YEREMIA 42:1 - Biblía Axweesantá Hhohho' ar Mungú 2004

¹ Naagáy geeraharuuse sleémeero ar slaqwaruuse, Yohanani garmoó Karea nee Asariya garmoó Hoshaya dinkwa nee muu sleémeero, iimír na/ii nee múk urene,

YEREMIA 42:1 Iomraidhean Croise

2 WAAWITÁ 25:23

Qoomár geeraharuusér slaqwaruuse dinkwa nee muu sleémeero kaangwí kuwa axaás, adór waawutmoó Babuloni Gedalia ngura ga/aawusmooín wa qaás, inooín sleémeero niri amór Gedaliawí daqayé', baraá Mispa. Mukwí a Ishmaeli garmoó Netania, nee Yohanani garmoó Karea, nee Seraya garmoó Tanhumeti oo xoorór Netofati, nee Yesania garmoó heé Ma'aka.

ISAYA 29:13

Asma Aako i kaahi, «Mukwí aníng in sluufmisiyá' ar afér tawo, nee in xirfayeemisiyá' ar axweesanoó tawo, siwaadár kilae muner'ín ka sawen dir'eene, nee aníng in ilaiwawa/iyá' ar hara'ayár taa dir'íní intsaahhatís nee muu.

ISAYA 48:1

Iia qaasaak doó Yakobo, kudá' taa umuú Israelí tsaát, kuduú xwaylár Yuda. Kuungaádá' lo'ór /ayá' ar umuú AAKOÓ MUNGÚ nee kuungaádá' Munguú Israeli ngu tawo afeérár kaahá', ala ar looeemaawooká laqaá ar adór gana'aaká.

YEREMIA 37:3

Waawutmo Sedekia Yehukali garmoó Shelemia dinkwa nee kaahamusmo Sefania garmoó Ma'aseya gina ya/aáw amór aarusmo Yeremia nguwa baya', «Atén ti aleefiriin dír AAKOÓ MUNGÚ, Munguúrene.»

YEREMIA 40:13

Naagáy Yohanani garmoó Karea dinkwa nee geeraharuuse sleémeero ar slaqwaruuse nina hardihiyé' dír Gedalia baraá Mispa, kuri báy,

YEREMIA 40:8

inooín niri tlayé' ay dír Gedalia baraá Mispa. Mukwí inooín an xwaylár Ishmaeli garmoó Netania, nee Yohanani nee Yonatan daaqoó Karea, nee Seraya garmoó Tanhumeti, nee garmoó Efai kuduú Netofa, nee Yesania garmoó Ma'akati, inooín nee muk'ine tina alkoné'.

YEREMIA 41:11

Ala Yohanani garmoó Karea nee geeraharuusér slaqwara sleémeero kaangwí tlákw Ishmaeli garmoó Netania aa tleéhh nguwa axaasiyé',

YEREMIA 41:16

Naagáy Yohanani garmoó Karea dinkwa nee geeraharuusér slaqwaruuse sleémeero, mukdá' sleémeero aa meet, kudá' Ishmaeli garmoó Netania nira tláy amór Mispa wa aleeró, alaá Gedalia garmoó Ahikamu nguwa gaás, slaqwaruuse nee nee /ameena, na/ii nee mukdá' taa karmuumuyi, Yohanani mukdá' sleémeero nguri Gibeonír wa watlís.

YEREMIA 41:18

asma tawa múk Kaldayo da'ayumiti. Asma Ishmaeli garmoó Netania, Gedalia garmoó Ahikamu, kudá' taa qaás ga/aawusmoó wa alé nee waawutmoó Babuloni nguwa gaás.

YEREMIA 42:20

aga qwadé' nee slafingwhúng ugwa baraá tsaxwáy hubé'. Asma kuungá' aníng ina ya/abé' dír AAKOÓ MUNGÚ, Munguúhúng, tawa kata', ‹Ti aleefiriin dír AAKOÓ MUNGÚ, Munguúrén, tidá' niqo sa ooi, kuúng ngi ó', atén a tleehhaán.›

YEREMIA 42:8

Naagáy Yeremia Yohanani garmoó Karea nee geeraharuusér slaqwaruuse dinkwa nee muu sleémeero, oo urén nee na/iiwo, gina ateét, giri báy,

YEREMIA 43:2

Asariya garmoó Hoshaya, nee Yohanani garmoó Karea nee mukdá' sleémeero oo tlakwén Yeremia nguri bayé', «Kuúng a lamusmo, AAKOÓ MUNGÚ, Munguúrén kuúng ugwa ya/aawiiká atén tiwa beer, ‹Ma yaamaá Misrír i hotaá awaara'.›

YEREMIA 44:12

Aníng múk Yuda kudaá meet, kudá' tleemuú slaá' baraá yaamaá Misri in ar tláw, nee ngiri hhaamiís sleémeero, múk urén nee na/aá ninakwe ki tsuu/ ar paánga laqaá ar qwari. Inooín tari adór gár taa aáhh nee ar dae tlaaq, nee gár ta lu'umisi nee ar ta waaqaaqai.

YEREMIA 6:13

Inooín sleémeero iimír na/aá ninákw wa tleemu ay múk urén slaasláwár ganaa'aaká ngi tawo slaiyá'. Tam aaruuse nee kaahamuusero umuú heewo gaa a lama gan tlaaq.

YEREMIA 8:10

Gawaá adoorihe, tlaaway'ín un múk hatlá' i haniís, qamuuín in múk hatlá' i haniís. Asma iimír na/ií wa tleemu ay múk urene, umuú heewo a slaasláwár hariimaaká gan iinuus, nee iimír aaruusér wa tleemu ay kaahamuusér Munguhe sleémeero a lamuuse.

ESEKIELI 11:1

Qeeruú Mungú iri gáwtí tleés, iri huúw ay dír afkú bihhaá da/aáw oo Doó Mungú. Didaádae múk mibeeri tsár nee kooán nguri ár, bahh alé a ín Ya'asaniya garmoó Asuri nee Pelatia garmoó Benaya, inooín a geeraharuusér múk Israeli.

ESEKIELI 33:31

Nina dír geeraawók i hardihiyé' adór múk wa ale, nee nina dír geerawók i iwiitiyé' adór muk'eé', axweesantók ngiri axaasiyé', ala naa iialooeesi'iiká. Barta axwees i sla'aarír koná', ala muner'ín i baraá slaasláw leelehhit.

ESEKIELI 8:11

Nee dír geeraá slaqsi'iikae bariise mibeeri faanqw ar múk Israeli, taa didií sihhiít dinkwa nee Ya'asaniya garmoó Shafani. Umuú heewo dakose i hhaansoó kón, nee quuír muruudú mooyángw tsuú' iri tsa/aán gáwtí alé.

Matayo 15:8

‹Mukwí aníng in ilaiwawaa/ ar afér tawo, ala muner'ín ka sawen dir'eene.

Tlehhema'aá ya/Abuuse 8:10

Heewí kuna slaá' kuwa iiárií qamin nee muu sleémeero, iimír na/áy wa tleemu ay heé úr, ta kaahi, «Heewí an aleesleemuuduú Mungú, kudá' ta bay aleesleemuudá' úr.»