YEREMIA 42:20 - Biblía Axweesantá Hhohho' ar Mungú 2004

²⁰ aga qwadé' nee slafingwhúng ugwa baraá tsaxwáy hubé'. Asma kuungá' aníng ina ya/abé' dír AAKOÓ MUNGÚ, Munguúhúng, tawa kata', ‹Ti aleefiriin dír AAKOÓ MUNGÚ, Munguúrén, tidá' niqo sa ooi, kuúng ngi ó', atén a tleehhaán.›

YEREMIA 42:20 Iomraidhean Croise

WARA'AMI 18:44

Kangw'eé' kuwa axaás tari iialooeés, dahaaye nari amor'eéní hardát iri i tumbarara'atiyé'.

WARA'AMI 65:3

Bar har tlakweemaaine, tam dakumisuú yaariír tir ba/aaba/i, kuúng dakumisuurén un gurtleér.

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

YEREMIA 37:3

Waawutmo Sedekia Yehukali garmoó Shelemia dinkwa nee kaahamusmo Sefania garmoó Ma'aseya gina ya/aáw amór aarusmo Yeremia nguwa baya', «Atén ti aleefiriin dír AAKOÓ MUNGÚ, Munguúrene.»

YEREMIA 38:14

Qoomarkaro waawutmo Sedekia gana slaá' tawa axweesi nee aarusmo Yeremia. Naagáy iri oó', «Yeremia huwaare' dír afkú tám oo Doó AAKOÓ MUNGÚ.» Tawa didá i dirii'i waawutmo Yeremia guri báy, «Yaahasarka a koóm, gaa tam gaalá ma duquumaar.»

YEREMIA 42:2

tari amór aarusmo Yeremia káy, nguri bayé', «Na'amaamís, firoorén iiárií qaaseek nee ateéká' aga meetaan ti aleefiriin dír AAKOÓ MUNGÚ, Munguúwoge, (Asma atén aáng ti ló'wa úr, ala hám a peeroó tawo, adoorí hamí kuúng kar ga/eera.)

YEREMIA 42:5

Naagáy muu Yeremia guri báy, «Masók AAKOÓ MUNGÚ a lamaabu'usmoó ló' nee oo inkihhimuú koóm daanduurene, barnaxes axweesantadá' AAKOÓ MUNGÚ Munguúwok uwa amoorén i ya/aáw aga tleehhaniiká.

YEREMIA 43:2

Asariya garmoó Hoshaya, nee Yohanani garmoó Karea nee mukdá' sleémeero oo tlakwén Yeremia nguri bayé', «Kuúng a lamusmo, AAKOÓ MUNGÚ, Munguúrén kuúng ugwa ya/aawiiká atén tiwa beer, ‹Ma yaamaá Misrír i hotaá awaara'.›

ESEKIELI 33:31

Nina dír geeraawók i hardihiyé' adór múk wa ale, nee nina dír geerawók i iwiitiyé' adór muk'eé', axweesantók ngiri axaasiyé', ala naa iialooeesi'iiká. Barta axwees i sla'aarír koná', ala muner'ín i baraá slaasláw leelehhit.

FAARO 16:38

Asma mukwí ngina huwiyé' dír kitángw ilahhooár AAKOÓ MUNGÚ. Gimáy, xooslarír mukwí taa tsuú/ as tlakweemaaín taataahheek, kwahhuteek as kawa daqa niinawes as tawa muruú kitángw ilahhooa kur tuuntukun. Gaarí an gurbu'utá múk Israeli sleémeero.»

FAARO 17:3

nee umuú Aroni gooiimeek gawaá hhartidá' tinda huúw as múk tlahhoó Laáwi. Hhartá wák ar daanduú geeraharusmoó tlahhaay.

Matayo 22:35

Oo wák baraá tla/angw'ine a intsaahhatusmoó hara'ayár Mose, inós Yesu guri yaahaás ar iiara, guri báy,

Galatia 6:7

Miti kiloohúng al/agiimara'. Mungú ku niqaaqinká. Umuúqo gár hee i dahaasin, an tidá' i bu'un.

Yakobo 1:22

Kuungá' adoodá' axweesani i kat na tlehhiitaak, ala ma tawó axamiisara', tiri kiloohúng al/agiindá'.