YEREMIA 44:21 - Biblía Axweesantá Hhohho' ar Mungú 2004

²¹ «Daanduú mooyangwdá' tsuú' kuungá' taa da/a/aandé' baraá gixsadaá Yudawo nee baraá Yerusalemu kuungá' nee baabi'iihunge, nee waawitaáhúng nee geeraharuuserhúng dinkwa nee muu sleémeero kuduú baraá yaamuudá'. Xáy, kuungá' ka xua' AAKOÓ MUNGÚ a saga qwaári laqaá ga inslaslaykáhe?

YEREMIA 44:21 Iomraidhean Croise

1 WAAWITÁ 17:18

/Ameenidá' Eliya guri beér, «Xáy, kuúng heé Mungú, gár adór tí a milá naa aníng i tléhh? Kuúng nina dooeéní hardáti as tlakweemaaeé' kiwa laqaan, nee gaarí an gár garmaaeé' gwaa gas?»

WARA'AMI 79:8

Miti sakwasleemuutaar as dakuusár xwayliiteérén. Gurtleemuwoge ti alee'eer ar gaanslaay, asma atén taa kángw kilá' wa hara/uuntsín.

ISAYA 64:9

Aá AAKOÓ MUNGÚ, kuúng ma ló'wa buhhaar, nee tlakweemaarén mi inslaslawaar ay daqisleém. Ga/aaweek, tí aldakweek, atén sleémeero a mukók.

YEREMIA 11:13

Múk Yuda, munguiihúng ki yaariir adór gixsaduhúng. Nee kiteeraá ilahhooarhúng ki yaariir adór lohdaá Yerusalemu, kudá' taa tlehhé' as mureekesayduú Ba'ali kuwa ilahhooár mooyángw tsuúií da/a/aanda'.

YEREMIA 14:10

AAKOÓ MUNGÚ daanduú mukwihe i kaahi, «Ar ló' inooín leehaád nguna intsaahhiyé', ala inooín ta hintiqisiiká tlakweema tlehhtuuwo. Gawaá adoorihe anuú AAKOÓ MUNGÚ inooín i ilaohaaká. Tlakweemaín i gunqaresaaká, nee in sakwasleemuút as tlakweemaaín.»

YEREMIA 32:32

Asma múk Israeli nee oo Yuda tlakweemaá yaariir ngina tleehhiyé', nee aníng iri buhhtisiyé', inooín nee waawitaáine, nee geeraharuuser'ine, nee aaruuser'ine, nee kaahamuuser'ine, nee múk Yuda nee yaamuloouusér Yerusalemuro.

YEREMIA 44:17

Ala atén umuú gaaro ar ta lo'ór wa /ayaán aqo an tleehhaán, mooyángw tsuú' kuwa da/aa/amaan dír waawuto'ór doori, nee ilahhooár tsiririxiisa an dirós i haniisaán, adoodá' ta tlehhahhitaan atén nee baabi'iirén, nee waawitaárén, nee geeraharuuseerén, baraá gixsadá' Yudawo nee baraá lohdaá Yerusalemuwo. Asma qoomár adoorí kawa tlehhahhitaan muruú /aymár yaariír una slawaán, diihhooár yaariir ana slawaán, nee gár tlaakw ar taa araán i káhh.

YEREMIA 44:20

Aluuwo Yeremia muu sleémeero hhawaate nee /ameenaaro, kudá' ngwaa adoorí baye', giri báy,

YEREMIA 44:9

Xáy, tlakweemaá baabi'iihúng iga gunqaaresí'i nee kudaá waawituú Yuda nee kudaá tlaaway'ine, nee tlakweema koohúng awa kilá' nee awa tlaawayhunge, kudá' naa baraá yaamaá Yudá wa tlehhahhitiyé' nee baraá lohdaá Yerusalemuro?

ESEKIELI 16:24

/Anteenaá firo ina tléhh, nee wa/aamér munguaá hatlá' kiwa sluufmisi ana tléhh umuúqo diiro.

HOSEA 7:2

Inooín tam tsaahhár niiná ngi kon'aaká, adór aníng tlakweemaaín ngir xuú', ala inooín kaa nagwaáhh nee tlakweemaaín badu sleémeero, tlakweemaaín sleémeero aníng i ga/áw.

AMOS 8:7

AAKOÓ MUNGÚ lo'o gaa huúw as daara/ángw Yakobo, i kaahi, «Tiqá' Yakobo aa tleéhh dir'eene i baloó qwatká.

DABE 32:19

AAKOÓ MUNGÚ adoorí gana ár, giri aáhh, asma na/iiwós awa daaqaay nee awa dasuuwo nguwa buhhtisiyé'.

DABE 32:34

Xáy, aníng sakwasleemar'ín aga amohhe'eesiikáhe? Xáy, aníng adór inooín ngir sakwasleemuút a xuaakáhe?

Geehhoeemaá 16:19

Gixsadá' ur kari qasmiís badu tám, nee gixsadaá xoordu niri yaamií paahhiyé'. Mungú gixsadár Babuloni, tidá' ur, gari insláy, gari xooslmoó wahángw i haniís oo buhhtaawós kudá' xaraaslá'.

Geehhoeemaá 18:5

Asma tlakweemaawós naa tlahhiyé' nay hardihiyé' gawaá doori. Nee Mungú tlakweemaawós sleémeero gaa insláy.

1 SAMUELI 15:3

Tláw múk Amaleki tsu/eek, nee muruuín sleémeero oo taqo kona hhaamiiseek, tam panmo sleeme miwa meét, /ameena nee hhawaateewo tsu/eek, mindiwa meetiyé', nee sleeme tam na/ii nee qaweerowo, hikwa nee bee/aango, angamía nee daqwaayeero sleémeero qororo'ooseek.› »