YEREMIA 4:31 - Biblía Axweesantá Hhohho' ar Mungú 2004

³¹ Afo ana axaás adór afór /ameenír asltá xwayla. Tseeo a adór tidár /ameenír na/oó baris gu laqwaliim. Gadaádá' a afór Siyoni tidá' hiinsluuwós bu'umitaaká, nee dabaawós gaa gan'ás iwa kat, ‹Tsaxwaaeé', aga slar/aát dír geeraá tsu/uutuuse.› »

YEREMIA 4:31 Iomraidhean Croise

IIMU/UUNGW 27:46

Rebeka Isaka guri beér, «Aníng amohhooa a koomaaká baraá slafingw'eene as /ameenarír Hiti. Yakobo /ameenír wák ar múk Hiti birnga duúx, gár nis slaaf a milá?»

YOBU 10:1

Slafingw'eé' aa tlií/, wa/aa/ir'eé' an kángw kilá' wa káh, an slahh'eés ooaro.

WARA'AMI 120:5

Hhintlueé' ku gawít asma hotángw dirhúng a adór heé baraá hoomár Mesheki, laqaá adór heé baraá hoomár Kedárír i dirií'.

ISAYA 1:15

Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

ISAYA 13:8

Inooín niri amoqwaariyá', niri dae feehhamiitiyá' nari /araaraná', slahh'amuú yaariír gi sláy adór kuquú /ameenír asltá xwayla gaa al'ot. Umuú heewo iri puungahhamkár qaytsiit amór kuqá', gitsee/er'ín iri sloo/amít kwaáo asla gina tsaara'ás.

ISAYA 21:3

Gawaá adoorihe, tla/angw'eé' iri tsatiít as iigu'utuudá', slahha'amú adór mutaai aníng iri áy, slahha'amú adór kuqú /ameenír xwayla iri áy. Aníng ana yaamií huú', tam gár ni axamiis i káhh, ana daanda feehhiít tam sleeme a xumiisaaká.

ISAYA 26:17

Adoodár /ameenír qoomár xwayla gaa eer i diri', iwa tonganus nee iwa /aa/amiin as asltá xwayla, an adór atén kuúng tay tléhh, aá AAKOÓ MUNGÚ.

ISAYA 42:14

Har afiqoomár yaariire aga xasliít, aga tawo xasliít, tiri il/aám, ala hamí a /aá/ adór /ameenír dír asltá xwayla, tidá' /iif hiinsluú urene.

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

YEREMIA 10:19

Múk Yerusalemu tari ooi, ‹Tsaxwaarén asma slahh'amuurén inkahhi'iirén i ló'wa gon'eeliná'.› Atén geeraawo ana mak ooaán, ‹Gaarí an slahh'amuú tawo oo ta saqiitlaan.

YEREMIA 13:21

Hám daxta ma kát kudá' taa haraxú' tawa mulqe, kudá' kuúnguú kilá' taa intsaahhatís, barnaxes ugwa arba/iyé' nee ugwa sawaawuti'iné'? Xáy, a ló'wa slahhá'áke slahh'amaayér adór tiqár /ameenír baraá asltá xwaylár i dirii'?

YEREMIA 14:18

Aníng bara ti'iít baraá qamu, tuaá múk taa tsuú/ baraá slaqwaraaro in ár! Bara dáh baraá gixsa, tuaá múk aa qaatl as qwari in ár. Aaruuse nee kaahamuusér Munguhe gadiyér'ín ar baraakaá yaamu ngi tlehhiitiyá', slám gár i tlehhiitiya' ngi tsatsahhan'aaká.»

YEREMIA 15:18

Ahaá waáy, gár slahh'amueé' is kumaamiti, inkaahhay'eé' mis hungaagu/ká, baré maasáy ga hungu/umisiiká? Ahaá, mis diqay tláq adór duxuú ma'aywós kahaakaahá'?»

YEREMIA 18:21

Gawaá adoorihe, hám daxta na/ii'ín maweek ki tsu/i nee qwari, inooín ki tsu/i ar paánga baraá slaqwaraaro, nee /ameenar'ín i kampeerut, nee i kwaali'iimit. Maweek hhawaate ki tsu/i nee tiqtír pu/i, nee masoombar'ín ka iso tlaaqi ar paánga baraá slaqwaraaro.

YEREMIA 22:23

Kuungá' yaamuloouusér Lebanoni, handá' maraá hotaangw iga tlehhé' tla/eeraá xaa'aá sahhta, xáy adór tir tu/a' a adoomá dír slahh'amuudá' hi'iita, slahh'amuú adór kuquú /ameenír xwayla.

YEREMIA 30:6

Axáy ti yaahase' nee qaytsité', xáy, hhawaata iqo tsuwa adór /ameenír wa xwaylúya? Ahaá baré, hhawaate sleémeero tla/eeri'ín ngaa ohiné' adór /ameenír baraá slahh'amuú xwayla, nee gitsee/er'ín iri kalay warqeer?

YEREMIA 45:2

«AAKOÓ MUNGÚ, Munguú Israeli kuúng Baruku un babay,

YEREMIA 48:41

Gixsaduín ki hayoh nee ku/er'ín tidá' gawden ka hhaaf. Baalaarihe munér pihhuusér Moabu tari adór muunuú /ameenír dír asltá xwayla.

YEREMIA 49:22

Ga/aaweek, wakusmo i gáwtí /akuut adór gwareesi, nee ar hhampi'iiwose gixsár Bosra gari tuuntuuk. Baalaarihe munér pihhuusér Edomu dae gari hatsís adór /ameenír dír asltá xwayla.»

YEREMIA 49:24

Múk Damasko ta diqya' tsatmiit, ta alií /akumiit, daér yaariir gaa eér, ta baraá slahh'amu nee gurhaamír yaariir adór /ameenír dír asltá xwayla.

YEREMIA 50:43

Waawutmoó Babuloni kangw'ín gwa axaás. Dabaawós niri tsatiitiyé' adór hima, slahh'amaaye gwa ót, slahh'amaaye gwa ót adór /ameenír dír asltá xwayla.

YEREMIA 6:2

Gixsár Siyoni ka ló'wa hhoohhoo' nee i natsaatsá' ala gixsarí aníng a hhaamiís.

WA/AA/I 1:17

«Múk Siyoni daba' gina gáwtí tleés as iwa alee/isoó firirina', ala heé gaa gurkwa/as i kaahh. AAKOÓ MUNGÚ hara'aya gaa oó' daanduú Yakobowo ar inslaawaywós iwa wakuuseerós tleehhiti, Yerusalemu aa gár slasla/aar tleehhít baraá tla/angw'ine.

WA/AA/I 1:20

«Aá AAKOÓ MUNGÚ, ga/aaweek, adór aníng nir baraá slahh'amuú i dirií', guruueé' /ur/uri gwa eér, muuná i ló'wa amoqwaqwadín, asma aga ló'wa dee/aanuút. Baraá lohduuwo muu ku tsuu/, baraá do'o muu i qaatl.

WA/AA/I 2:21

Tuaá bariise nee awa masoombaro naa tlufaafuiyé' baraá loohiro, dasuueé' nee masoombar'eé' ar daaqaay kaa tsuú/ ar paánga, kuúng ina tsú/ baalaadár buhhtaawoge, ina tsú/ ar gurtleemu wasle.

HOSEA 13:13

Múk Israeli asltá /ameenír xwayla gu i hardát, ala inooín a adór na/oó daktani oo qoomár xwayla gaa ay, ala qoomár xwayla bira xeér, in sii' ti'inaango baraá guruú aayooro.

MIKA 4:10

Kuungá' múk Yerusalemu, kumiité' baraá slahh'amaayeero nee /ifooro, adór /ameenír xwayla. Asma daxta kuungá' a ti'itá' baraá gixsaro, tari hotaá eerá' baraá tsee/aá /awaak. Aqo an yaamaá Babulónírí hardatá'. Ala amoodae kuungá' tundu tuu/ AAKOÓ MUNGÚ kuungá' nu ba/amis, nuri baraá dabaá wakuuserhúng wa gweer.

MIKA 4:9

Waáy, kiíng ma har tsimaahhús? Ahaá, waawutmoowók i káhhi? Hara'ayusmoowók aa qwaári? Nee slahh'amaaye iga óti adór slahh'amaayér asltá xwayla?

MIKA 7:1

Tsaxwaaeé'! Asma aníng a adór heé qwariít, oo bururú gwaa sleemisuú ay. Ala laatí tam /aroó wák oo taa meetiís ugwa slawiiká. /Ar'i sleémeero kaa buú'

Matayo 21:5

«Múk gixsár Siyoni bawaak. Ga/aawaak, waawutmoohúng ni amorhúngií hardáh. Inós ku tsá'. Aa tsa/án gawaá daqwaay, nee gawaá gwarendmoó daqwaay.»

1 Korinto 9:16

Asma aníng tam a Ya/abtór hhó' alki/iita, gár tir xirfayees i káhh. Asma gaarí a gadiyér tinda aníng i haniís, a gár ni baqaaká tleehhamooro. Aníng Ya/abtór hho' bar alki/iitaaká, a tsaxwaaeé'.

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.