YEREMIA 42:18 - Biblía Axweesantá Hhohho' ar Mungú 2004

¹⁸ «Anuú AAKOÓ MUNGÚ Aleesleemusmo, Munguú Israeli a kah, ‹Adoodá' buhhtaaeé' nee adoodá' nira qa/iít dír yaamuloouusér Yerusalemu an adoodá' nir buuhh dír kuungá', barnaxes aga tleeré' baraá yaamaá Misri. Kuungá' tari adór gár taa ló'wa aáhh, nee ar dae tlaaq, nee ar ta lu'umisi nee ar ta niqisi. Kuungá' yaamuuká' i baloó malé aanda'aaká.› »

YEREMIA 42:18 Iomraidhean Croise

2 QOM'I 34:25

Asma aníng ina geexayé', munguaá hatlá' ngay mooyángw tsuú' i da/iyé', aníng iga buhhtisiyé' daanduú gadiyedá' naa dabaaín ar tleehhii'i. Gawaá adoorihe aníng yaamuuká' i ii daa/atúw buhhtawo, heé i har'óh i kaahh.›

ISAYA 30:3

Gawaá adoorihe, xuumasír Farao kuungá' nu mureekés, nee amohhooár taa sleeré' baraá xuumár Misrír wa alé, kuungá' nu niqár eér.

ISAYA 65:15

Mukdá' naa tsawaár umerhúng ganar lu'umis nee Aakoó MUNGÚ kuungá' nun tsuu/, ala sagadiyuuseerós gan umuú /abén i tsaat.

YEREMIA 18:16

Yaamuuín nga yaamaá dae tlaaqá' tleehhiyé', ki niqín daqisleém. Umuúqo heewo oo aa baraadár waaraahhi in waa/oo/, saga guri muumukuus.

YEREMIA 22:27

Kuungá' an ló'wa ilatleerusá' tawa ki/a' baraá yaamuuká', ala a baloó ki/a'aaká.

YEREMIA 23:40

Aníng kuungá' nu mureekeés ay kureeraá kureér nee murér ta baloó gunqaresa'aaká a sleerá'.› »

YEREMIA 24:9

Aníng inooín in gár dae tlaaq tleéhh baraá waawuti'iima sleémeero ar daanduú yaamuwo, inooín kiri niqín nee kiri waaqaqaa', nee kiri waaqaseesén nee kiri lu'umis umuúqo dír ngi loohatisi baraá yaamuwo.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 26:6

naagáy aníng do'owí un adór kuduú Shilór wa hhitiím, nee gixsarí an adór gixsár taa lu'ús tleéhh dír xoordu sleémeero awa daanduú yaamuwo.› »

YEREMIA 29:18

Aníng in aldáh ar slaqwara, nee giyeé nee tiqtír pu/i. Inooín ngiri adór gár ta waki tleéhh baraá waawuti'iima sleémeero ar yaamuwo. Inooín tari gár ta lu'umisi, nee gár waa/oo/amór huwahuuw nee gár ta waaqaaqai baraá xoordu sleémeero kudá' ngay guusi.

YEREMIA 29:22

Mukdá' taa loohatís baraá yaamaá Babuloni Yerusalemúr wá alé, barta lo'ór huwahuuw tari kaahi, ‹AAKOÓ MUNGÚ masók un adór Sedekia nee Ahabu tleehh, kudá' waawutmoó Babuloni a baraá ásltí daá/.›

YEREMIA 33:5

Muu slaqwarár nee múk Kaldayo ga iiar ala aqo tawo, tuaá múk taa tsuú/ as buhhtaaeé' boheedá' taa foól ngin dalaa/iyá'. Asma inooín sleémeero tlakweema ngina tleehhiyé', aníng gixsarí ngiri sií'.

YEREMIA 44:12

Aníng múk Yuda kudaá meet, kudá' tleemuú slaá' baraá yaamaá Misri in ar tláw, nee ngiri hhaamiís sleémeero, múk urén nee na/aá ninakwe ki tsuu/ ar paánga laqaá ar qwari. Inooín tari adór gár taa aáhh nee ar dae tlaaq, nee gár ta lu'umisi nee ar ta waaqaaqai.

YEREMIA 44:22

AAKOÓ MUNGÚ tlehhmi'iihúng kudá' tlákw sa qitluuwo gina harslaaqaát, nee muruuhúng kudá' ta waki taa tlehhaahhité', gawaá adoorihe yaamu niri deewaiyé', nee niri xaanxay tleehhitiyé' tari adór gár taa lu'ús, tam heé gi hoot i kaahh, adoodá' hám laarí i dirii'iya'.

YEREMIA 44:6

Gawaá adoorihe aníng ana xaraásl nee niri daa/atúw buhhtaawo gawaá gixsadaá Yuda nee baraá lohdaá Yerusalemu, niri xaanxay tleehhitiyé', nee niri deewaiyé' adoodá' laarí i dirii'iya'.

YEREMIA 44:8

Ahaá waáy, gár muner'eé' kas duxuunda' as munguaá hatlá' kiwa fiririindá', kudá' taa dabaahúng ar tlehhité', nee kiwa mooyángw tsuú' i da/a/aanda', munguaá yaamuuká' ta hota' awa múk Misri? Xáy, kuungá' tunduwa hhaamisi an sla'á'a nee tawa múk ta lu'umisi nee tari múk ta waaqaaqai nee xoordu sleémeero awa daanduú yaamu?

YEREMIA 6:11

Gawaá adoorihe buhhtaá AAKOÓ MUNGÚ baraeene naa hatsiyé' as inooín. Aníng ilaa/aro taa harslaaqaát.» AAKOÓ MUNGÚ iri báy, «Buhhta ku'uuseek gawaá na/iidaá baraá loohi, nee sleeme dír daqtá masoomba sleémeero, hhawaate nee /ameenaaro ki ar tláy, tam bariise nee bariisér aa diimadiindi.

YEREMIA 7:20

Gawaá adoorihe anuú Aakoó MUNGÚ a kah, «Buhhtaawo aníng an daa/atúw dír yaamuuká' gawaá muu nee makaay, nee xaa'aá baraá qamu, nee balángw baraá yaamu. Sleémeero asltá ta baloó gaasiiká gin al'ót.»

WA/AA/I 2:4

Ga/aleerós gari tseék adór wakusmo, dakós oo doó /iyáy guri amohhe'eés adór wakusmo, mukdá' sleémeero atén tar daara/aamaar guna tsuú/, buhhtaawós kudá' xaraaslá' adór asla gina ku'uús baraá heemadaá múk Siyoni.

WA/AA/I 2:6

Do'ós guna feé/ adór inslángw baraá asalmo, didá' deelór ur kawa tlehhaahhiti gana taangúy. AAKOÓ MUNGÚ deelór ur nee deelór Sabaáto gaa qwaareés baraá Siyoniro, waawutmo nee kaahamusmoowo gaa sií' ar buhhtaawós.

WA/AA/I 4:11

AAKOÓ MUNGÚ xarasleemaawós ngina laqán, buhhtaawós giri ku'uús, gixsár Siyoni gay ásltí oohiís, tam ihhafiirír gixsa gari /ák.

ESEKIELI 20:34

Aníng kuungá' nun duúx baraá xoordaá hatlá' wa aleeró, nee nuri burumbuúr baraá yaamuudá' nuy diyaa/i, ar dakw'eé' oo ló'wa /uuruú koóm, ar xarasleema nee buhhtaeé'.

ESEKIELI 22:22

Adoodá' tlaa/eedaá peésa kar tlehhiit kir weeqatamamisi baraá asla, an adór kuungá' tundur weeqatisi baraá gixsár wa alé. Kuungá' daqaní kari tsahhá' adór anuú AAKOÓ MUNGÚ xarasleemaeé' ngira gawaahúng i ku'uús.»

DANIELI 9:11

Múk Israeli sleémeero dabeerók gaa sií', kuúng ugwa geexayé', nee axweesantók ngaa iialooesi'iiká. Atén lo'odá' taa gooín baraá dabér Mose, sagadiyusmoowók, taa /ák, asma kuúng ugwa sadakusaán.

DANIELI 9:27

Waawutmowí mulqi'iimár gawit ga tleehh nee múk yaariír har afiqoomár wiíkír wake. Alaá tlaqtá wiíkiro inós ilahhooár muruú ta tsu/i nee ilahhooár hatlae gin qwaarees. Inós gár ta waki gari qaas didár kitángw ilahhooa kawa hanmamisi. Gadaádá' ta waki in diirií mét ay dír heedaádá' gaa sihhtis kway suquy nee Mungú ar adoodá' ngira tsabín.»

HOSEA 7:16

Inooín i mak kiki/iyá', ala a amór Munguú gáwtí diriaaká. Inooín a adór ga/alér waslarmoowós aa slakwekwe'eet. Muk'ín oo urén ku daasl ar paánga, asma afa kaharemaaín. Inooín kiri niqín baraá yaamaá Misriro.

NAHUMU 1:6

Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

SEKARIA 8:13

Nee adoodá' kuungá' tara adór múk lo'ór koóm tleehhité' baraá xoorduuwo, aá múk doó Yuda nee doó Israeli, adoorí an adór nur ba/amis, kuungá' tay tsuuqa tleehhitá', ma da'ayumitaara' ala kuungá' na pihhé'.»

FAARO 5:27

Ma'aydá' bar ngaa wát, nee barnaxés taa slasla/arés nee aa inkihhimu waslés dír hhawaatuwose, ma'aydaá lo'o ngi slahha'muú úr i huwiyá', slaqwtós iri xir'imít nee guruuwós oo xwayla iri hhitirut. /Ameenirí tari /ameenír lo'o aa /ák baraá tla/ángw muko.

Geehhoeemaá 14:10

heé adoorí difaáidár buhhtaá Mungú ga wah, tidá' taa baraá xooslmoó buhhtaawós i tleéhh, slám kaa aleedoogiiká nee ma'aay. Nee slám heé adoorí ku slahh'eemiis ar asla nee ar asltadá' xaraasl ar kiberiíti dír geeraá malaykeedá' hhohhó' wa ale, nee dír geeraá Deelmoó bee/i.