YEREMIA 4:4 - Biblía Axweesantá Hhohho' ar Mungú 2004

⁴ Kuungásingá' múk Yuda nee yaamuloouusér Yerusalemu, munerhúng hheehhe'eesaak. Bar adoorí aga tlehhi'iiká, buhhtaeé' i daa/atuyá' adór gil'ór asla, i oohiyá' ala heé gaasaro gi aleesláw i kaahh, asma tlakweemaá kuungá' taa tlehhé'.»

YEREMIA 4:4 Iomraidhean Croise

2 QOM'I 34:25

Asma aníng ina geexayé', munguaá hatlá' ngay mooyángw tsuú' i da/iyé', aníng iga buhhtisiyé' daanduú gadiyedá' naa dabaaín ar tleehhii'i. Gawaá adoorihe aníng yaamuuká' i ii daa/atúw buhhtawo, heé i har'óh i kaahh.›

ISAYA 10:17

gwa/aateemaá Israeli nin asla tleehhitiyá', nee Kudá' Hhoohhoó' oo Israeli a tsángw asla. Tsángw asla fuquráy nee laqayaawose gin da/aa/án giri qororo'oos, baraá deelór wák i ale.

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

ISAYA 51:17

Tlawáng aá Yerusalemu, sihhtanooro gaalalaa'aát, AAKOÓ MUNGÚ iga wahaás ar slooqomoó buhhtaawós, kiíng un tsaanqás wahto tari ta/amít.

YEREMIA 15:14

Aníng kuungá' nu lawaalér wakuuserhúng tleéhh baraá yaamaá kuungá' ta xua'aaká, asma buhhtaeé' naa daa/atuyé' adór gil'ór asla, tidá' baloó gwa'aaká daqisleém.

YEREMIA 21:12

Kuungá' múk doó Daudi, anuú AAKOÓ MUNGÚ an kah, ‹Gan'amu matlaatleero tseewa tleehhaak. Heé taa daqaari'iima hayóh /iisaak dabaá múk /aytuuseero. Laqaá bar adooriheeká, buhhtaaeé' i adór asltá wa oohiyá', nee heé gaasaro ga aleesláw i kaahh, asma tlehhmi'iihúng kudá' tlakw.›

YEREMIA 21:5

Anuú kilá' ar buhhtaaeene nee kuungá' an slaqwaán ar dakw'eé' oo naa amorhúngií gan'aás, nee oo /uuruú koóm. An slaqwaán ar xaraasleema nee buhhtaá ló'wa ur.

YEREMIA 23:19

Ga/aawaak, buhhtaá Aakoó Mungú naa hardihiyé', kudaá adór bambaao. Múk tlákw ngu sage slahhiyá'.

YEREMIA 36:7

Doóqa firor'ín AAKOÓ MUNGÚ ga axaas nee umuú heewo dooqa tlehhmi'iiwós kudá' tlakw gi máy, asma AAKOÓ MUNGÚ buhhtaá yaariir nee xarasleemaawo gaa qaroó oó' daanduú mukwihe.»

YEREMIA 44:22

AAKOÓ MUNGÚ tlehhmi'iihúng kudá' tlákw sa qitluuwo gina harslaaqaát, nee muruuhúng kudá' ta waki taa tlehhaahhité', gawaá adoorihe yaamu niri deewaiyé', nee niri xaanxay tleehhitiyé' tari adór gár taa lu'ús, tam heé gi hoot i kaahh, adoodá' hám laarí i dirii'iya'.

YEREMIA 9:25

AAKOÓ MUNGÚ i kaahi, «Ga/aawaak, deelo ni hardát ar mukwí taa hheehhe'eés oo aníng i haratlintatiaaká nguwa sakwasleemuut, múk ni sakwasleemuut a kwí:

YEREMIA 9:26

Múk Misri nee oo Yuda, múk Edomu nee múk Amoni, nee múk Moabu nee kudá' sleémeero se'engw'ín deeqwaquuta, kudá' baraá xaanxoó hootá'. Asma tam xoorduuká' sleémeero kaa hheehhe'esiiká, aqo adór xoorór Israeli, tidá' baraá muner'ine taa hheehhe'eesiiká.»

WA/AA/I 4:11

AAKOÓ MUNGÚ xarasleemaawós ngina laqán, buhhtaawós giri ku'uús, gixsár Siyoni gay ásltí oohiís, tam ihhafiirír gixsa gari /ák.

ESEKIELI 16:38

In sakwasleemuút asma kiíng a adór /ameenár al'axweesantá duuxo gaa geeqeer, laqaá adór múk tsu/uutuuse, án kiíng in sakwasleemuút ar sakwasleemár gwa'ara as niwa buúhh nee da/i iwa ót.

ESEKIELI 18:31

Tlakweemaahúng kwisíng taa tlehhité' amór saaw ti kwahhe'. Muunuú hhoó' nee qeeruú /abén slawaak. Xáy múk Israeli, ahaá waáy, gár tas hhaanda'?

ESEKIELI 20:33

«Adoodá' aníng nir hotaatima, anuú Aakoó MUNGÚ lo'o aga /aáy, ana oó', ‹Aníng kuungá' nu sawaawuti'iím ar dakw'eé' oo ló'wa /uuruú koóm ar xarasleema, nee nuri i buúhh.

ESEKIELI 21:17

Aníng tsa/i i slaáhh, sakwasleemar'eé' a bu'utiís. Anuú AAKOÓ MUNGÚ tí aga oó'.»

ESEKIELI 24:13

Kuútuudá' an slasla/aruú fuqtók, ala tam aníng kiíng iga iiari hheehhe'eesaro, kiíng ana kilók met baraá slasla/aruuwók, kiíng aqo sangw baloó hhoohhouuraaká malé alé ay dír buhhtaaeé' ngay boo/ees daanduuwoge.

ESEKIELI 24:8

Aníng tseereedá' aga máw gawaá daanduú tlaa/árí alé, as makawa tiíp as buhhtaaeé' ngiwa gwarangwariin nee li/aay nguwa buu'.›

ESEKIELI 44:7

Dír hotaeé' aga meetagasé', as múk taa hhehhe'eesiiká iwa didií daráh, múk aníng i ilaiwawa/aaká, qoomár di/i nee tseere birki dir'eénií hanmiis. Gawaá adoorihe, muk'eé', kuungá' alqador'eé' aga geexeeré', ar muruuhúng kudá' aníng ni ahhiit kuungá' taa tlehhité'.

ESEKIELI 6:12

Heé saáw tiqtír pu/i gu gás, heé tseéw ku gaas ar paánga. Panmoó aa meet, oo taa geexáy kuká' tsár niwa qatliyé' un alhhe'eés ar qwari. Adoorí an adoodá' buhhtaeé' ngir boo/ees daanduuine.

ESEKIELI 8:18

As daanduú muruuwihe aníng inooín in i xaraásl. Hee tumu wák i kotsoqotiiká, laqaá guruueé' i baloó tlayká. Tam i /a/aminá' ar afór ur, aníng i baloó axaasaaká.»

TLAHHOÓ LAÁWI 26:28

naagáy aníng kuungá' nu tlampa'aás ar xarasleemaeé', nee nuri muúx anuú kilá' ki/ima faanqw, asma tlakweemaahúng.

TLAHHOÓ LAÁWI 26:41

gár aníng nee inooín tisa tlaampa'aamisaán bar ngaa tsaahhiyé', nee gár ngisa huúw baraá yaamaá wakuuser'ín, nee barnaxes ar ló' muner'ín tidá' gawden aa wanana'át nee tlakweemaaín ngiri hhu'uu'uné',

AMOS 5:6

AAKOÓ MUNGÚ leelehhaak, daqaní kuungá' a hotá'. Bar adooriheeká inós i pu/uut baraá doó Yosefu, adór asltá wa alé, nee nuri hhaamiis, tam heé nu /iís iri qwaar, baraá yaamuloouusér Beteliro.

SEFANIA 2:2

Dír tundura adór muundáy wá haritleesiiká, dír deelór AAKOÓ MUNGÚ, tidár buhhtaá xaraaslá' nura i hardatká, dír xarasleemaá AAKOÓ MUNGÚ nura i hardihi'iiká.

Rumi 2:25

Kuúng barnaxes hara'ayár Mose aga iialooés, daqaní al/utloorók i gaa bú'. Ala kuúng barnaxes hara'ayár Mose aga sí', daqaní al/utloorók i gaa bu'uká.

DABE 10:16

Gawaá adoorihe munerhúng hheehhe'eesaak nee ma ki/aara' saga gawduuwo.

DABE 30:6

AAKOÓ MUNGÚ, Munguúhúng kuungá' nee na/iihúng nu ilaiwa/ameérí haniis as inós kuwa sla'a' ar munerhúng sleémeero nee qeeremoohúng sleémeero as tawa slafa'.

DABE 32:22

Asltá buhhtaaeé' kaa oohiís, asla iri /ayiín ay baraá gi'i. Daanduú yaamu nee umuú gaaro guri /ák ihhafirír tlom'i ga /ák.

Kolosai 2:11

Sleeme kuungá' nee inós tawa aldinku'uumisé' tunduna al/utlín, ala ar al/utlór slaqwtooká, ala aqo ar al/utlodár Kristó kilá', slaqwtahúng tidár tlakweema kawa hingesé'.