YEREMIA 40:3 - Biblía Axweesantá Hhohho' ar Mungú 2004

³ Hám daxta AAKOÓ MUNGÚ tidá' sleémeero aa káh gaa boo/eés, asma kuungá' inós una sadakusé', nee afoorós aga iialooeesi'iiká, an gár muruuwí nusa sláy.

YEREMIA 40:3 Iomraidhean Croise

NEHEMIA 9:28

Alaá amohhooa ngiwa slayé', tlakweema ngiri male tleehhiyé', kuúng kiri meér gawaá dabaá wakuuser'ín ngiwa sawaawuti'ina'. Tam adoorihe kuúng uwa i /aa/iyé' kiri iiárií qás iimír gawaá doorí wa alé, daqtá yaariire ina ba/miimís ar har qoomoó gurtleemuuwók.

NEHEMIA 9:33

Tam adoorihe kuúng gan'amu u koón baraá muruuwí sleémeero atén taa slayi, asma kuúng tu inkihhím, atén a tlakuuse.

YEREMIA 11:17

«Anuú AAKOÓ MUNGÚ Aleesleemusmo, kudá' kuugá' naa qaas baraá yaamuuká', amotlakwe ngi gawaahúng i huúw, kuungá' múk Israeli, nee oo Yuda asma tlakweemaadá' taa tlehhé'. Aníng iga buhhtisiyé' as mooyángw tsuú' nguwa da/iyé' dír munguúdá' ta bay Ba'ali.»

YEREMIA 22:8

Naagáy múk yaariír oo xoordaá hatlá' barta waaraahh bihhaá gixsadae umuú heewo heé hatlá' gun yaahaas, in ooi, ‹Ahaá waáy, gár AAKOÓ MUNGÚ adoorí ngisa tleéhh dír gixsarí ur?›

YEREMIA 39:16

«Tláw Ebedmeleki heé Kushi ku beer, AAKOÓ MUNGÚ Aleesleemusmo, Munguú Israeli i kaahi, ‹Ga/aaweek aníng muruudá' tlákw daanduú gixsarihe u boo/eés, muruú hhoeeká. Muruuwí sleémeero kuúng u aán ilaawoge qoomár bir tleehharuumiit.

YEREMIA 44:23

Kuungá' gár adoorí nusa sleér asma mooyángw tsuú' kuwa da/a/aandé', nee AAKOÓ MUNGÚ una sadakusé', nee afoorós kawa iialooeesi'iiká nee dabeerós kawa oti'iiká, nee kaahirose nee lamabu'uungose, tam amotlakweerí kuungá' nuri sleér adoorí laarí tay dir'a'.»

YEREMIA 50:7

Umuú gár gaa harasliqiti gina /ák. Wakuuser'ín giri beer, ‹Atén ti tlakweeká asma inooín AAKOÓ MUNGÚ nguna sadakuusiyé', kuduú qawtantaín ar ló', AAKOÓ MUNGÚ kuduú harahhifór baabi'ii'ín.›

WA/AA/I 2:17

AAKOÓ MUNGÚ tidá' sleémeero aa tsabín gaa tleéhh, /aymuuwós kudá' aa oó' gwaa boo/eés adoodá' ngura islaáx iimír bál geeraawo, gixsa gana yaamií hhaáf ar gurtleemu wasle, Wakusmo gwaa qwal/aás daanduuhunge, /uuruú wakuuseerhúng gwaa barilooeés.

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

Rumi 3:19

Ala a xuaán axweesanaydá' sleémeero hara'aya i kat, kwaa oó' dír mukdá' sleémeero baraá waawuti'iimár hara'ayár wa hoót. Gár axweesanaywí oo hara'aya kusa oó', a umuúqo heewo kuwa xasltisi, nee muu sleémeero kuwa sakwasleemuuti nee Mungú.

DABE 29:25

Naagáy muu iri ooi, ‹Asma inooín alqadór AAKOÓ MUNGÚ ngina mayé', Munguú baabi'ii'ín kudá' alqado gaa tleehh qoomár inooín ngiwa baraá yaamaá Misrír wa duúx,