YEREMIA 42:4 - Biblía Axweesantá Hhohho' ar Mungú 2004

⁴ Aarusmo Yeremia giri báy, «Aníng kuungá' naa axaás. Ga/aawaak, aníng kuungá' nu aleefiriím dír AAKOÓ MUNGÚ, Munguúhunge as firorhúng tisíng, nee umuúqo gaaro ar AAKOÓ MUNGÚ kuungá' nuwa mu/aywaáts aníng ngi oó'. Aníng gár ni kuungá' wa luu/ i káhh tam ar wák.»

YEREMIA 42:4 Iomraidhean Croise

WARA'AMI 40:10

Aníng ba/amarók aga ar xasliitiiká baraá muunaáeé'. Aníng inkihhimuwók ugwa alki/iít, nee ba/amaroge. Án sla'aarirók ar warqawaaká aga lu/iiká nee inkihhimuuwoge dír múk yaariire.

TI'INAANGW 8:29

Aluuwo Mose guri báy, «Aníng hamí bar aga diirí wa tláw, Mungú u firiím as ba'áruuwí matlo nguwa hingeesi diroge, nee dír geeraharuuseero, nee dír mukoge. Ala Faráo, kuúng miti malé al/ayaar tari sí' muu iwa tlay, as ilahhooár muruú ta tsu/i ngiwa haniisár aya' dír AAKOÓ MUNGÚ.»

YEREMIA 23:28

Aarusmo kudá' tlataawós káh, tlataawós ngi oin, ala kudá' axweesante'eé' ga koóm ngi dahareemisi ar inkihhimu. Muundáy nee aangano iqo tsuwa alqoná'a? Aanuú AAKOÓ MUNGÚ tí ngina oó'.›

YEREMIA 23:35

Kuungá' gár yaahasaro tunduwa hariím dír hee nee inslaawmoowose, nee dír hee nee hhiyaawose, a tí, ‹AAKOÓ MUNGÚ gár aa mu/aywaáts a milá? AAKOÓ MUNGÚ mii kaáhi?›

YEREMIA 26:2

«Anuú AAKOÓ MUNGÚ a kah, ‹Sihhiít baraá matla/ángw Doó AAKOÓ MUNGÚ, múk gixsár Yuda kudá' baraaká' wa sluufmamiís kaangwí ti o', muruuwí sleémeero naa kuúng báw, ti o', tam ar wák ma mawaar ooaro.

ESEKIELI 2:7

Kuúng ki axweesante'eé' beér, tam ka axaás, laqaá tam ka axasiiká, asma inooín a múk aa dee/anuut.

Tlehhema'aá ya/Abuuse 20:20

Aníng kuungá' /aymuú nuwa /iít i kaahh. Ala umuúqo gaaro baraá axweesantá Munguhe ana alki/iít, nee ana intsaahhatimís ar geehhoeema laqaá tam baraá maraay, as alee/isayhúng.

Tlehhema'aá ya/Abuuse 20:27

Asma aníng adoodá' sleémeero Mungú i slai dirhúngí alki/iituuwo ngaa mawiiká.

Rumi 10:1

Hhaee'eé', aníng gár ni slaa' ar muunaáeé' sleémeero, nee gár ni fiririim dír Munguhe, as inooín, a masók inooín kin ba/amis.

1 SAMUELI 12:23

Tam adoorihe amór bartá aninge, aníng AAKOÓ MUNGÚ muwa tlakweemií tleéhh ar kuungá' nuwa maw aleefirooro, ala nun intsaahhatís baraá lohaá hhoe nee awa ganaa'ae.