YEREMIA 4:6 - Biblía Axweesantá Hhohho' ar Mungú 2004

⁶ Bendeéra gáwtí tleesaak ka amór Siyoni xu'usá'. Guwé' as tiwa /isa', ma tligatligaara' AAKOÓ MUNGÚ slaqwarár ur ngi /iikú wa huuw nee hhaamimisuú urene.

YEREMIA 4:6 Iomraidhean Croise

ISAYA 62:10

Kuungá' múk Yerusalemu, afér gixsaaro tsee/ay ti'iitaak, loohi amohhe'eesaak as muu. Loohír ur tleehhaak, tlaa/e hingeesaak, laya laqamaak as muu.

YEREMIA 10:22

Iia qaasaak, afo taa i hardát, tsimaahhír xoorór yaamaá /iikú daahh ni hardát, gixsadaá Yuda giri xaanxay tléhh, tari dír hotángw intsaawe.

YEREMIA 18:11

Hám daxta múk Yuda nee múk Yerusalemu ku beer, «AAKOÓ MUNGÚ i kaahi, ‹Aníng a muruú tlákw qoomeemeés nee taa amohhe'eés daanduuhunge. Ki/aaré', umuú heewo loohirós tidá' tlaakw ngi may, nee tlehhmi'iihúng gan'asaak.›

YEREMIA 21:7

Anuú AAKOÓ MUNGÚ an kah, «Aluuwo kuúng Sedekía, waawutmoó Yuda, sagadiyuuseerók nee múk baraá gixsarí diriia, kudá' pu/i a meetís nee qwari nee slaqwara, aníng in haniís baraá dabaá waawutmo Nebukadnesa oo Babuloni, nee baraá dabaá wakuuserhúng, tidá' kuungá' nu slakaat. Kuungá' Nebukadnesa nun tsuu/ ar paánga, nee nu baloó gurtlayká, laqaá nu geemayká, laqaá nu ilamuruutiiká, anuú AAKOÓ MUNGÚ tí an káh.»

YEREMIA 22:7

Múk kuúng u hhaamiís daa ngu amohhe'eés, umuú hee nee xooslmoowós baraá dakose. Xaaiiwók kudaá sahhta awa hhohho' kin tsaat kiri kwaahh baraá asla.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 4:21

Ay xaylá aníng bendeérár slaqwara ngi ga/aa/aw, nee afór tarumbeéta ngi axamamiis.

YEREMIA 50:2

«Afo ilahanisaak baraá xoorduwo, Bendeéra gáwtí tleesaak nee ka oá', ma gaa lu/aara', ooaak adór yaamaá Babuloni kira hayóh, munguú ta bay Beli kwaa mureekeés. Munguúdá' ta bay Merodaki kwaa dae tsaát, murslaaqatuuín kwaa mureekeés nee slaqsi'ii'ín kaa dae tsaat.

YEREMIA 50:22

Afór slaqwara a axamisaán baraá yaamuwo. Hhitiru'uumár yaariir i deer baraá yaamuwo.

YEREMIA 51:12

Bendeérár slaqwara gáwtí tleesaak ar Babuloni kawa i haraatleera'. Xuuma /uuru ti doge'. Xuumuuse qaasaak, múk haramamahhamit amohhe'eesaak. Asma AAKOÓ MUNGÚ muruuwí tsaraawo gun tleehh, kudá' aa qoomeés gun boo/ees daanduú yaamuloouusér Babuloniro.

YEREMIA 51:27

Bendeérár slaqwara gáwtií tleesaak daanduú yaamuwo, tarumbeéta ufaahhaak baraá tla/ángw xoorduwo, xoorodu ti amohhe'eesiye' slaqwaraaro. Waawuti'iima ateetaak tawa haraatlay, waawuti'iimár Ararati, nee Mini nee Ashkenasi, geeraharuusér slaqwara qaasaak, farsuú yaariír adór ingigi huwaare'.

YEREMIA 51:54

«/Aa/aá Babulonír dahhá' iiárií qaasaak, afór ur ar hhaamisa ar yaamaá Kaldayór daahh axaasaak.

YEREMIA 6:1

Múk Benyamíni, ti'iité' baraá Yerusalemuro, ta'aaimé' amór amohhooa. Tarumbeéta ufahhaak baraá gixsár Tekoaro, laya laqaamaak amoqár Bet-hakeremu. Asma amotlakwe ni bihhaá /iikú wa hardát dinkwa nee qwanoó ure.

YEREMIA 6:22

AAKOÓ MUNGÚ i kaahi, «Qaytsité', xoorór /iikú daahh ni hi'ít, xoorór /uuruú slaqwarár koom, ti amohhe'eemís amorqá' saáw wa aleeró.

ESEKIELI 9:1

Aluuwo afór ur ngiri axaás, AAKOÓ MUNGÚ i kaahi, «Qwalaasare'! Tseewuwaré', kuungaádá' gixsarí ngi sakwasleemutá'! Qwalaas nee xooslár slaqwararhunge ar gixsarí hhaamisa.»

ESEKIELI 9:2

Múk lahhoó' nina amór afkú gáwtá daáhh, kuduú bihhaá /iikuú ga/áw, umuú heewo i xooslár slaqwarár kón, tidár gixsa hhaamisa. Inooín nee heé wák oo tlabaá taa tleéhh ar kitaáni ti alkoná', nee inós chupiito'ór wiínoó koom ga kón. Tari sihhiít dír bihhaá kitángw muqslír sirdaa/aat oo ilahhooa hanmis.

SEFANIA 1:10

AAKOÓ MUNGÚ i kaahi, «Baalaadae afór /aa/e ka axaas iimír afkuduú gixsár Yerusalemu oo ta bay Afkú doó Siyó, nee tsunqusmoó úr kuri axaas amór bartá hatlá' ar gixsa, nee kududuhoó úr kuri axaas gawaá tlom'ií wa alé.

SEKARIA 6:6

Gaáridá' ta uuruxun nee farsuú bó/ ina yaamaá /iikú xú', nee tidá' farsuú /awák i uuruxun ina yaamaá /uwa xú', nee ar ta uuruxun nee farsuú bahayén ina yaamaá baskú xú'.