraá tla/ángw gixsa.»

WA/AA/I 2:11

Ilaeé' naa slahhaaiyé' /aa/eewo, guruueé' /ur/uri gwa eér, muunaáeé' i ló'wa gurhaamír kón, asma muk'eé' kuwa hhaamiís, nee as na/aá qaweero nee kudá' du'uumá' niwa /araarana' baraá lohdaá gixsa.

WA/AA/I 2:22

Kuúng wakuuser'eé' ana iigu'ús adór múk deelór ur ngi áw, wakuuser'eé' i dae tláq umuú bihheero, baalaadár buhhtaá AAKOÓ MUNGUHE heé kotsqoót laqaá oo /úw i kaahh. Na/iieé' kudá' naa du'umiís nee naa umiím kaa hhaamiís nee wakuuser'eé'.

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

ESEKIELI 9:6

Bariise didár kilá' tiwa tsu/e', daaqaay nee dasuuwo, na/ii nee /ameenaaro. Ala heé taa gitsee/a layár i qaás mu kwatitara'. Dír hota'aá kilá' na giirisaak.» Naagáy bariisedár dír geeraá Doó Mungú kari giiriís.

HABAKUKI 2:10

As adoodá' xoordaá yaariir kiwa tsu/aa/iín, do'ók ugwa mureekesár eér, nee slafiingók kuri kilók qwaarés.

FAARO 16:38

Asma mukwí ngina huwiyé' dír kitángw ilahhooár AAKOÓ MUNGÚ. Gimáy, xooslarír mukwí taa tsuú/ as tlakweemaaín taataahheek, kwahhuteek as kawa daqa niinawes as tawa muruú kitángw ilahhooa kur tuuntukun. Gaarí an gurbu'utá múk Israeli sleémeero.»

DABE 32:25

Tsee/aawo slaqwara gi fák, nee baraá guruú do'o dae gi fák. Masoombár daaqaay nee dasuú /amaatliiteero i hhaamiís, tam na/aá du'uumá' nee bariisér sage /awake.›

YOSHUA 6:21

Umuúqo gaaro baraá gixsaro kana hhaamiís, hhaawaate nee /ameenaaro, tam masoomba nee bariiseero, hikwa nee bee/aangw nee daqwaayeero, sleémeero kina tsuú/ ar paánga.

HAR'OHUUSE 21:11

Bar aga hardaté' gár ta tlehha' a tí, hhawaate sleémeero hhaamiisaak, nee /ameena sleémeero tidá' nee hhawaate naa alqaqatine'.»

1 SAMUELI 15:3

Tláw múk Amaleki tsu/eek, nee muruuín sleémeero oo taqo kona hhaamiiseek, tam panmo sleeme miwa meét, /ameena nee hhawaateewo tsu/eek, mindiwa meetiyé', nee sleeme tam na/ii nee qaweerowo, hikwa nee bee/aango, angamía nee daqwaayeero sleémeero qororo'ooseek.› »

1 SAMUELI 22:19

Gixsadár Nobu ar kaahamuusér Mungú, gana i warqáy, muu guna i warqáy tsu/taro ar paánga hhawaate nee /ameenaaro, nee na/ii nee kudaá qaweero nee hikwaawo, nee daqwayeero, nee bee/aango, sleémeero gina tsuú/.