YEREMIA 44:23 - Biblía Axweesantá Hhohho' ar Mungú 2004

²³ Kuungá' gár adoorí nusa sleér asma mooyángw tsuú' kuwa da/a/aandé', nee AAKOÓ MUNGÚ una sadakusé', nee afoorós kawa iialooeesi'iiká nee dabeerós kawa oti'iiká, nee kaahirose nee lamabu'uungose, tam amotlakweerí kuungá' nuri sleér adoorí laarí tay dir'a'.»

YEREMIA 44:23 Iomraidhean Croise

1 WAAWITÁ 9:9

Nee muu iri ooi, ‹Asma adoodá' AAKOÓ MUNGÚ, Munguúín nguwa gunqaaresiyé', kudá' baabi'ii'ín ngaa duux baraá yaamaá Misrír wa alé, inooín tiri dabe oohiyé' nee munguaá hatlá', kiri sluufmiís nee kiri sagadiyuús. Gaarí an gár AAKOÓ MUNGÚ kaangwí ngusa gawaaíní huúw.› »

2 WAAWITÁ 17:15

Dabeerós eeharto ngina si'iyé', alqadoodá' aa qaás nee baabi'ii'ín nga oohi'iiká, tam adoorihe naanaqarós ngina si'iyé'. Inooín murslaaqatuú tawo nguna harahhifiyé', inooín nay lamuuse tleehhitiyé', slooír xoordaá hatlá' awa yaamuudá' ngina eehaariyé', tam handá' AAKOÓ MUNGÚ ngaa bayi, «Slooir'ín ma oohara'.»

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

NEHEMIA 13:18

Xáy baabi'iihúng adoorí ngaa tleehhi'iikáhe, nee Munguúrén atén taa slahh'amuú úr i huwikáhe nee gixsarihe? Hám a malé buhhtaawós huwtá wa sla'á' gawaá múk Israeli ar Sabaáto kawa meetagamisa'.»

WARA'AMI 119:136

Hhirhheeri in xintsaatsiím, asma muu dabeerók gaa sií'.

WARA'AMI 119:150

Mukdá' aníng i hara/untsiím, oo xaraásl naa tseewuyé', múk dabeerók ga baloó ohaaká.

WARA'AMI 119:155

Kuúng múk daba tlákw u ba/amiská, asma kaahirók ngi yaahamisiaaká.

WARA'AMI 78:10

Asma alqadór Mungú ngaa oohi'iiká, ala nina si'iyé' dabeerós kawa eehari.

WARA'AMI 78:56

Ala tam adoorihe Munguú Gáwtí dirií' nguna iiaraa'ariyé', ngway si'iyé', tam kaahirós ngaa iialooeesi'iiká.

YEREMIA 26:4

«Inooín ki beer, AAKOÓ MUNGÚ i kaahi, ‹Barnaxes aníng iga iiárií qasi'iiká, nee daber'eé' tidá' naa qaás aga eehadi'iiká,

YEREMIA 40:3

Hám daxta AAKOÓ MUNGÚ tidá' sleémeero aa káh gaa boo/eés, asma kuungá' inós una sadakusé', nee afoorós aga iialooeesi'iiká, an gár muruuwí nusa sláy.

YEREMIA 44:10

Tam ay laarí inooín taa niinaweesi'iká, laqaá ti da'ayumitiiká, laqaá daber'eé' kaa eehariiká nee kaahir'eene, tidá' naa dír geeraahúng i qaás nee dír geeraá baabi'iihúng.

YEREMIA 44:18

Ala iimidá' muruú mooyángw tsuú' kuwa mawaán da/a/aango dír waawuto'odár doori nee ilahhooár tsiririximis, atén aleemaá umuú gaa ina slawaán, nee tari hhaamiís ar slaqwara nee ar qwari.»

YEREMIA 44:2

AAKOÓ MUNGÚ Aleesleemusmo, Munguú Israeli i kaahi, «Kuungá' amotlakweedá' naa huúw dír gixsár Yerusalemu nee dír gixsadaá Yuda aga aandé'. Ga/aawaak gixsaduuká' tam ay laarí naa deewaiyé', nee heé baraadá' hoót i kaahh tumu wák.

YEREMIA 44:21

«Daanduú mooyangwdá' tsuú' kuungá' taa da/a/aandé' baraá gixsadaá Yudawo nee baraá Yerusalemu kuungá' nee baabi'iihunge, nee waawitaáhúng nee geeraharuuserhúng dinkwa nee muu sleémeero kuduú baraá yaamuudá'. Xáy, kuungá' ka xua' AAKOÓ MUNGÚ a saga qwaári laqaá ga inslaslaykáhe?

YEREMIA 44:3

Adoorí ina tleehharút asma tlakweemadá' inooín taa tleéhh, aníng ina buhhtisiyé', asma mooyángw tsuú' nguna da/a/ané' nee munguaá hatlá' ngina sluufmisiyé', kudá' inooín ta xuiiká laqaá tam kuungá', laqaá baabi'iihúng.

YEREMIA 44:8

Ahaá waáy, gár muner'eé' kas duxuunda' as munguaá hatlá' kiwa fiririindá', kudá' taa dabaahúng ar tlehhité', nee kiwa mooyángw tsuú' i da/a/aanda', munguaá yaamuuká' ta hota' awa múk Misri? Xáy, kuungá' tunduwa hhaamisi an sla'á'a nee tawa múk ta lu'umisi nee tari múk ta waaqaaqai nee xoordu sleémeero awa daanduú yaamu?

WA/AA/I 1:8

Gixsár Yerusalemu tlakweemaá ur gaa tléhh, gawaá adoorihe iri slasla/aruúr. Mukdá' geeraawo gaa ilaiwawaa/ gaa waaqaá', as ngiwa /aankwets ariyé', tam adoorihe inós i baraá /ifo iri alií warqeér.

DANIELI 9:13

Atén kuúng taa múx ar adoodá' kara gooín baraá dabér Mosewo, ala tam hamí, aá AAKOÓ MUNGÚ, Munguúrén, gurtleemuuwók ugwa firimaniiká as tlakweemaarén kiwa mawaan, nee looeemaawók iga eeharaniiká.

1 Korinto 10:20

Aasla'áy. Ala múk pakaanáy ilahhooár muruú ta tsu/i birngi hanmiisiyá', a ngin hanmiisiyá' amór neetlaame ala a amór Munguheeká. Ala aníng a sla'aaká kuungá' tawa dinku'uumisa' nee neetlaame.

2 korinto 6:16

Slám Doó Munguú nee munguaá hatlá', adór tir slaslaya' a adoomá? Asma atén an Doó Munguú kudá' slaáf. Asma Munguú ina oó', «Aníng a baraaín wa hoót, nee nay baraá tla/angw'ín wa hi'iimiít. Aníng tari Munguúín, nee inooín tari muk'eé'.»