YEREMIA 44:15 - Biblía Axweesantá Hhohho' ar Mungú 2004

¹⁵ Aluuwo hhawaate sleémeero kudá' ngi xuá' adór tlaaway'ín mooyángw tsuú' ngura da/aa/ané' dír munguaá hatlá', nee /ameenadá' didií tseew, nee boo/oó yaariír oo muu, kudá' aa burumburiit dinkwa nee mukduú Israeli, kudá' Patrosír hoót baraá yaamaá Misri, Yeremia nguri mu/aywatsiyé', nguri bayé',

YEREMIA 44:15 Iomraidhean Croise

IIMU/UUNGW 19:4

Qoomár tawa qatuú a'ay, yaamuloouusér gixsár Sodoma, doó Loti guri harwét, masoomba nee bariiseero, muu sleémeero oo bihhe sleémeero ngaa daahh.

NEHEMIA 13:26

Xáy Solomon aa dakuusikáhe as /ameenár adór tí? Inós a waawutmoó úr ta waawituú xoorduuwo slám Munguúwós gwaa slaá', Mungú guri waawutmoó Israeli wa qaás, ala tam adoorihe /ameenadár xoordaá hatlá' guri tlakweemár eér.

AXWEESANOÓ SAGALOOA 11:21

Looeemaawo heé tlaákw muxtaaro ku pa/asiiká. Ala mukdá' hota ganaá' i /úy.

ISAYA 1:5

Kuungá' a sla'á'a tunduwa muxi tam hamí? Baré a kumitá' baraá dee/aanuuwo. Saga in adáwa tiiq, muunaáwók i slahhaa'

ISAYA 48:5

Aníng kaangwí nguna iimír aáng wa oó', dír ira tleehharutiiká aníng nguna dirhúng i oó', aluuwo ma ooaar, «Murslaaqatuueé' kwí muruuwí guna tleéhh, murslaaqatuueé' kwí naa daákw nee naa kwahhuút kaangwí guna oó'.»

YEREMIA 44:1

Yeremia axweesantá AAKOÓ MUNGÚ gana axaás daanduú múk Yahudi kudá' yaamaá Misrírí dirií' baraá gixsadaá Migdoli, nee Tahpanesi, nee Memfisi nee yaamaá Patrosi, i kat,

YEREMIA 44:19

/Ameena tari oó', «Atén mooyangwdá' tsuú' una da/a/aamaán nee ilahhooa ana tsiririximisaán dír waawuto'odár doori. Adoorí ana tleehhaán asma ya/aamaá hhawaaterén, slám mikaátér slaqsoó waawuto'oodá' una tlehhitaán nee ilahhooár tsiririximis ana dirós i hanmiisaán.»

YEREMIA 44:24

Yeremia muu sleémeero nee /ameena sleémeero gana báy, «Kuungá' múk Yuda sleémeero awa baraaká yaamaá Misrír hootá', iia qaasaak.

ESEKIELI 29:14

Aníng múk Misri u malé ki/ís baraá yaamuuín. In malé ki/ís baraá yaamaá Patrosi, yaamuuín kudá' ki laqwalín. Amoodae waawuti'iimar'ín i /uuruú koondaaká.

ESEKIELI 30:14

Gixsár Parosi a tawo tleéhh, gixsár Soani a ásltár daá/, gixsár Tebesi ngiri sakwasleemuút.

Matayo 7:13

«Daraahé', afkú iiraákw ar oohaak, asma afkú iintlaáxw nee loohír iintlaaxw in baraá qwanoó kayá'. Nee múk loohidá' ga óh ku úr.

DABE 13:7

munguaá xoordaá hatlá' kudá' kuungá' naa harweeriye', laqaá munguaá xoordaá sawen dirhunge, iimír bartí wa tleemu ay bartaqá' baraá yaamuwo.