YEREMIA 40:11 - Biblía Axweesantá Hhohho' ar Mungú 2004

¹¹ Nee qoomár múk Yuda kudá' baraá yaamaá Moabu hoót nee yaamaá Amoni nee awa Edomu, nee yaamaá hatlá' kawa axaás adór waawutmoó Babuloni Gedalia garmoó Ahikamu, garmoó Shafani gura ga/aawusmooín wa qaás.

YEREMIA 40:11 Iomraidhean Croise

IIMU/UUNGW 36:8

Esau iri hotaá áy baraá yaamaá tlom'aá Seiri. Esau umuuwós oo hatlá' an Edomu.

ISAYA 11:14

Múk Yuda nee oo Efraimuwo nin haratlayá' amór múk Filisti kuduú bihhaá /uwa, inooín múk bihhaá da/aáw nguri hayoohiyá'. Inooín múk Edomu nee oo Moabuwo nguri baaliyá', múk Amoni niri dir'ín i iialooeesiyá'.

ISAYA 16:4

Múk Moabu oo tinda guús i baraá ayaahúng wa hooti, kuungá' dír guway'ín tleehhité' as mukdá' gi hhaamimiís.» Ay dír mukdá' gi baramaanuús i qwaari, nee ay dír kudá' múk hhaamimiís i hhan, ay dír mukdá' múk yaamaá hara'adarahá' i hhan baraá yaamuwo.

YEREMIA 24:9

Aníng inooín in gár dae tlaaq tleéhh baraá waawuti'iima sleémeero ar daanduú yaamuwo, inooín kiri niqín nee kiri waaqaqaa', nee kiri waaqaseesén nee kiri lu'umis umuúqo dír ngi loohatisi baraá yaamuwo.

YEREMIA 41:10

Aluuwo mukdá' sleémeero aa meet baraá Mispa nee dasuú waawutmowo, mukdá' aáng Nebusaradani, geeraharusmoó úr oo xuumuuse, aa qaás baraá Gedalia, Ishmaeli garmoó Netania guri ar waaraáhh baraá yaamaá Amoni.

YEREMIA 43:5

Ala Yohanani garmoó Karea, nee geeraharuuse sleémeero ar slaqwaruuse, mukduú Yuda aa meet, kudá' naa baraá xoordaá hatlá' wa kii/ amoodá' aáng kay diyaá/, kuna ar tláy.

YEREMIA 43:6

Hhawaate nee /ameenaaro nee na/iiwo, nee dasuú doó waawutmoowo. Nee umuúqo heewo kudá' Nebusaradani geeraharusmoó xuumuuse aa saayín dír Gedalia garmoó Ahikamu, garmoó Shafani kuna ar tláy. Tam aarusmo Yeremia nee Baruku garmoó Neriawo ngina ar tlayé' sleeme.

YEREMIA 9:26

Múk Misri nee oo Yuda, múk Edomu nee múk Amoni, nee múk Moabu nee kudá' sleémeero se'engw'ín deeqwaquuta, kudá' baraá xaanxoó hootá'. Asma tam xoorduuká' sleémeero kaa hheehhe'esiiká, aqo adór xoorór Israeli, tidá' baraá muner'ine taa hheehhe'eesiiká.»

ESEKIELI 25:12

Aakoó MUNGÚ i kaahi, «Asma múk Edomu li/aay guna buú' dír múk Yuda, li/oó ló'wa tlaákw kuna buú'.

ESEKIELI 25:2

«Heewí, amór múk Amoni i warqaweek, aariím daanduuine.

ESEKIELI 25:6

«Anuú Aakoó MUNGÚ a kah, As kuungá' tsa/i kiwa slahhé', tari ni/iindé', nee tari bar/é' as yaamaá Israeli,

ESEKIELI 25:8

Aakoó MUNGÚ i kaahi, «As múk Moabu tawa oó', ‹Múk Yuda a slaqás nee xoordaá hatlá'›,

ESEKIELI 34:6

Bee/angw'eé' iri diya/aát iri tawo hi'iimiít gawaá tlom'i wa alé nee gawaá tlom'aá tlet, iri tsiyayaáx baraá yaamu sleémeero, nee heé gwaa gaárí xuu' gway leelehhtuú áy i kaahh.›

ESEKIELI 35:15

adoodá' kiíng tara qwalá/ as yaamaá Israeli kiwa xaanxay tleéhh. Gawaá adoorihe aníng kiíng i harasihhiít. Kiíng tloomár Seiri a xaanxay tleehhít, dinkwa nee yaamu sleémeero awa Edomu. Qoomaarihe daqaní kuungá' a tsahhá' adór aníng tar AAKOÓ MUNGÚ.› »

ESEKIELI 35:5

«Kiíng ana wakuso'ór daqisleém tleehhít dír múk Israeliro, nee múk yaariír una tsú/ ar paánga qoomár tawa baraá slahh'amuuínií dirii'i, nee iwa baraá sakwasleemar'ín ar alhhe'eesáy dirii'iya'.

ESEKIELI 5:12

Daqtá wák gawaá daqooroó tám oo baraá Yerusalemuro i qátl ar tiqtír pu/i nee qwari. Daqtá hatlá' ka tsuu/ baraá slaqwaraaro. Daqtá tám ar alhhe'eesáy a diyaá/ baraá daanduú yaamu sleémeero, nee ngiri hhaamiís ar paánga.

ESEKIELI 5:3

Se'éngw niiná ku tsék baraá paslmír hiyaywók.

FAARO 22:1

Xoorór Israeli aai giri malé iimu/uún, xafay'ín guri síhh baraá xatstá Moabu, bihhaá da/aáw awa yaaér Yordani, didá' nee Yeriko ti ga/aawá'.

FAARO 25:1

Múk Israeli qoomár tawa baraá Shitimúr i dirii'i, hhawaate niri fuqtá ayé' amór /ameenár Moabu.

FAARO 25:2

/Ameenarír Moabu múk Israeli guna dah'ís tawa dinku'uusi ilahhooár muruú ta tsu/i ngiwa hanmiisiya' dír munguaá hatlá', múk Israeli muruú /aymaadá' kuri /aáy nee munguiidá' ngiri sluufmisiyé'.

1 SAMUELI 11:1

Nahashi heé Amoni, iri waatláy amór Yabesh-gileadi, gixsadá' kari harweér nee mukose, muu sleémeero oo Yabeshi Nahashi guri báy, «Al'axweesani dirén i ooang, daqaní atén kuúng u sagadiyuusaán.»

1 SAMUELI 12:12

Tam Nahashi waawutmoó múk Amoni kuwa aandé' niwa haratláy, kuungá' aníng iri beeré', ‹Atén waawutmoó ti sawaawuti'iím un sla'aán.› Kuungá' AAKOÓ MUNGÚ, Munguúhúng kuri sié'.