YEREMIA 42:11 - Biblía Axweesantá Hhohho' ar Mungú 2004

¹¹ AAKOÓ MUNGÚ i kaahi, ‹Waawutmoó Babuloni mu da'ayumitaara' kusíng hám kuungá' ta da'ayumita', kár ee, mu baloó da'ayutara' tam adór niiná. Aníng a dinkwa nee kuungá' as nuwa ba/amis nee nuwa /iis gawaá dabaawose.

YEREMIA 42:11 Iomraidhean Croise

2 WAAWITÁ 25:26

Naagáy múk Israeli sleémeero, na/ii nee múk urene dinkwa nee geeraharuusér slaqwaruuseero, kudá' didá' diriiá', tari tláy ay yaamaá Misri, asma múk Kaldayo nguna da'ayutiyé'.

WARA'AMI 118:6

AAKOÓ MUNGÚ i bartaeé', heé ni da'ayuumiit a heemá? Hee aníng mi /iis?

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

WARA'AMI 46:7

AAKOÓ MUNGÚ Aleesleemusmo an dinkwa nee atén. Munguú Yakobo a dír guwayrén.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

ISAYA 43:5

Ma da'ayumitaara', asma aníng a dinkwa nee kuungá'. Aníng xwaylarhúng ngi da/aáw wa ki/ís. Aníng kuungá' nu burumbuúr bihhaá /uwaá wa ale.

YEREMIA 1:19

Inooín tan slaaqw nee kuúng, ala u baaliaaká, asma aníng nee kuúng a dinkwa as uwa ba/amis. Anuú AAKOÓ MUNGÚ tí ngina oó'.»

YEREMIA 1:8

Kuúng inooín mi da'ayumitaar, aníng a dinkwa nee kuúng as uwa ba/amis. Anuú AAKOÓ MUNGÚ tí ngina oó'.»

YEREMIA 15:20

Dír mukwihe, aníng kuúng un koo/ír gawit tleéhh ar taa tleéhh ar muqslír sirdaa/aat. Inooín kuúng un mak i slaqwarárí ayá', ala u baaliaaká. Asma aníng nee kuúng a dinkwa as uwa /iis nee uwa ba/amis. Anuú AAKOÓ MUNGÚ tí ngina oó'.

YEREMIA 27:11

Ala muu tumu xooro gaalá, barnaxes waawutmoó Babuloni ngwa ilaiwaa/iyé' nee ngwa sagadiyuusiyé', aníng mukwí u máw iwa hooti baraá yaamuuín wa alé, yaamuuín ngi doosliyá', ni baraadá' wa hootiyá'. Anuú AAKOÓ MUNGÚ tí ngina oó'.»

YEREMIA 27:12

Anuú Yeremia, waawutmo Sedekia oo Yuda una báw, «Waawutmoó Babuloni ilaiwawa/eek. Inós sagadiyuuseek nee mukose, daqaní kuúng a hót.

YEREMIA 27:17

Inooín mi iiárií qamiimara'. Waawutmoó Babuloni sagadiyuusaak daqaní kuungá' a hotá'. Ahaá waáy, gár gixsarí kas taangu tleehhi?

YEREMIA 41:18

asma tawa múk Kaldayo da'ayumiti. Asma Ishmaeli garmoó Netania, Gedalia garmoó Ahikamu, kudá' taa qaás ga/aawusmoó wa alé nee waawutmoó Babuloni nguwa gaás.

FAARO 14:9

Axáy kuungá' AAKOÓ MUNGÚ mu siaara', laqaá yaamuloousér yaamuudá' ma da'ayumiitaara'. Asma atén inooín i naanúr /ayanaaká, baqamor'ín kaa qaroó hingeés, nee AAKOÓ MUNGÚ i dinkwa nee atén, ma da'ayumiitaara'.»

Matayo 10:28

Kudá' slaqwaá tsu/á' mi da'ayumitaara', asma qeeru gaasaro ngu aleeslay'aaká. Ala Mungú na da'ayumitaak, kudá' aleesleemuú koóm oo slaqwa nee qeeru ngiwa qwaareesi baraá asltá baloó gwaa'aaká.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Tlehhema'aá ya/Abuuse 18:10

Asma aníng nee kuúng a dinkwa. Heé kuúng u i haratláw nee u gaa laáq i kaahh, asma aníng muk'eé' ku yaariír baraá gixsarihe.»

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

DABE 20:4

Asma AAKOÓ MUNGÚ, Munguúhúng i dinkwa nee kuungá' baraá slaqwaraaro. Inós i slaaqw kitangwhúng wa ale, amór wakuuserhúng, nee nuri baalírí haniis.›

2 Timoteo 4:17

Ala Aako ina sihhiít dinkwa nee aníng, aníng iri /uurií haniís. Asma Aako gár i slai a aníng Ya/abtór hho' an alki/iít, as múk xoordu sleémeero ngiwa axaasi. Aníng tiri baraá afkú dirángw wa ba/amís.

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»