YEREMIA 44:17 - Biblía Axweesantá Hhohho' ar Mungú 2004

¹⁷ Ala atén umuú gaaro ar ta lo'ór wa /ayaán aqo an tleehhaán, mooyángw tsuú' kuwa da/aa/amaan dír waawuto'ór doori, nee ilahhooár tsiririxiisa an dirós i haniisaán, adoodá' ta tlehhahhitaan atén nee baabi'iirén, nee waawitaárén, nee geeraharuuseerén, baraá gixsadá' Yudawo nee baraá lohdaá Yerusalemuwo. Asma qoomár adoorí kawa tlehhahhitaan muruú /aymár yaariír una slawaán, diihhooár yaariir ana slawaán, nee gár tlaakw ar taa araán i káhh.

YEREMIA 44:17 Iomraidhean Croise

2 WAAWITÁ 17:16

Hara'ayár AAKOÓ MUNGÚ, Munguúín sleémeero ngina si'iyé', nee murslaaqataá tsár ngiri tleehhiyé' ar slaqsa'aá damaay, as tawa munguín, slám slaqsoó munguú /ameeni kuduú Ashera nguna tleehhiyé', nee tsatse/uú doori nguri sluufmisiyé', nee Ba'ali nguri sagadiyusiyé'.

2 WAAWITÁ 22:17

Asma aníng iga geexayé', munguaá hatlá' ngaa mooyángw tsuú' i da/iyé', aníng iga buhhtisiyé' ar gadiyér dabaaín sleémeero. Gawaá adoorihe, aníng iga i daa/atúw buhhtaawo, nee i baloó tsauya'aaká.

2 QOM'I 28:23

Asma ilahhooár muruú ta tsu/i gana haniís dír munguidaá múk Damasko, kudá' inós ngwaa baaliye' slaqwaraaro, as iwa kaahi, «Asma munguiiká' bar waawituú Aramu nguna /iisiyé', aníng bira ilahhooár muruú ta tsú/í haniís sleeme i /iisiyá'.» Ala munguiidá' inós nguna ak hhaamiisiyé' nee xoorór Israeli sleémeerowo.

NEHEMIA 9:34

Waawitaárén nee geeraharuuseerén, nee kaahamuusero, nee baabi'iirene, dabeerók nga ohi'iiká nee hara'ayarók ngaa iiárií qaasi'iiká, nee gurbu'uungók sleeme kudá' taa dir'ín i ó'.

WARA'AMI 106:6

Atén nee xwayliiteérene tlakweema iga tleehhaán, iringeé aga tleehhaán, atén aga dakuusaán.

WARA'AMI 12:4

kudá' kaahá', «Atén arba/ati a slawaán ar axweesantarén. Afeerén tin alee/ís, heé ti arbaá/ a heemá?»

TI'INAANGW 16:3

Ta kaahi, «A tsiní geeraawo bar ana qatlaán baraá Misri ar dákw AAKOÓ MUNGÚ bihhaá hutla'aá fu'unaay, nee muruú /aymaadá' kuri /ayaán gur'e kari dala/aamaán, ala kuungá' atén tina baraá xaanxaywí hubé' as mukwí sleémeero kuwa tsu/a' ar qwari.»

ISAYA 48:5

Aníng kaangwí nguna iimír aáng wa oó', dír ira tleehharutiiká aníng nguna dirhúng i oó', aluuwo ma ooaar, «Murslaaqatuueé' kwí muruuwí guna tleéhh, murslaaqatuueé' kwí naa daákw nee naa kwahhuút kaangwí guna oó'.»

YEREMIA 1:16

Aníng múk Israeli un sakwasleemuút as tlakweemaaín kudá' sleémeero naa tleehhiyé' aníng iwa geexayé' nee munguaá hatlá' ngiri mooyángw i da/a/ané', nee slaqsi'i kudá' naa dabaaín ar tlehhiitiyé' ngina haratlintati'iyé'.

YEREMIA 11:12

Naagáy múk gixsadaá Yuda nee yaamuloouusér Yerusalemu tari tláy dír munguiidá' naa ilahhooár mooyángw tsuú' i da/aa/ané', ala munguiidá' inooín ngi ba/amisiaaká baraá slahh'amuine.

YEREMIA 18:15

Ala muk'eé' iga gunqareés, inooín mooyángw tsuú' ngwa munguaá hatlá' i da/aa/ané'. Inooín naa dukuutsiyé' baraá lohuuine, baraá lohdaá aange. Baraá lohdaá irakw kinar uhín kitángw lohdaá hhaytantá urene.

YEREMIA 19:13

Maraá Yerusalemu nee maraá waawituú Yuda, nee umuú do'o oo daárirós kawa mooyángw wa daá/ dír tsatse/ú doori, nee ilahhooadár tsipipi'iisa ar difaái kawa hanmiisi dír munguaá hatlá', marayká' sleémeero ki meetagaas adór didár Tofeti.› »

YEREMIA 44:21

«Daanduú mooyangwdá' tsuú' kuungá' taa da/a/aandé' baraá gixsadaá Yudawo nee baraá Yerusalemu kuungá' nee baabi'iihunge, nee waawitaáhúng nee geeraharuuserhúng dinkwa nee muu sleémeero kuduú baraá yaamuudá'. Xáy, kuungá' ka xua' AAKOÓ MUNGÚ a saga qwaári laqaá ga inslaslaykáhe?

YEREMIA 44:25

AAKOÓ MUNGÚ Aleesleemusmo, Munguú Israeli, i kaahi, ‹Kuungá' nee tlaawayhúng aferhunge aga oé' nee aga boo/esé' dabaahunge, tawa katé', gadaádá' naa lo'ór wa /ayaán aqo an tleehhaán, nee mooyángw tsuú' aqo un haniisaán dír waawuto'ór doori, nee ilahhooár tsiririximis aqo an dirós i haniisaán.› Adoodá' taa lo'ór wa /agé' tleehhaak!»

YEREMIA 44:9

Xáy, tlakweemaá baabi'iihúng iga gunqaaresí'i nee kudaá waawituú Yuda nee kudaá tlaaway'ine, nee tlakweema koohúng awa kilá' nee awa tlaawayhunge, kudá' naa baraá yaamaá Yudá wa tlehhahhitiyé' nee baraá lohdaá Yerusalemuro?

YEREMIA 7:17

Xáy, kuúng hamí a ga/eerakáhe muruú inooín i tlehhiitiya' baraá gixsadaá Yudawo nee baraá lohdaá Yerusalemuro?

YEREMIA 7:18

Na/ii ta migiruú sleemiis, baabi'ii'ín ta asltá oohamiis, nee /ameena ta puuruú lufu/ún as mikaáte kawa tleehhi, as munguúduú /ameeni ta bay «Waawuto'ór gawaá doori» Slám munguaá hatlá' kina ilahhooár difaáírí tsiriximiís as aníng iwa ak buhhtisiya'.

ESEKIELI 20:32

Kuungaáká' kaahá', ‹Atén a adór xoordaá hatlá' tleehhitaán, nee tlahh'aá yaamaá hatlá', as xaai nee tlaa/e kiwa sluufmisaan.› Tisíng ta baraá munerhúng i kata' i baloó ya/aandaaká.»

ESEKIELI 20:8

Ala ina aahhiyé', slám iga iiaárií qaasi'iiká. Tam heé wák i kaahh oo muruudá' aníng ni ahhiit, kudá' inooín i slaiya', gwaa may tlehhtuuwo, sleeme inooín slaqsi'iidaá munguaá yaamaá Misri ngaa may'iiká. Naagáy niri oó', ‹In i buúhh dír ir baraá yaamaá Misrír i kahhiya'.›

ESEKIELI 23:41

Aluuwo tari iwité' gawaá kiteeraá hhohhó' nee meésár ta tlabií hhaáf kari geeraaíní qasé'. Gawaá daanduú meésarihe mooyangw'eé' kudá' tsuú' nee di/taeene kaa qaás.

ESEKIELI 8:16

Naagáy aníng iri huúw ay dír afeenír Doó AAKOÓ MUNGÚ, didár afkú Doó AAKOÓ MUNGÚ, dír tla/ángw matla/aangw nee kitángw ilahhooa. Naxés hhawaataá mibeeri tsár nee kooán i didií dirii'iyá', Doó AAKOÓ MUNGÚ ngwa alaá xu'usiyé', gur'er'ín kaa da/aáw xu'ús, ta tse/amuú firirín, gur'e a da/aáw.

HABAKUKI 1:16

Gaarí an gár baratsufay'ín ngus ilahhooár muruú ta tsú/í hanmiisiya', nee an gár baratsufay'ín ngus ilahhooár da/a/ángwí hanmamisiya'. Asma baratsufay'ín kudá' gaa diihhooár ar áy nee muruú /aymár yaariire.»

FAARO 30:12

Ala hhawaatuuwós bar kangós kwí ngwa axaás guri warqeés, laqaá guri sií', daqaní tam geera inós al'axweesantós ngi boo/eesár wa sla'a, laqaá gadaádá' aa al'axweesantá wa tsék, daxta ga boo/eská asma hhawaatuuwós gaa warqeés, nee AAKOÓ MUNGÚ inósadá' gan gurtlay.

FAARO 30:2

Hee barnaxes al'axweesani gaa oó' dír AAKOÓ MUNGÚ, laqaá bar lo'o gana /aáy ar al'axweesani ngiwa tseék, inós gár kuwa hariím a al'axweesantadá' gan boo/ees ar adór al'axweesantadá' afkose aa káh.

Marko 6:26

Waawutmo iri gurhaamuút ló'wa ale. Ala si'ima gaa aslayká as lo'oodá' aa /aáy, nee as mukdá' didá' wa /ayiím.

DABE 23:23

Ti ló'wa harmagahh, al'axweesani kawa boo/es tidá' taa afkók ar kát dír AAKOÓ MUNGÚ, Munguúwók i ale, asma gadaádá' kuúng ana ó' ar sla'aarirók ar kilá'.

Filipi 3:19

Inooín i loohír i dirii'iyá', tidár baraá qwanoó kaw. Munguúín a gura'. Muruú tir xirfayeemisi a kuduú murér koóm. Muruú ta inslaslay oo baraaká' yaamu kilós.

1 Petro 1:18

Kuungá' a xuá' adór gár tundura tlaáxw tar muruudá' hhitiruumitaaká, a peesaarooká, laqaá sahaábuwooká, as kuungá' niwa ti'ita' baraá tlehhemi'iihúng kudá' hariima'aakahe, kudá' taa ilaaoté' dír baabi'iihúng wa ale.

HAR'OHUUSE 11:36

Dasiirós guri beér, «Baabuúeé', kuúng lo'o bar aga /ák dír AAKOÓ MUNGÚ, adoodá' taa ó' daandueé' aníng i tleehhang, asma kuúng ugwa aleesleemií haniís oo wakuuseerók tidár múk Amoni kuwa li/áy bú'.»