YEREMIA 44:16 - Biblía Axweesantá Hhohho' ar Mungú 2004

¹⁶ «Axweesantisíng naa atén beér ar umuú AAKOÓ MUNGÚ atén a iiárií qaasanaaká.

YEREMIA 44:16 Iomraidhean Croise

WARA'AMI 2:3

«Waawuti'iimar'ín an siaán, nee baalir'ín kari siaán amór saáwí alé.»

TI'INAANGW 5:2

Ala waawutmo Farao iri oó', «AAKOÓ MUNGÚ a heemá tam inós nguwa iiárií qaas, nee múk Israeli nguwa geemaw? Aníng AAKOÓ MUNGÚ u xuaaká, nee sleeme múk Israeli u geemawaaká.»

AXWEESANOÓ SAGALOOA 1:24

Án kuungá' nuna ateetiím ooimaro tari sié'. Nuri dabár ateetiím sleeme, ala heé qaytsimiít i kaahh.

ISAYA 3:9

Gitsee/er'ín baraá aán gár ir lamabu'uun a tlakweemaaín kudá', adór kuqaá Sodoma, slám ki lu/u/unká. Mukwí a tsaxwaaín, asma hhintleemooín ngaa tlakweemár ayé'.

YEREMIA 11:10

Inooín tlehhmi'idá' tlakw awa baabi'ii'ín ngina i ki/iyé' tlehhtuuwo, kudá' axweesante'eé' nga si'iye' eeharto. Inooín munguaá hatlá' ngina harahhifiyé' nee ngina sagadiyusiyé'. Múk Israeli nee oo Yuda alqadoodá' aníng naa oó' dír baabi'ii'ín ngaa geexayé'.»

YEREMIA 11:8

Tam adoorihe inooín aníng iga iialooeesi'iiká, laqaá iga iiárií qaasi'iiká, ala nina ak buhhiyé' niwa sagagawdúr hootiya'. Gawaá adoorihe aníng inooín in slaáhh ar adór axweesanayduú alqado naa dir'ín i hara'ayiím, kudá' inooín naa si'iyé'.»

YEREMIA 13:10

Mukwí tlákw, kwí axweesante'eé' gaa sii' axaasaro, kwí sagagawduuín gwaa eehar nee inslaway'ine. Munguaá hatlá' ngina eeharahariyé' nee ngiri sagadiyusiyé', nee ngina sluufmisiyé', mukwí tay adór inqwaarirí aa hifut, tí gár ya/amaaká.

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

YEREMIA 38:4

Geeraharuuse waawutmo guri beér, «Heewí gár kuwa hariím a gaasa, asma i slaqwaruusér diqiya' tlaaq nee mukdá' aa baraá gixsarí meeti. Baraá axweesanaywós kwihe inós mukwí gu hhooárí slaiiká, ala gár ngwi slai a amotlakwe.»

YEREMIA 42:13

«Hám ala kuungá' bar kata', ‹Atén metángw baraá yaamuuká' u sla'aanaká.› Nee afór AAKOÓ MUNGÚ, Munguúhúng iialooeesaro kari sié',

YEREMIA 43:2

Asariya garmoó Hoshaya, nee Yohanani garmoó Karea nee mukdá' sleémeero oo tlakwén Yeremia nguri bayé', «Kuúng a lamusmo, AAKOÓ MUNGÚ, Munguúrén kuúng ugwa ya/aawiiká atén tiwa beer, ‹Ma yaamaá Misrír i hotaá awaara'.›

YEREMIA 44:24

Yeremia muu sleémeero nee /ameena sleémeero gana báy, «Kuungá' múk Yuda sleémeero awa baraaká yaamaá Misrír hootá', iia qaasaak.

YEREMIA 44:25

AAKOÓ MUNGÚ Aleesleemusmo, Munguú Israeli, i kaahi, ‹Kuungá' nee tlaawayhúng aferhunge aga oé' nee aga boo/esé' dabaahunge, tawa katé', gadaádá' naa lo'ór wa /ayaán aqo an tleehhaán, nee mooyángw tsuú' aqo un haniisaán dír waawuto'ór doori, nee ilahhooár tsiririximis aqo an dirós i haniisaán.› Adoodá' taa lo'ór wa /agé' tleehhaak!»

YEREMIA 6:16

AAKOÓ MUNGÚ i kaahi, «Sihhiité' dír waatsarár loohi, nee ta qaytsitá', nee muruudá' aáng aa tleehharuumiit yaahasaak. Leelehhaak didár loohír ganaa' i diri', ka eehadá', daqaní kuungá' wayda u sleerá' baraá munerhunge. Ala inooín i kaahiya', ‹Atén loohisíng a eeharanaaká.›

YEREMIA 8:12

Kuungá' tunda mureekeési qoomár muruudá' ta waki kuwa tlehhité'. Aasla'áy, kaa mureekesiiká, tam mureekesoó niiná ngwaa slay'iiká. Gawaá adoorihe inooín i huuiyá' baraá tla/ángw mukdá' aa huuhu'un. Qoomár bira sakwasleemút ta hhán. Anuú AAKOÓ MUNGÚ tí ngina oó'.»

YEREMIA 8:6

Aníng iia ana mak ló'wa siíhh, ala inooín looeema nga ooi'iiká. Heé tlakweemaawós gaa hhu'uu'un tam oo wák i kaahh, oo baraá muunaáwósií káh, ‹Gár naa tleéhh a milá?› Umuú heewo loohirós gana eehár adór farsuú geerií kumiít baraá slaqwaraaro.

DANIELI 3:15

Gimsé', hám bar aga ya/aandé', afór xareemi nee ar filiímbiro, nee ar gidaandoori, nee ar seéseero, nee ar mariímbaro, nee ar oowiro, nee ar umuúqo xooslár daa'aango, bar aga axasé', nee bar muslaaqatuudá' naa sihhtís ugwa ii tumbararaa'até' nee kuri sluufisé', daqaní adór hhoo' nee ar qoom aga tlehhé'. Ala adoorí bar aga sié', siiwarír kilae tundu kwahhtá áy baraá bohongwduú asltá gufteeri. Axáy a Mungú gaalá oo nu ba/amís gawaá dabaaeene?»

Luka 19:14

Ala múk baraá yaamuuwós heedaádá' kuna ló'wa aáhh, muu kuri ya/aáw kuwa eehari amoodá' inós i kay, nee tawa ooi, ‹Heewí u sla'aanaaká atén tiwa sawaawuti'i'in.›

Luka 19:27

Ala wakuuser'eé' tidá' diirí huwaare', tidá' aníng iga si' ngiwa sawaawuti'ii'iim. Nee ki dír geeraaeé' wa tsu/á'.› »

1 SAMUELI 8:19

Ala mukdá' afór Samueli kawa iiarií qaasi kana sií', tari oó', «Xáw xeer, atén gár ta sla'aan a waawutmoó atén ti sawaawuti'iím,