YEREMIA 44:26 - Biblía Axweesantá Hhohho' ar Mungú 2004

²⁶ Gawaá adoorihe axweesantá AAKOÓ MUNGÚ iiárií qaasaak, kuungaá múk Yuda sleémeero kuká' baraá yaamaá Misrír hoót. Anuú AAKOÓ MUNGÚ a kah, «Ga/aawaak, aníng lo'o aga /aáy ar umuueé' oo úr, nee a kah, heé Yuda oo yaamaá Misrír hoota oo káh, ‹Adoodá' AAKOÓ MUNGÚ ir hotaatin.› I kaahh tumu wák.

YEREMIA 44:26 Iomraidhean Croise

IIMU/UUNGW 22:16

iri oó', «AAKOÓ MUNGÚ i kaahi, ‹Án lo'o aga /aáy ar umuueé', as kuúng adoosíng kawa tléhh, ar garmaawók oo kilós kuwa /itiindiiká haniisár dir'eene,

WARA'AMI 50:16

Ala Mungú tlakusmo gu babay, «A milá kuúng gár kaahir'eé' kas alki/it, nee alqador'eé' gár kas axwes ar afkók?

WARA'AMI 89:34

Alqado a siaaká, laqaá a warqeesaaká tidá' afkwe'eene naa oó'.»

ISAYA 62:8

AAKOÓ MUNGÚ lo'o gaa /aáy ar dakós oo doó /iyáy nee ar dakwduú aleesleemú koóm, i kaahi, «Aníng balangwhúng u male hanisaaká tawa muruú /aymár wakuuserhúng. Tam dahaaye difaáírhúng ga baloó watká tidár gadiyér dabaahúng.

YEREMIA 22:5

Ala barnaxes aga iialooeesi'iiká baraá axweesante'eé' tihe, anuú AAKOÓ MUNGÚ lo'o aga /aáy adór yaamuuká' ngir taangu tleéhh. Anuú AAKOÓ MUNGÚ tí ngina oó'.› »

YEREMIA 24:8

«Anuú AAKOÓ MUNGÚ a kah, ‹Adoodá' /aantsír aa hhiturut /ayma ngir ya/aandaaká, an adoodá' ni tleehh dír waawutmo Sedekia oo Yuda, nee geeraharuusedár hatlá' dinkwa nee mukdá' sleémeero aa meet baraá yaamaá Yerusalemu, tam nee kudá' taa loohatisi baraá yaamaá Misri.

YEREMIA 4:2

Barnaxes lo'o aga /ák ar looeema nee ar sakwasleemár ganaa' nee ar hotaá ganaa'á', tari ó', ‹Ar adór AAKOÓ MUNGÚ ir hotaatina,› daqaní xoordu tsuuqa ngiri dir'eé' wa slayá', tari xirfayeemisiyá' as aníng.»

YEREMIA 44:11

«Gawaá adoorihe anuú AAKOÓ MUNGÚ Aleesleemusmo, Munguú Israeli a kah, gimsé' aníng daxta kuungá' nu amotlakwér i huúw nee yaamuuká Yuda sleémeero i hhaamiís.

YEREMIA 44:14

Gawaá adoorihe dír múk Yudawo hee i kaahh tumu wák oo meét dír kwí baraá yaamaá Misrír hoota oo kotsoqoót i kaáhh, laqaá oo /úw, laqaá oo waátl baraá yaamaá Yuda tam ngi slai iwa baraadá' i ki/i nee iwa baraadá' i hootaá ay, ala aqo har panoó niiná kilós oo aa /akumiit.»

YEREMIA 44:24

Yeremia muu sleémeero nee /ameena sleémeero gana báy, «Kuungá' múk Yuda sleémeero awa baraaká yaamaá Misrír hootá', iia qaasaak.

YEREMIA 46:18

Anuú waawutmo kudá' ta bay AAKOÓ MUNGÚ Aleesleemusmo, aníng lo'o aga /aáy ar umuueé', gídaabá oo wák ni hardah. Inós a adór tloomár Tabori baraá tla/ángw tlom'iiwo, nee a adór tloomár Karmeli bihhaá tlawto.

YEREMIA 49:13

Asma aníng lo'o aga /aáy adór gixsár Bosra kar dír dae tlaaq tleehhi, nee a dír waaqaseengw, nee dír taa hhitín nee ar taa lu'ús. Gixsaduuwós awa hatlá' sleémeero ki hhitín.

YEREMIA 5:2

Inooín tam lo'o ngi /ayia' iwa kaahiya', «Adoodá' AAKOÓ MUNGÚ ir hotaatin.» Tam adoorihe inooín a lo'o ngin /ayiyá' ar lama.

YEREMIA 51:14

AAKOÓ MUNGÚ Aleesleemusmo lo'o gaa /aáy ar slafiingós. Aníng múk yaariír adór ingigi ngu amorhúng i huúw. Inooín daa'ángw bara/ oo baali kuri daa' daanduú Babuloniro.»

YEREMIA 7:9

Kuungá' a fisisiindá', a tsu/utá', a fuqusá', lo'ór lama an /agá', mooyángw tsuú' un da/a/aandá' dír Ba'ali, nee munguaá hatlá' awa xuaawaslen kiri eehadé'.

ESEKIELI 20:39

«Hám daxta kuungaá múk Israeli, anuú Aakoó MUNGÚ nun babaw, ‹Án bir iialooeemisa'aaká, kár ala gimsé', kumité' munguaá hatlá' sluufmisuuwo, ala tundun /uurutis umuueé' kudá' hhoohhoó' kuwa meera' /osliisliingo ar ilahhooa nee slaqsi'iihúng kudaá munguaá hatlá' kudá' ta haratlintaatia'.›

HOSEA 4:15

Tam kuungaá Israeli a fuquuseero, ala múk Yuda tlakweema mingiwa tleéhh. Kuungá' ma tlawaara' ay Gilgali, tam ma tsa/amaara' ay Bet-afeni, sleeme umuú Aako mu lo'órár huwahuwaara' tawa kata', «Ar adoodá' AAKOÓ MUNGÚ ir hotaatin.»

AMOS 6:10

Qoomár maamáy tuuadá' taa daá/ birngi tse/aá i duux, heé aa baraá qul/ír dóií nahhaat bir deer, barngwa báy, «Heé aa meet i deéro?» Heedaádá' in ooi, «Tumu wák i kaahh.» Ala iri ooi, «shi-shi-shi-shi xásl asma umuú AAKOÓ MUNGÚ u ooanaaká.»

AMOS 6:8

Aakoó MUNGÚ lo'o gaa huúw ar umuuwós, AAKOÓ MUNGÚ, Munguú Aleesleemusmo i kaahi, «Aníng ti buhhtamis nee daara/ángw múk Yakobo, nee koo/irós tidá' aa parootuús aníng aga aáhh. Gawaá adoorihe gixsarí aníng a haniís dír wakuuse dinkwa nee umuú gaaro ar baraadií diriia.»

AMOS 8:7

AAKOÓ MUNGÚ lo'o gaa huúw as daara/ángw Yakobo, i kaahi, «Tiqá' Yakobo aa tleéhh dir'eene i baloó qwatká.

FAARO 14:28

Hamí daxta adoorí tir mu/aywatse', ‹Anuú AAKOÓ MUNGÚ a kah, adoodá' nir hotaatima, tidá' kuungá' ta kata' aníng naa axaás, ngi kuungá' i tleéhh.

Ebrania 3:18

Nee slám múk Mungú lo'o ngisa /aáy iwa oó' ta dahiiká baraá hungu/umaaeé', a ín heemá? Ar ló', a mukdá' inós gwa sii'.

Ebrania 6:13

Qoomár Mungú al'axweesani ngiwa oó' dír Abrahamu, lo'o gari /aáy adór tidá' aa oó' ir tleehharút. Lo'oodá' gari /aay ar umuuwós inósuú kilá', asma oo úr oo inós gu baá/ i kaahh, oo lo'o ngir huwi.

Ebrania 6:18

Gawaá adoorihe Mungú muruuwí tsár gwa oó', al'axweesantós nee lo'o. Muruuwí i baloó warqayká, nee Mungú lama ga baloó ooiiká daanduú muruuwihe. Ateéká' inós ugwa i guwaan, muruuwí atén tin ló'wa gurkwa/amis, as harahhifoodá' taa geeraarén i qaás kawa slawaan.