YEREMIA 41:2 - Biblía Axweesantá Hhohho' ar Mungú 2004

² Ishmaeli garmoó Netania nee mukós kuduú mibaangw Gedalia garmoó Ahikamu garmoó Shafani nguri gaasiyé' ar paánga. Gedaliawí an kudá' taa tsawaár aáng nee waawutmoó Babuloni as tawa ga/aawusmoó yaamu.

YEREMIA 41:2 Iomraidhean Croise

2 SAMUELI 3:27

Abneri niwa kií/ Hebroni, Yoabu guna ar bihhií suruúk dír afkú do' kuwa áy adór kwaáo' axweesantá tar suufi in deer. Nee inós tawa didií sihhiít, Yoabu guruú Abneri guri muút. Abneri iri gwaá', asma Abneri Asaheli, hhiyoó Yoabu, guna gaás.

2 WAAWITÁ 25:25

Qoomár slahhángw faanqwe Ishmaeli garmoó Netania, nángw naangó Elishama, kuduú tlahhoó waawutmo, ina amór Gedalia káy inós dinkwa nee múk mibaangw, Gedalia nguri muxiyé', ngway gaasiyé'. Inós sleeme múk Yahudi nee oo Kaldayo kudá' baraá Mispárí dirií' guri tsuú/.

WARA'AMI 109:5

Hhooeemaeé' kin tlakweemaaín ar bu'ún, nee sla'aarir'eé' kan aahhir'ín ar bu'ún.

WARA'AMI 41:9

Tam mulqumooeé' kudá' afhhamít, kudá' naa harahhiíf, kudá' nee aníng al/ayayimá', inós iga sakií/.

YEREMIA 40:14

«Xáy, kuúng hám a xúa adór waawutmo Ba'alisi oo Amoni Ishmaeli garmoó Netania ngura ya/aáw as kuúng uwa gaasi?» Ala Gedalia garmoó Ahikamu axweesantí gaa looeesiiká.

YEREMIA 40:16

Ala Gedalia garmoó Ahikamu Yohanani garmoó Karea guri báy, «Gám adoosíng ma tleehhaar kuúng Ishmaeli un lámtí tláq.»

YEREMIA 40:5

Bar meetángw slá', tláw amór Gedalia garmoó Ahikamu garmoó Shafani, kudá' taa ga/aawusmoó gixsadaá Yuda wa qaás nee waawutmoó Babuloni, hoót tla/ángw múk wa alé. Bar adooriheeká tláw amoodá' kuúng ta sla'.» Naagáy geeraharusmoduú xuumuuse Yeremia guri muruú /aymár i haniís nee qeemuuwo, guri geemáy iwa tlay.

YEREMIA 40:7

Qoomár geeraharuuse sleémeero ar slaqwaruuse tidá' baraá aya dinkwa nee muu sleémeero ngiwa axaasiyé' adór Gedalia garmoó Ahikamu kura ga/aawusmoó wa qaás nee waawutmoó Babuloni, daanduú muu sleémeero kudá' aa meet oo hhawaate, nee /ameena nee na/iiwo, nee mukduú narkuute oo baraá yaamudá' taa huwiiká baraá loohó Babuloni,

YEREMIA 40:8

inooín niri tlayé' ay dír Gedalia baraá Mispa. Mukwí inooín an xwaylár Ishmaeli garmoó Netania, nee Yohanani nee Yonatan daaqoó Karea, nee Seraya garmoó Tanhumeti, nee garmoó Efai kuduú Netofa, nee Yesania garmoó Ma'akati, inooín nee muk'ine tina alkoné'.

YEREMIA 41:3

Ishmaeli sleeme múk Yahudi nee slaqwaruusér múk Kaldayo, tidár dinkwa nee Gedalia, sleémeero gina tsuú/.

Yohana 13:18

«Án kaangwí naa káh oo kuungá' sleémeerowooká. Asma aníng muk'eé' kudá' naa tsawaár u xuú'. Ala tí ina tleehharút as Gooirí iwa bo/, tidá' kah, ‹Kudá' muruú /aymar'eé' gwa /aay, aa wakusmooeé' tleehhiít.›