YEREMIA 44:27 - Biblía Axweesantá Hhohho' ar Mungú 2004

²⁷ Mukwí aníng u iltá tlaákw ar ga/áw as nguwa gár tlaákwí tleehh nee u hhooeemáy sla'aaká. Múk Yuda sleémeero kudá' baraá yaamaá Misrír hoót ku hhaamiis ar paánga nee qwari, ay dír ti suquuti.

YEREMIA 44:27 Iomraidhean Croise

2 WAAWITÁ 21:14

Aníng aalir'eé' tidá' aa met an kwaáhh, inooín ngiri haniís dír wakuuser'ín, inooín tay maraando nee sluqór wakuuser'ín.

YEREMIA 1:10

Qaytsiít, laarí aleesleemu ngwa haniís daanduú xoorduwo nee waawuti'iimaro as kiwa tu/uun nee kiwa giqeer, aleesleemuú kiwa hhitiin nee kiwa qwaares, nee aleesleemuú kiwa tlehh nee kiwa sihhtis.»

YEREMIA 21:10

Aníng aga ístí tsaát gixsarí ngiwa amotlakweérí huuw, ala a hhooeemáy tleehhaaká, anuú AAKOÓ MUNGÚ an kah. Gixsarí an haniís baraá dabaá waawutmoó Babuloni, inós gari hhaamiis ar asla.»

YEREMIA 31:28

Adoodá' aníng tir inkihhím ngiwa tu/uúm, ngiwa fe/iít, ngiwa daraáhh, ngiwa hhititiím nee ngiwa slahh'eemiís, nee ti inkihhím ngiwa malé dahaas nee ngiwa malé tleehh.

YEREMIA 39:16

«Tláw Ebedmeleki heé Kushi ku beer, AAKOÓ MUNGÚ Aleesleemusmo, Munguú Israeli i kaahi, ‹Ga/aaweek aníng muruudá' tlákw daanduú gixsarihe u boo/eés, muruú hhoeeká. Muruuwí sleémeero kuúng u aán ilaawoge qoomár bir tleehharuumiit.

YEREMIA 42:16

slaqwaradá' ta da'ayumita' nun sleér baraá yaamaá Misriro, nee qwarkudá' taa da'ayumité' nu eehar ay baraá Misri, nee tari baraadá' i qatlá'.

YEREMIA 44:12

Aníng múk Yuda kudaá meet, kudá' tleemuú slaá' baraá yaamaá Misri in ar tláw, nee ngiri hhaamiís sleémeero, múk urén nee na/aá ninakwe ki tsuu/ ar paánga laqaá ar qwari. Inooín tari adór gár taa aáhh nee ar dae tlaaq, nee gár ta lu'umisi nee ar ta waaqaaqai.

YEREMIA 44:13

Aníng múk yaamaá Misri un muúx adoodá' gixsár Yerusalemu ngira muúx ar slaqwara, nee ar qwari, nee ar tiqtír pu/i.

YEREMIA 44:14

Gawaá adoorihe dír múk Yudawo hee i kaahh tumu wák oo meét dír kwí baraá yaamaá Misrír hoota oo kotsoqoót i kaáhh, laqaá oo /úw, laqaá oo waátl baraá yaamaá Yuda tam ngi slai iwa baraadá' i ki/i nee iwa baraadá' i hootaá ay, ala aqo har panoó niiná kilós oo aa /akumiit.»

YEREMIA 44:18

Ala iimidá' muruú mooyángw tsuú' kuwa mawaán da/a/aango dír waawuto'odár doori nee ilahhooár tsiririximis, atén aleemaá umuú gaa ina slawaán, nee tari hhaamiís ar slaqwara nee ar qwari.»

YEREMIA 9:15

Gawaá adoorihe AAKOÓ MUNGÚ Aleesleemusmo, Munguú Israeli, i kaahi, «Ga/aawaak mukwí un hhamaandúr /aymiís, nee nguri ma'aá qárkwár wahaás.

YEREMIA 9:16

Aníng i diyaá/ baraá xoordaá hatlá' awa i baloó xuiiaaká, tam baabi'ii'ín ngi xuiiaaká, nee wakuuse ngiri ya/aáw aluuín wa aleeró, ay dír án ngi hhaamiis.»

ESEKIELI 5:12

Daqtá wák gawaá daqooroó tám oo baraá Yerusalemuro i qátl ar tiqtír pu/i nee qwari. Daqtá hatlá' ka tsuu/ baraá slaqwaraaro. Daqtá tám ar alhhe'eesáy a diyaá/ baraá daanduú yaamu sleémeero, nee ngiri hhaamiís ar paánga.

ESEKIELI 7:6

Alhhe'eesaay naa hardáh, eeít, alhhe'eesaay naa hamaár, naa dirhúngií hardáh.

DANIELI 9:14

Gawaá adoorihe, AAKOÓ MUNGÚ, kuúng tiri amohhe'és atén tiwa mux, nee adoorí kari tléhh. Asma kuúng AAKOÓ MUNGÚ, a ganá' baraá umuúqo gár ta tlehhita. Nee atén axweesantók aga iilooeesaniiká.

AMOS 9:8

Qaytsiít, ilaá Aakoó MUNGÚ waawuti'iimár tlakweemaá tlehhahhiit ngin ga/ayá', ngiri hhitiím nee ngay diyaá/ gawaá daanduú yaamuwo. Ala doó Yakobo u ak suquwaaká. Anuú AAKOÓ MUNGÚ tí ngina oó'.»