YEREMIA 4:5 - Biblía Axweesantá Hhohho' ar Mungú 2004

⁵ Kaangw ooaak baraá Yudawo. Afo ilahanisaak amooqár Yerusalemuro tawa oa', tarumbeéta ufahhaak baraá yaamuwo. Afo tleesa hhe'esaak tawa kata', «Dinkwa i burumburitaak, gusé' a guwaán baraá gixsadaá koo/i gawden.

YEREMIA 4:5 Iomraidhean Croise

ISAYA 28:19

Umuúqo baalár amotlakwe iwa ayaahúngár waarahha aqo nun dásl, umuú matlaatlér xawa aqo nun i hardát, umuúqo tlaatla/ango nee xweeraawo, kángw adór kwí kuwa axas i ló'wa dae tlaaq.

YEREMIA 11:2

«Iia qaaseek daanduú kángw alqadoorihe, múk Yuda nee yaamuloouusér Yerusalemu i axweeseek.

YEREMIA 35:11

Ala qoomár Nebukadnesa waawutmoó Babuloni, yaamuuká' ngiwa i haraatláy, atén tay ooaán, ‹Qwalaasé', a tlawaán Yerusalemu, as slaqwaruusér múk Kaldayo nee ar Aramuwo kawa ilaguwaan. Hám daxta an hootaán baraá yaamaá Yerusalemúr wa aleeró.› »

YEREMIA 5:20

Xwaylár Yakobo kaangwí bawaak, nee dír múk Yudawo alki/itaak,

YEREMIA 6:1

Múk Benyamíni, ti'iité' baraá Yerusalemuro, ta'aaimé' amór amohhooa. Tarumbeéta ufahhaak baraá gixsár Tekoaro, laya laqaamaak amoqár Bet-hakeremu. Asma amotlakwe ni bihhaá /iikú wa hardát dinkwa nee qwanoó ure.

YEREMIA 8:14

Xaysé', gár ta daamaramaan diirihe? Burumburiité' baraá gixsadaá koo/i gawden ta hhaamaán baraadá'. Asma AAKOÓ MUNGÚ, Munguúrén gaa qoomeés atén tawa hhaamaan. Ta ma'aá qarkwí haniís asma kuwa sadakusaán.

YEREMIA 9:12

Heé sagaloó' i deéro oo muruuwí tsaahharo gu aleesláw? Heé AAKOÓ MUNGÚ aa i axweés a heemá as kaangwí nguwa alki/iiti dír múk hatlá'? Ahaá waáy, gár yaamu nisa adoorír gwaaiyé', niri deewaiyé' tam gár baraadár waraahh iri káhh?

ESEKIELI 7:14

Tarumbeéta ka ufaahh, nee muu sleémeero taa amohhe'eés. Ala heé slaqwarár áw i kaahh, asma buhhtaeé' i gawaá daanduuín i dirii'iyá'.»

HOSEA 8:1

Tarumbeéta ufahhaak! Asma wakusmo i adór gwareesír wá haraatláy amór doó AAKOÓ MUNGÚ, asma alqador'eé' ngaa mayé' nee hara'ayar'eé' ngaa aahhiyé'.

Yoeli 2:1

Tarumbeéta ufaahhaak, gawaá tloomár Siyoniro, uui ilahariisaak, gawaá tlomar'eé' tidá' hhoohhoo', as yaamuloouusér Yuda sleémeero iwa daaraxat, asma deelór AAKOÓ MUNGÚ ni hardát, slám naa naká/.

AMOS 3:6

Xáy, tarumbeéta kaqo tawo ufaáhhi baraá gixsaro, muu iri da'ayutiiká? Xáy, gár tlaakw iqo baraá gixsár wa tleehharúta ar amór AAKOÓ MUNGÚ dahhaaká?

AMOS 3:8

Diraangw bira aáhh, xáy heé da'ayumitaaká a heemá? Aakoó MUNGÚ, Mungú aa axweés, xáy heé kaangwí gu ooaaká a heemá?

FAARO 10:2

«Tarumbeetadaá tsár awa muqslaadár peésa kwahhuteek. Tarumbeétarí an ufhhaán qoomár bar múk ateetiín, nee qoomár bar ta xafoó fe/iit as tawa loohi.

FAARO 10:3

Tarumbeéta tsaraawo barka al'ufaáhh dinkwaárí ale, muu sleémeero i burumburiiti dír geeraawók, bihhaá heémár Mungú.

YOSHUA 10:20

Yoshua nee múk Israeli múk yaariír oo Amori kuna ló'wa tsuú/, ala kudá' niiná aa /uy iri /akumiít, iri dáh baraá gixsaduuín kudá' koo/i gawden.