YEREMIA 43:12 - Biblía Axweesantá Hhohho' ar Mungú 2004

¹² Nebukadnesa asla gan oohiis baraá maraá munguaá yaamaá Misri, nee munguiiká' giri daa/ ar asla, laqaá gin ar tláy ay yaamaá Babuloni. Yaamaá Misri gin fiits ar adoodá' de'eemusmo itina ngir hingemamisi baraá tlabaawose, nee inós iri Mísrír wa waatl ar wayda.

YEREMIA 43:12 Iomraidhean Croise

2 SAMUELI 5:21

Múk Filisti slaqsi'ii'ín kudá' mungui kiri didií geexáy, Daudi nee mukós kiri hingeés amór saaw.

ESTA 6:9

Tlabaadá' nee farasiro ki haniis dír geeraharusmoó úr, kudá' waawutmo i uráy haniisár wa slai ngu tlabaakár tsiitisi, nee guri baraá loohír úr ar oohis nee i hara tseeamin iwa kaahi, ‹Adoorí an adór kwi tleehhi heedaádá' waawutmo aa uráy haniisár wa slaá'.› »

YOBU 40:10

Bar asleér gimáy xirfuuwók laqaamang nee uraywoge, ilaiwa/ame nee aleesleemuuwoge laqaamang.

WARA'AMI 104:2

Gwa/aateema ina tsít adór hiyáy wa ale. Doori ina intlát adór inqwaarír wa ale.

WARA'AMI 132:16

Kaahamuuserós ka tuuntuuk ar ba/ama. Nee mukós kudá' hhohhó' iri baraa/ ar qwala/.

WARA'AMI 132:18

Wakuuseerós an tuuntuúk ar mureekesaay, ala Daudi un slamángw waawuti'iimárií dahaás.»

TI'INAANGW 12:12

«Asma aníng an waaraáhh ar baraá yaamaá Misri xweeraadae, aníng na/aá baris sleémeero ngiri tsuú/ baraá yaamaá Misriro, oo hee tam oo makiito'o, nee munguidaá Misri sleémeero ngiri sakwasleemuút. Aníng a AAKOÓ MUNGÚ.

ISAYA 19:1

Kaangwí a iigu'utuú Mungú aa laqán daanduú yaamaá Misriro. «Ga/aaweek, AAKOÓ MUNGÚ aa tsa/án gawaá huunkír inslaahh, i amór yaamaá Misrír káy, slaqsi'iidá' munguaá Misri niri dír geeraawós wá daaraxaatiyá', Gur'ér múk Misri ma'aay ngay dal/aná'.

ISAYA 21:9

Qaytsiít, múk faras ngwaa i tsa/an i hi'iit, ti tsadér wa koomakoná'!» Ta kaahi, «Babuloni aa hú', nee slaqsi'iiwós kudaá mungui, kin yaamúr slaáhh kiri giqaaqáy.»

ISAYA 46:1

«Munguúdá' ta bay Beli aa yaamií huú' munguú ta bay Nebo aa huú' munguiihúng kudaá slaqsi'i ki loohiis nee makaay nee hikwa qoomarkaaro muruuwí kuungá' una loohisé', hám daxta ina tsa/asé' gawaá daandemaá makaá naa slaqaamitiyé'.

ISAYA 46:2

Kuungaá mungui aga huhu'uundé' dinkwaárií ale, kuungá' munguiihúng awa murslaagat /iisaro i aleesleera'aaká, ala kuungaá kilá' tundu huuw baraá loohaay.

ISAYA 49:18

Axáy bihhe i qaytaak nee ka aandá' gár tleehharumiit. Inooín sleémeero taa burumburiyé' i baraawók i watliyá'. Anuú AAKOÓ MUNGÚ a kah, adoodá' aníng nir hotaatima, mukók sleémeero un adór kwasluú wa dahás, mukók u saqwalaalá/ adór dasír duuxór aw kwasluwós ngir saqwal/aa/at.

ISAYA 52:1

Tlawáng, tlawáng, kiíng gixsár Siyoni /uuru slaweek, Kiíng Yerusalemu, gixsár hhoohhoo', tlabaawók awa hhohho' dahaaseek. Heé ta hhehhe'eesiiká laqaá oo slasla/aár amoorók ngi kayká.

ISAYA 59:17

Hotaá ganaa'á' ngin dahaas adór gaambór i da/ewaawós ar baqi, ba/ama a adór kofiyár gawit ar aa dahaás gawaá sagós. Li/aay bu'utu ngu dahaas adór tsitaay, xarasleemaawós gin uuntsuus adór hiyaay.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ISAYA 61:5

Dahaaye ni hardát nee bee/aangók guri de'eén. Inooín tari múk aweerók ar doósl nee múk sabiíbuú amohhe'eemisá'.

YEREMIA 10:11

Naagáy ki beera', «Munguaá doori nee yaamu nga tlehhi'iiká i hhaná'. Inooín kin hhaamiis baraá yaamuwo.»

YEREMIA 10:15

Inooín an muruú tawo, gadiyer'ín a al/aymár tawo, qoomár birka slahhtá áy i hhaná'.

YEREMIA 25:19

Aluuwo tari Farao, waawutmoó Misri nee sagadiyuuseerós, nee geeraharuusér mukós dinkwa nee mukós sleémeero,

YEREMIA 43:13

Inós uheemidaá inslaslaangw awa baraá Heliopoli, kudaá baraá yaamaá Misri gin giqáy, nee maraydaá baraá yaamaá Misri nee maraydaá munguaá yaamaá Misri giri hhaamiis ar asla.› »

YEREMIA 46:25

AAKOÓ MUNGÚ Aleesleemusmo, Munguú Israeli, i kaahi, «Ga/aaweek aníng Amoni munguú Tebesi un muúx, nee Farao nee yaamaá Misriro dinkwa nee munguii'ine nee waawitaáine, nee kudá' Farao gwaa harahhifi.

YEREMIA 48:7

As koo/irhúng tidá' gawit nee daqaari'iimaro kiwa harahhifé', kuungá' sleeme tundu ar tláy. Mungú kudá' ta bay Kemoshi ku loohatis dinkwa nee kaahamuuseerós nee geeraharuuseerose.

YEREMIA 49:27

Aníng asla a oohiís, koo/ír Damasko gari /ák, ku/ér gawden awa waawutmo Ben-hadadi gari /ák.»

YEREMIA 50:2

«Afo ilahanisaak baraá xoorduwo, Bendeéra gáwtí tleesaak nee ka oá', ma gaa lu/aara', ooaak adór yaamaá Babuloni kira hayóh, munguú ta bay Beli kwaa mureekeés. Munguúdá' ta bay Merodaki kwaa dae tsaát, murslaaqatuuín kwaa mureekeés nee slaqsi'ii'ín kaa dae tsaat.

YEREMIA 51:44

Aníng munguúdá' ta bay Beli oo Babuloni u sakwasleemuút, nee gadaádá' aa guú/ aníng ngin kwarkwaár ngiri waa/. Xoordu i malé kumitiaaká daqaqángw amoorose, koo/ír Babuloni aa hú'.

ESEKIELI 29:11

Heé baraadár waaraáhh i kaahh, laqaá makiito'o. Heé baraadá' wa hoót i kaahh ar afiqoomár kureeri mibeeraá tsiyahhe.

ESEKIELI 29:19

Gawaá adoorihe Anuú Aakoó MUNGÚ a kah, Waawutmo Nebukadnesa oo Babuloni u yaamaá Misrír i haniís. Daqaari'iimarós sleémeero gari ar tláy, gari slaqwaruuseerós ar buu'.

ESEKIELI 30:13

«Anuú Aakoó MUNGÚ an kah, Slaqsi'iidaá munguaá hatlá' in hhitiím, tam slaqsi'iidá' baraá gixsár Memfisi in hhitiím. Geeraharusmo i sangw deeruutiiká baraá yaamaá Misriro. Múk Misri tari daeérár hoot.

DANIELI 11:8

Munguii'ín kudaá hatlá' giri gagaar ay Misri, nee kudá' taa weeqatisi nee xoosladá' taa tleéhh ar peésa nee ar sahaábuwo. Kureeraá hhawa'aakahe waawutmooduú basa i haratlayká amór waawutmoó /iya.

SEFANIA 2:11

AAKOÓ MUNGÚ inooín gin ló'wa dae tsaat. Inós munguaá hatlá' sleémeero baraaká' yaamuwo gin hhaasúy. Daqaní xoordu sleémeero inós nguri i tumbarara'amitiyá' umuú heewo dirós tidá' i dirii'i.

Rumi 13:12

Xweera naa harafaakiyé', tlaatla/aangw naa haranakaá/. Gawaá adoorihe tlehhmi'iidá' ki mawaán, nee xosluudaá slaqwara awa gwa/aateema ki oohaán.

Efeso 4:24

Munér /aben slawaak, ar taa tleéhh ar tlehhemuú Mungú, tidá' ti laqaqaam ar slafíngw ganaá' nee oo hhoohhoó', slafingwdá' looeemaá wa hariím.

Efeso 6:11

xooslaá slaqwarár Mungú sleémeero oohaak, daqaní al/aymár Neetlaangw ila/aaro a aleesleerá'.

Kolosai 3:12

Kuungá' a múk Mungú aa tsawaár, mukós oo hhohó' oo i slai. Gawaá adoorihe muunuú gurtleemu koomaak, nee hhooeema, ti kiloohúng niinaweemise', nee tsatsaa'areema koomaak, nee qiqtliingw.

Kolosai 3:14

Ala ak aleeró ti sla'aslae', asma sla'aari an gár mura' sleémeero gu haragaamiis ar baraá wakleeli'iimár ganaa'.