YEREMIA 4:24 - Biblía Axweesantá Hhohho' ar Mungú 2004

²⁴ Aníng ana qaytsiít gawaá tlom'i, naxés tlom'i i daaraxiyá', nee gongooama' i diinginá'.

YEREMIA 4:24 Iomraidhean Croise

1 WAAWITÁ 19:11

AAKOÓ MUNGÚ iri oó', «Tláw, gawaá tlooma i sihhiiteek dír geeraaeé'.» Naagáy AAKOÓ MUNGÚ iri waaraáhh, nee fur'ár bambaao ar tlom'i gaa diya/, nee tla/u gaa porxomis ina fukuukú'. Ala AAKOÓ MUNGÚ i kaahh baraá fur'aarihe. Alaá bambaaooro kunseeli nay hardát. Ala AAKOÓ MUNGÚ i kaahh baraá kunseelidae.

WARA'AMI 18:7

AAKOÓ MUNGÚ iwa buúhh, yaamu nina dingitiyé' nari daraaxatiyé'. Iihhafiirír tlom'i iri dingít.

WARA'AMI 77:18

Kwarara/a i harweeririín, mankari yaamu gay tsaa'ás, yaamu nay daaraxaatiyé' nari diingitiyé'.

WARA'AMI 97:4

Mankartós yaamu gin gwa/atís, yaamu ngiri ariyé' nee tari daaraxaat.

TI'INAANGW 19:18

AAKOÓ MUNGÚ ina aweér gawaá tloomár Sinai ar baraá asla, tloomadá' iri qaba'át quuiro adór quuír asltá gufteeri ar taa slaáx ló'wa ale, tloomadá' sleémeero iri ló'wa diingít.

ISAYA 13:13

Aníng doori ngiri diingiís, nee iihhafiiriír yaamu iri daaraxát, asma anuú AAKOÓ MUNGÚ aleesleemusmo niwa buúhh, baalaadár buhhtaeé' kudá' xaraasla'a.

ISAYA 24:20

Yaamu i ta/amiitiyá' adór heé aa ooniit, yaamu i taa/aná' adór islaangw, asma kaa al'iilooúy nee huwár tlakweemaaín. Inooín i huuiyá' sleeme i baloó sihhitiaaká.

ISAYA 5:25

Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

YEREMIA 8:16

Afór farsuín aga axaasaán baraá Dani, kididihoó farsuín oo slaqwara yaamu sleémeero gaa diingiís. Nin hardihiyá' as yaamu nee umuú gaaro ngiwa hhitina', gixsa nee mukose ngiwa hhitina'.

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

ESEKIELI 38:20

Siyoó baraá tlabeemo, nee tsir/ór /akumiit, nee makaá sla/ato, nee ya'a wasleero, dinkwa nee múk baraá yaamu sleémeero ta daraxaat aníng bira ariyé'. Tlom'i ki yaamií hhaaf, nee geetawe nee koo/i sleémeero i yaamií hú'.

MIKA 1:4

Tlom'i gay ya'ár weeqatis adór boohhayángw bihhaá ásltí dirií'. Xatso nay feehhamiitiyá' adór ma'aá hhaahháy.

HABAKUKI 3:10

Tlom'i uwa ariyé' nina daaraxaatiyé'. Alwuór ma'aay iri waaráhh, iloo niri xuuruuiyé', /ur/urti'ín iri gáwtí tsifaaqamít.

HABAKUKI 3:6

In sihhiit yaamu giri diingiis. Iri qaytsiit xoordu giri kwisltis. Tlom'iidaá alhhe'eesay wasl niri feehhamiitiyá', nee gongooamadá hotaatimá' niri sluk'umitiyá', lohduuwós awa alhhe'eesay wasl.

Geehhoeemaá 6:14

Doori niri quutliyé' adór slambaree/i kar waageqaaqay. Nee umuúqo tloomaro kari loohatís dirós tidá' i dir'a. Nee umuúqo yaamaá kaahaare awa baraá tla/ángw tlawtí diriia'a kiri loohatís sleeme.