YEREMIA 4:29 - Biblía Axweesantá Hhohho' ar Mungú 2004

²⁹ Qoomár afór slaqwaruusér aa tsa/aan gawaá faras nee ar maheeraá tlaquút birnga axaasiyé', umuú heewo iri ta'aaín. Bahh'alé tari dah baraá xwaansloó giíw, bahh'alé tari tsa/án gawaá tlaa/aá uren, umuú gixsaro in tawo mét, tam heé baraadá' hoót i kaahh.

YEREMIA 4:29 Iomraidhean Croise

2 QOM'I 33:11

Gawaá adoorihe, AAKOÓ MUNGÚ geeraharuusér waawutmoó Ashuru gana ya/aáw amór múk Yuda. Manase nguri oohiyé' gway daba' tseegiyé' ar piínguduú muqslár sirda/aten, nguri huwiyé' ay yaamaá Babuloni.

ISAYA 30:17

Mukhúng oo kumuú wák in tlatlaahh barkwa dae tsaát nee heé wák, ala múk kooán burna iigahhaát, kuungá' sleémeero an tlatlahhá', kuungá' tari metá' adór xa'anoó bendeéra oo gawaá ságw tlooma, tari adór layár taa qaás gawaá gongooamo.

ISAYA 6:12

AAKOÓ MUNGÚ muu guri amór saáwí huuw, yaamu sleémeero giri sluhhaay tleehh.

YEREMIA 16:16

AAKOÓ MUNGÚ i kaahi, «Ga/aaweek, aníng múk yaariír oo siyoó ohiím ngu tleés as mukwí nguwa ohin. Aluuwo slakaatuusér yaariir ngiri tleés, ar mukwí gu slakaat gawaá umuú tloomaro, nee gawaá umuú gongoamaawo, nee baraá mar'ór tla/uuwo.

YEREMIA 4:7

Adór dirángw naa baraá nahhaatarós wa ti'iit. Kudá' xoordu gi hhaamiís taa amohhe'eés. Inós naa dír kitaangós wa tláy as yaamuuwók ngiwa hhitin. Gixsaduuwók ngiwa taanguy nee heé baraadá' hoót iri qwaar.

YEREMIA 52:7

Naagáy, dirka baraá koo/iro kari fooxiís, slaqwaruuse iri /akumít tsee/aá gixsa qoomár xweeraawo, loohidár koo/i nee tiqá' ti dók bihhaá asalmoó waawutmo, tay kumiít ay Araba, qoomaarihe múk Kaldayo gixsadá' kaa harweér bihhe sleémeero.

YEREMIA 6:23

Inooín ga/aldu nee lawlu nga baraá dabaaín i oohiyé', múk xaraásl i gurtleemú konká, i kududuhiyá' adór hhaahhoó' ma'aay. Naa tsa/ané' gawaá daandeemaá faras, taa amohhe'eesiyé' slaqwaraaro daanduú Siyoniro.»

AMOS 9:1

AAKOÓ MUNGÚ una ár aa sihhiít bihhaá kitángw ilahhooa kawa hanmaamisi, iri báy, «Uheemaá doó Mungú kudá' taa qaalín slahheek ay dír ihhafiirír do' i diingit. Uheemiiká' giqaweek ay dír ni huuhu'una' gawaá sagér muu sleémeero. Kudá' naa meetiye' diisíng wa alé, aníng in alhhe'eés ar paánga. Tam oo goów i kaahh, tam oo kotsqoót i kaahh.

Luka 23:30

Nee qoomaadae muu tlom'i gi bay, ‹Atén ti i hue',› nee dindirma' kay bay, ‹Atén ti tuntuke'.›

1 SAMUELI 13:6

Múk Israeli ngiwa ár adór tar baraá slahh'amuú úr asma muu kwa /amatseek, tari nahhmiít baraá mar'o nee baraá boh'e, nee baraá tla/u, nee baraá /aantu, nee baraá hhaleeri.