YEREMIA 44:29 - Biblía Axweesantá Hhohho' ar Mungú 2004

²⁹ AAKOÓ MUNGÚ i kaahi, «Layár ta aanda' a tí, aníng kuungá' nun iimu/uúm muxtaaro diirír kilá' wa ale, as kahhó' kuungá' kawa tsahha' adór axweesante'eé' tar ló' daaduhunge as tlakweemaahúng.»

YEREMIA 44:29 Iomraidhean Croise

AXWEESANOÓ SAGALOOA 19:21

Muu muruú yaariír gun mak qoomaamees, Ala gár tleehharuut a tidá' AAKOÓ MUNGÚ aa ya/án.

ISAYA 31:2

Tam adoorihe Mungú ku sagaloó', i slahh'amuú huwahuuw, Inós axweesantós ga warqeesiiká, Ala in sihhiit iwa slaqwi nee maraá múk tlákw nee in slaaqw nee mukdá' múk tlakweemaá tlehhahhiít gu alee/iimamiís.

ISAYA 40:8

Gitso in kát, nee /ayo iri /óts, ala axweesantá Munguúrén in hotaatiín ay alhhe'eesay wasle.»

ISAYA 7:11

«AAKOÓ MUNGÚ, Munguúwók firimeek, laya ngiwa laqan ar baraá giaá daahh laqaá ar doori.»

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

ISAYA 8:18

Ga/aaweek, aníng nee na/iiká' AAKOÓ MUNGÚ naa haniís a laya nee waa/oo/amo baraá Israeliwo ar amór AAKOÓ MUNGÚ Aleesleemusmoó daáhh, kudá' gawaá tloomár Siyonír hoót.

YEREMIA 44:30

AAKOÓ MUNGÚ i kaahi, «Ga/aawaak, Farao Hofra waawutmoó Misri un qaás baraá dabaá wakuuseerós tidá' slafiingós leelehhiit, adoodá' Sedekia waawutmoó Yuda ngura qaás baraá dabaá Nebukadnesa waawutmoó Babuloni, wakusmoowós, kudá' slafiingós gwaa leelehhiit.»

SEKARIA 1:6

Ala axweesante'eé' nee kaahir'eé' tidá' naa hara'ayiím dír sagadiyuuser'eé' tidár aaruuse, ahaá aa bo/káhe dír baabi'iihúng i ale, inooín nay hhu'uu'uné', ta kaahi, ‹Adoodá' AAKOÓ MUNGÚ Aleesleemusmo ni atén i tleehhi ar qoomoó lohduurén nee ar qoomoó tlehhmi'iirén, an adór tii tleéhh.»›

1 SAMUELI 2:34

Layár ta aan a tí, daaqaywók tsaraawo Hofni nee Finehasiwo ni qatliyá' baraá baalár wákí alé.