YEREMIA 4:30 - Biblía Axweesantá Hhohho' ar Mungú 2004

³⁰ Kiíng Yerusalemu taa tawo geexáy. Gár tlabaá kal'aá da/aten kis dahas? Gár tis parootus ar sahaábu a milá? Nee gár hhamhhamaá ilaawók kis qaaliin? Tin tawo parootús. Sla'aaruuseerók iga qaroó waaqá', nee inooín gár i slaiya' in gaasiyá'.

YEREMIA 4:30 Iomraidhean Croise

2 WAAWITÁ 9:30

Yehu iwa hardáh Yesre'eli, Yesebeli kangwdá' aa tleehharuut gwa qaroó geerií axás. Hhamhhamaá ilaawós gina parootús ar wahaaso nee se'eengós guri xáf, iri tleér dír pa/aangw, iri baráy ii qaytsít.

AXWEESANOÓ SAGALOOA 6:25

/Ameeni ma ilaatleerusaar as kawa hhoohhoó', sleeme ma ya/amaar uwa ot ar hhamhhamaá ilaawós.

AXWEESANOÓ SAGALOOA 7:10

Naxés tari doogiyé' nee /ameeni, tlawuú tsaatu'uuma ngwa dahás, ka afa kaahaar.

ISAYA 10:3

Hám adór ta laqa' deelór muxtaaro, deelór bambaaór ur burna amór saáwá i hardát? Heé ti ta'aiinda' a heemá oo nu /iís? Dír daqaari'iimarhúng ki qasa' a diimá?

ISAYA 20:6

Baalaadae yaamuuloouusér afaá tlawi iri o', ‹Qaytsité', mukdá' atén ta harahhifaafitaan gár gwaa sleer, kudá' tay gwaagowaan tiwa tu/iya' dír waawutmoó Ashuruwo. Hám daxta atén adór tar /uwaan?› »

ISAYA 33:14

Múk tlakuuse i da'ayumiit baraá Siyoniro mukdá' Mungú gu ilaiwawa/aaká i daaraax nee ta kaahi, «Baraá tla/agwrene heé qiítl dír asltá /ayiima, baraá tla/angwrene heé qiítl iwa iwiiti dír asltá baloó gwa'aaká.»

YEREMIA 13:21

Hám daxta ma kát kudá' taa haraxú' tawa mulqe, kudá' kuúnguú kilá' taa intsaahhatís, barnaxes ugwa arba/iyé' nee ugwa sawaawuti'iné'? Xáy, a ló'wa slahhá'áke slahh'amaayér adór tiqár /ameenír baraá asltá xwaylár i dirii'?

YEREMIA 22:23

Kuungá' yaamuloouusér Lebanoni, handá' maraá hotaangw iga tlehhé' tla/eeraá xaa'aá sahhta, xáy adór tir tu/a' a adoomá dír slahh'amuudá' hi'iita, slahh'amuú adór kuquú /ameenír xwayla.

YEREMIA 30:14

Sla'aaruuserhúng sleémeero kuungá' naa gunqaarés, kuungá' nu baloó gár i xuiiaaká. Aníng kuungá' naa slaáhh adór wakusmo, kuungá' tundu muux ar gurtleemu wasle, asma dakuúsarhúng ka ló'wa ur, tlakweemaahúng ki ló'wa yaariir.

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

WA/AA/I 1:19

«Sla'aaruuser'eé' ana ateét ala aníng ina al/ayiyé', kaahamuuser'eé' nee bariiseero nina baraá gixsárí hhané', qoomár niwa muruú /aymár leelehhitiya' as tiwa tu/iya'.

WA/AA/I 1:2

Inós xweeraawo in /aa/amaamiín as slahh'amu, hhirhheeri nin gororoxeeliná' gawaá tlaaqarmaawo, baraá tla/ángw sla'aaruuseerós sleémeero oo gaa gurkwa/as i kaahh tumu wák. Inós kaa al/aáy nee mulqeerós sleémeero, inooín naa wakuuseerós tleehhitiyé'.

WA/AA/I 4:17

Ilaarén naa buqanumitiyé' as alee/isaay kuwa daamaramaan, baraá dal'amaayerene xoorór ba/amisaro ti aleeslawaaká ana daamaramaán.

ESEKIELI 28:13

Ana Edenír wa hót, dír asalmoó Mungú, tuna qaalín ar tlaa/aá tlaxo uren, awa akiíki, nee topaási, nee yáspi, nee sabarajaádi, nee beriíli, nee sardoniíki, nee yakuúti-sirboo/, nee miisli, nee sumariídi. Tuna qaalín ar sahaábu hhohhó'. Muruuwí sleémeero kuna amohhe'eés as kuúng, iimír bál tuwa tleéhh.

ESEKIELI 28:9

Xáy, kuúng aqo kumíta tawa kat, ‹Aníng a mungú,› dír geeraá mukdá' kuúng u gaamisa? Kuúng tin tsáhh adór tar hee, ala a munguheeká dír geeraá mukdá' kuúng u tlaqmiisa'a.

OBADIA 1:7

Mulqerhúng ar kilá' nuna dáhh nuri tlatlahhás baraá yaamuuhunge. Mukdá' nee kuúng waydúr hotaatimá' nuna al/aáy nuri ar baá/. Kudá' nee kuungá' naanuú em'aaemá, tsaaxweeli ngaa qaasiyé' dír ya'aawók, tawa kaahi, «Laatí, gár i aleeslay iqo káhh.»

Ebrania 2:3

Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaárií xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diréní lamabu'ún nee mukdá' gaa dír Aakoó wa axaas adór tar ló'.

Geehhoeemaá 17:13

Inooín axweesantaín a wak. Gár inooín ta slai a makiito'oodá' kan /uuruuín i haniis nee aleesleemuuín.

Geehhoeemaá 17:2

Waawituú baraá yaamu aa fuquús nee inós. Nee mukduú baraá yaamaá hoót kwaa oonitimís ar difaáír tsaatu'uumarós.»

Geehhoeemaá 17:4

Nee slám /ameenidá' kaa tsiitiís inqwaruú sirda/atene nee oo da/atén. Inós kaa parootuús ar sahaábu nee ar tlaa/edá' tlaxo uren, nee ar kwaslaá hhohho'. Inós i xooslmoó sahaábu koón baraá dakose. Xooslmoowí aa haáts muruú tlakwe nee umuúqo slasla/aruú tsaatu'uumarose.