YEREMIA 40:5 - Biblía Axweesantá Hhohho' ar Mungú 2004

⁵ Bar meetángw slá', tláw amór Gedalia garmoó Ahikamu garmoó Shafani, kudá' taa ga/aawusmoó gixsadaá Yuda wa qaás nee waawutmoó Babuloni, hoót tla/ángw múk wa alé. Bar adooriheeká tláw amoodá' kuúng ta sla'.» Naagáy geeraharusmoduú xuumuuse Yeremia guri muruú /aymár i haniís nee qeemuuwo, guri geemáy iwa tlay.

YEREMIA 40:5 Iomraidhean Croise

2 WAAWITÁ 22:12

Waawutmo Yosia kaahamusmoó Mungú Hilkia, nee Ahikamu garmoó Shafani, nee Akbori garmoó Mikaya, nee goousmo Shafani, nee Asaya sagadiyusmoó doó waawutmo, giri báy,

2 WAAWITÁ 22:14

Gawaá adoorihe, kaahamusmoó Mungú Hilkia, nee Ahikamu nee Akbori nee Shafani nee Asaya sleémeero tana daqáy amór aaruso'o Hulda, harér Shalumu, garmoó Tikfa, garmoó Harhasi. Shalumu an kudá' tlabaá doó Mungú amohhee'emaamiís. Qoomaadae Hulka dír i hot a bartá tsár ar Yerusalemu. Inooín nee aaruso'o Hulda tari axweés.

2 QOM'I 34:20

Aluuwo waawutmo Yosia Hilkia nee Ahikamu garmoó Shafani, nee Abdoni garmoó Mika, nee goousmoó Shafani, nee Asaya sagadiyusmoó waawutmo, giri báy,

ESRA 7:27

Esra iri oó', «AAKOÓ MUNGÚ, Munguú baabi'iirén i xirfuuti, kudá' inslawaywí gwaa qaas baraá muunuú waawutmo ar doó AAKOÓ MUNGÚ nguwa parootuusi kuduú baraá Yerusalemu.

ESRA 7:6

Esrawí nina Babulonír wa tláy. Inós a goousmoó xu'utír koóm daanduú hara'ayár Munguhe tidá' AAKOÓ MUNGÚ, Munguú Israeli aa haniís dír Mose. Inós kuri alee/iís nee waawutmo umuúqo gár i slai, asma AAKOÓ MUNGÚ, Munguúwós i dinkwa nee inós.

NEHEMIA 1:11

Aá Aáko, un fiririím iiarók qaaseek, firór anuú sagadiyusmoowók iiarií qaaseek, nee firór sagadiyuuseerók tidá' qwalalaa/ umuuwók kuwa ilaiwawa/i. Un firiím án iwa iiárií qas, nee anuú sagadiyusmoowók iwa loohírí tlehh as waawutmo iwa gurtlay.» Asma aníng muruú wahángw waawutmo un amohhe'eemamiís.

YOBU 22:29

Asma Mungú múk daara/aám gu daahh, Ala kudá' tsatsaa'aren ki ba/amis nee Mungú.

AXWEESANOÓ SAGALOOA 16:7

Hotaá hee bar AAKOÓ MUNGÚ ngwa sla'atisiyé', tam nee wakuuseerós tiri slaiyá'.

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

YEREMIA 15:11

AAKOÓ MUNGÚ, axáy lo'or'ín án i /ak, barnaxes aníng kuúng ugwa sagadiyuusiiká ar muunuú /awaák, nee barnaxes aníng kuúng ugwa tsuwa firiimiiká as wakuuser'eé', qoomár kiwa baramaanuusi nee iwa baraá slahh'amií dirii'iya'.

YEREMIA 26:24

Ala Yeremia kuna xún nee Ahikamu garmoó Shafani as mukuwa gaás nee muu.

YEREMIA 39:14

Yeremia kuna saayín dír Gedalia garmoó Ahikamu, garmoó Shafani as nguwa ar watli amór do'ós. Naagáy Yeremia nee muu tari alhoót.

YEREMIA 40:4

Ga/aaweek, aníng kuúng ugwa gweér, daxta kuúng bara aán i qoón tawa tlawaan ay Babuloni, gimáy daxta ti alkoomaán, aníng kuúng un amohhe'eemiís. Barnaxes kuúng a sla'aká tiwa alkoomaan ay Babuloni, ala ma daqawaar. Ga/aaweek, yaamu sleémeero i dír geeraawók, amór ta keemuúwa sla' kaweek.

YEREMIA 41:1

Qoomár slahhángw faanqwe Ishmaeli garmoó Netania garmoó Elishama, kuduú xwaylár doó waawutmo, heé wák baraá tla/ángw geeraharuusedár uren ar waawutmo, nee múk mibaangw tari altláy ay baraá yaamaá Mispa, tari hardáh dír Gedalia garmoó Ahikamu. Qoomár tawa al/ayin baraadaá Misparo,

YEREMIA 41:18

asma tawa múk Kaldayo da'ayumiti. Asma Ishmaeli garmoó Netania, Gedalia garmoó Ahikamu, kudá' taa qaás ga/aawusmoó wa alé nee waawutmoó Babuloni nguwa gaás.

YEREMIA 41:2

Ishmaeli garmoó Netania nee mukós kuduú mibaangw Gedalia garmoó Ahikamu garmoó Shafani nguri gaasiyé' ar paánga. Gedaliawí an kudá' taa tsawaár aáng nee waawutmoó Babuloni as tawa ga/aawusmoó yaamu.

Tlehhema'aá ya/Abuuse 27:3

Looaytleérós ana hardahaán Sidoni. Yulio Paulo guri hhooeemaá i tleéhh, iri ya/án iwa mulqeerós artá ay, as inooín kuwa alee/iisi.

Tlehhema'aá ya/Abuuse 27:43

Ala geeraharusmoó askaári Paulo guna ba/amisár wa slaá', askaáridá' gari ilaá/, adoodá' ta slai makawa tleéhh. Ala iri hara'ayín as mukdá' qumburu/umit gu aleesláw, tawa geerií /akumiiti baraá tlawi, nee ta yaamaá kaahaárí hardihi.

Tlehhema'aá ya/Abuuse 28:10

Inooín atén tiri ilaiwawa/iyé'. Qoomár tleemuurén iwa xáy, tiri muruú yaariír i hanmiís oo taqo sla'aana.

Ebrania 13:6

Gawaá adoorihe atén adoorí a aleeslawaán ar haratlintaao ooaro, «Aako an alee/iisusmooeé', a da'ayumiitaaká. Hee gár i aníng i tleehhi a umós?»