YEREMIA 43:10 - Biblía Axweesantá Hhohho' ar Mungú 2004

¹⁰ Daqaní inooín ki beer, AAKOÓ MUNGÚ Aleesleemusmo, Munguú Israeli i kaahi, ‹Ga/aawaak, aníng sagadiyusmooeé' waawutmo Nebukadnesa oo Babuloni ngu huúw, inós kitaangós kuduú waawuti'iima gu qaas gawaá tlaa/eeká' aníng naa luú/ nee hhaftuú waawuti'iimarós guri hhaaf gawaaká'.

YEREMIA 43:10 Iomraidhean Croise

1 WAAWITÁ 20:12

Ben-hadadi kaangwí nguwa axaás oo Ahabu, inós nee waawitaduú hatlá' gwa alee/iis ta xufiit baraá islángw wa alé, mukós guri báy, «Ti amohhe'ese'.» Muu tiri amohhe'eés as gixsa kawa i haraatlay.

1 WAAWITÁ 20:16

Naagáy /ameetleemuuwo Ben-hadadi iwa xufiiti dinkwa nee waawitadá' mibeeri tám nee tsár inós ngwaa alee/iisár aye' slaqwara iri iimu/uún.

WARA'AMI 18:11

Tina untsuús ar giwti, huunkoó iló' oo tluwoó koóm guna tuuntuúk.

WARA'AMI 27:5

Bál deelór slahh'amaayeero, inós i luu/ baraá xaftós i alé. Inós i tuuntuuk baraá guruú heémarós i alé, iri qaas dír saxamaár gawaá tlaa/a.

WARA'AMI 31:20

Kuúng inooín in lú/ dír folú muko, didá' kuúng tawa deér, nee in lú/ baraá heémarók í alé, as axweesanoó múk tlákw.

ISAYA 44:28

Aníng an kudá' Koreshi gu babáw, «Kuúng an de'eemusmoó muk'eé', kuúng tidá' aníng ni qomeemees an boo/és. Aníng an kudá' gixsár Yerusalemu ga babáw, ‹Kiíng Yerusalemu, ti male /abees tlehhmuwo.› Nee daanduú Doó Munguhe an kah, ‹Iihhafiirír Doó Mungú ka malé iihhaaf.› »

ISAYA 45:1

AAKOÓ MUNGÚ heedaádá' taa dii/tár iimbalaáx ta bay Koreshi gun babay, Aníng an kudá' dakók oo doó /iyáy gwa oh, as xoordu ngiwa geeraawók wá guus, aníng an kudá' siinootoó waawitá gu gweér. Nee tseegamór gixsadu an geeraawók wa gweér. Afkú gixsa oo ta tseegi i kaahh.

YEREMIA 1:15

Asma aníng waawuti'iima sleémeero ar bihhaá /iya nee tlahhi'ii'ine ngi tleés. Waawitaáwós sleémeero nin hardah, umuú waawutmowo kitaangós oo waawuti'iima guri qaas dír afér gixsár Yerusalemu, koo/irós badu sleémeerowo kari harweer nee gixsadaá Yuda sleémeero kiri harweer.

YEREMIA 43:9

«Tláw tlaa/aá uren taatahheek, ki fól nee ki típ, baraá tleeidár baraá afeeni, dír afkú doó Farao, baraá gixsár Tahpanesi qoomár múk Yuda bir xumiis.

YEREMIA 46:13

Kaangwí an axweesantá AAKOÓ MUNGÚ aa oó' dír aarusmo Yeremia, daanduú Nebukadnesa waawutmoó Babuloni iwa haratlay yaamaá Misri,

YEREMIA 49:38

Aníng kitangw'eé' oo waawuti'iima u qaás baraá Elamu, nee waawutmooín nee geeraharuuser'ine in hhaamiís. Anuú AAKOÓ MUNGÚ tí ngina oó'.

ESEKIELI 5:12

Daqtá wák gawaá daqooroó tám oo baraá Yerusalemuro i qátl ar tiqtír pu/i nee qwari. Daqtá hatlá' ka tsuu/ baraá slaqwaraaro. Daqtá tám ar alhhe'eesáy a diyaá/ baraá daanduú yaamu sleémeero, nee ngiri hhaamiís ar paánga.

DANIELI 2:21

Inós qom'i nee siiwaduuwo gin warqeemiis. Waawitá gun gawaá kiteerií wa aweerimiis, oo hatlá' guri qamín, múk sageeloén gun sagalooár i hanmiis. Múk xu'utír koóm gun fuqurángw i hanmiis.

Matayo 22:7

Waawutmoodá' iri ló'wa buúhh, daqtá askaári gari ya/aáw, mukdaádá' aa tsu/uut kuri tsuú/, nee gixsar'ín kari daá/.