YEREMIA 41:5 - Biblía Axweesantá Hhohho' ar Mungú 2004

⁵ múk mibeeraá dakaát ina hardáh oo yaamaá Shekemúr daáhh, nee Shilo nee Samaria, i ilahhooár mooyángw tsuú' koná' as ngiwa hanmiisiya' baraá Doó AAKOÓ MUNGÚ i aleeró. Daamoduuín nga deeqwiyé'. Inooín tlabaaín naa feehhamamitiyé' nee taa gwehhaahhiné'.

YEREMIA 41:5 Iomraidhean Croise

IIMU/UUNGW 33:18

Yakobo iwa Padan-aramu wa tláy, iri hardáh ar wayda ay baraá gixsár Shekemu, tidár baraá yaamaá Kana'anírí dirii'. Xafaywós guri tleéhh bihhaá gixsadá'.

IIMU/UUNGW 34:2

Shekemu garmoó Hamori, oo múk Hifi, heé úr oo yaamuudá', Dina ngiwa ár, gari óh ar /uuru, tari alqaát nee inós, gari dasu'uuma hhitín.

IIMU/UUNGW 37:12

Looarka wake hha'aá Yosefu bee/ángw baabuúín nguna de'éngw ayé' iisaapoó yaamaá Shekemií alé.

2 SAMUELI 10:4

Naagáy Hanuni ya/abuuseedár Daudi gari ohín, giri daamór bartá wák deequút umuúqo heewo, inqwaruuín guri feehhamiís ay gawaá gwe'eede, giri geemáy iwa tlaya' amor'ín ar ta slai.

1 WAAWITÁ 12:1

Naagáy Rehoboamu iri tláy baraá yaamaá Shekemu, amoodá' múk Israeli sleémeero i burumburiít as inós kuwa waawutmoó wa qaasi.

1 WAAWITÁ 12:25

Aluuwo waawutmo Yeroboamu gixsár Shekemu tidár gawaá tlom'aá yaamaá Efraimu gana malé tleéhh, iri didá' wa hoót. Sleeme iri male tláy gixsár Penueli gari male tleehhamór áy.

1 WAAWITÁ 16:24

Tloomár Samaria gari tlaáxw ar peésár kume lahhoó' dír heé ta bay Shemerí wa ale, koo/ír gawit gari tleéhh nee gixsa gari gawaadí tleéhh. Gixsadá' gari báy Samaria, as umuú heedá' ta bay Shemeri, kudá' ngiwa tlaáxw.

1 WAAWITÁ 16:29

Kurkú mibeeri tám nee dakaát oo waawuti'iimár Asawo waawutmoó Yuda, Ahabu garmoó Omri, waawuti'iimár múk Israeli gana iimu/ún. Ina yaamaá Samariár wa waawuti'ín kureeri mibeeri tsár nee tsár.

2 WAAWITÁ 25:9

Doó AAKOÓ MUNGÚ guna daá/, nee doó waawutmoowo, nee mari sleémeerowo awa Yerusalemu, umuúqo doó ure guna ásltí qaás.

1 QOM'I 19:4

Naagáy Hanuni mukdá' Daudi aa ya/aáw guna ohín, gway daamoó deequút, tlabaaín giri dír afeetleérí tlaáq, gwe'eede gay tsee/áy máy, giri geemáy.

WARA'AMI 102:14

Sagadiyuuseerók Siyoni ga slá', Inós handá' tam tangwaá taworo. Gur'er'ín gaa tlés, tam aa ló' wa hhitiruuti.

WARA'AMI 78:60

Hotaarirós ar baraá Shilo gari máy, tooaáng xaftós iwa baraá tla/ángw muu.

ISAYA 15:2

Múk gixsár Giboni ta gáwtí tsa/aa/án, amór wa/aamér tawa sluufmaamisi as tawa tsuunqumisuú ay. Múk Moabu ta tsuunqumiis as múk Nebu nee Medeba. Sleémeero sager'ín ngaa deeqwiyé', daamoó kaa deequút sleémeero.

YEREMIA 16:6

Sleémeero múk urén nee oo ninakwe, i qatliyá' baraá yaamuukae, ki foliitiiká, laqaá heé gi satsuunqumiís i kaahh, laqaá oo ti yaamúr slaáhh, tam oo sagós gu deéqw as gwa'ara i kaahh.

YEREMIA 41:4

Bál tsár alaá Gedalia kuwa gaás, qoomár kaangwí dír muu nguwa axaasiiká,

YEREMIA 47:5

Múk Gasa se'engw'ín ku deeqw asma tawa tsuunqumisi. Gixsár Ashkeloni kaa qwaareés. Xáy kuungaásingá' aga mete' baraá xatstá ayaaín, ay xaylá ti kiloohúng siiqaaqita' as gurhaami?

YEREMIA 48:37

Umuú heewo saga nee daamode gaa deéqw. Dabaaín sleémeero ka gwehhaahhín nee tlabaá guniyadu nga siinotiyé'.

YEREMIA 7:12

Axáy hamí tlawsé' ay dir'eé' tidár baraá Shilo, didá' aáng geeraawo umuueé' ngway qaás, adoodá' didá' ngira hhitiím araak, asma tlakweemaá muk'eé' oo Israeli.

YEREMIA 7:14

Gawaá adoorihe kangwdá' naa /imiís dír Shilo un /imiís dír Do'owí taa umuuér ateét, Do'owí kuungá' ta harahhifa', diirí naa kuungá' i haniís nee xwaylitérhúng.

Yoeli 2:13

Tlabaahúng mi feehhamisaara', ala munerhúng na warqeesaak.» AAKOÓ MUNGÚ, Munguúhúng, na i waya'aak, asma inós ku gurhhoó', slám i gurtleemuú kón, ku inslahheeká buhhtaawo, i haats sla'aarír warqawaakahe. Tam sakwasleemadá' aa oó', ga ya/án meemuwo.

DABE 14:1

«Kuungá' a na/aá AAKOÓ MUNGÚ, Munguúhúng. Miti iree/imaara', laqaá se'engwhúng mu deequtaara' hee barnaxes aa gwaá'.

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.

YOSHUA 24:32

Fadaá slaqwtá Yosefu, kudá' aáng tinda huúw nee xoorór Israeli iimír yaamaá Misrír wa ale, kiri foól yaamaá Shekemu, dír yaamuudá' Yakobo aa tlaáxw dír daaqoó Hamórí wa ale baabuú Shekemu, ar parhheemaá muqslír peésa awa tsiiruú wák. Yaamuuká' aluuwo tari aalír xwaylár Yosefu.

HAR'OHUUSE 18:31

Múk tlahhoó Dani murslaaqatuduú Mika aa daákw guri parootuús nguri sihhtisiyé', de'emaadá' sleémeero Doó MUNGÚ iwa baraá Shilórí dirii'i.

HAR'OHUUSE 9:1

Abimeleki garmoó Gideoni iri tláy Shekemu amór hha'aá aayoorós, iri axweés dir'ínií alé, nee dír múk doó taatoó aayoorós sleémeero, giri báy,

1 SAMUELI 1:7

Kaangwí ina kumaamiít umuú kurko, umuúqo qoomaaro Hana bir amór doó AAKOÓ MUNGÚ keér, Penina gan alkomkakoón tlukuungo. Hana iri /aa/amamiín, tam muruú /ayma gu /aa/akká.