YEREMIA 4:19 - Biblía Axweesantá Hhohho' ar Mungú 2004

¹⁹ Baraaeene aga slahhaá', aga ló'wa slahhaá', nee slahh'amaaye ti gwangwar'aamaán, muunaáeé' aa slaaqaát. Muunaáeé' i ló'wa tuu'uut, xasliita a aleeslawaaká. Asma aníng afór tarumbeéta aga axaás nee tsimaahhír slaqwaraaro.

YEREMIA 4:19 Iomraidhean Croise

IIMU/UUNGW 49:6

Án a dahaaká baraá axweesanay'ine, slám a dahaaká baraá kwasleemaduine. Asma baraá buhhtaaine muu nguna tsu/iyé', nee baraá tsifirtlakwer'ine awe ngina hariiayé', ngina kane tlaaqiyé'.

2 WAAWITÁ 4:19

Inós baabuúwós guri báy, «Baabá, sagw'eé' i tiiq, saga i gaas.» Baabuúwós sagadiyusmoó wák guri báy, «Huweek amór aayoorós i aleeró.»

2 WAAWITÁ 8:11

Elisha ila' giri duxún ló'wa ale, Hasaeli iri muruút. Naxés Elisha /aa/e giri iimu/ún.

WARA'AMI 103:1

Muunaáeé', AAKOÓ MUNGÚ diidi'iimiseek! Umuúqo gár baraaeé' i diriia' umuú hhoohhoó' oo AAKOÓ MUNGÚ ngu diidi'iimis!

WARA'AMI 116:7

Muunaáeé', daxta aa yaandahhe'eés, asma AAKOÓ MUNGÚ iga hhooeemaáy tleéhh.

WARA'AMI 119:136

Hhirhheeri in xintsaatsiím, asma muu dabeerók gaa sií'.

WARA'AMI 119:53

Aníng ana qa/iít as tlakuuse, asma inooín dabeerók nga iialooeesi'iiká.

WARA'AMI 146:1

AAKOÓ MUNGÚ xirfayeemisaak! Aá hhiintlueé', AAKOÓ MUNGÚ xirfayeeseek!

WARA'AMI 16:2

AAKOÓ MUNGÚ una báw, «Kuúng an AAKOOEÉ', aníng gár hhoo' ni koom i káhh, aqo har kuúng.»

ISAYA 15:5

Aníng a /aa/amiím as yaamaá Moabu, mukós aa tiaaín ay Soari, aa tiaaín ay Eglat-shelishiya, mukós i tsa/aa/án amór Luhiti, ta hara /aa/amín, amór loohír Horonaimúr kawa, mukós i /aa/aamín as qwanaay.

ISAYA 16:11

Gawaá adoorihe, muunaáeé' i /aa/amín as Moabu adór tarumbeéta, nee hhiintlueé' i /aa/amín as gixsár Kiriheseri.

ISAYA 21:3

Gawaá adoorihe, tla/angw'eé' iri tsatiít as iigu'utuudá', slahha'amú adór mutaai aníng iri áy, slahha'amú adór kuqú /ameenír xwayla iri áy. Aníng ana yaamií huú', tam gár ni axamiis i káhh, ana daanda feehhiít tam sleeme a xumiisaaká.

ISAYA 21:4

Inslaway'eé' i amoqwaqwadín, daér yaariir iga eér, tsiindo in daamaraám, ala niwa hardihiyé' ana ak daaraáx.

ISAYA 22:4

Gawaá adoorihe, aníng ana oó', aníng mi i qaytsimiitara', aníng mawaaré' ni /aa/amiím ar slahh'amu, ma daawimiitaara' aníng iwa gurkwa/amisa', asma muk'eé' iwa hhán.

YEREMIA 13:17

Ala barnaxes aga axasi'iiká, aníng an baraá gurií /aá/, asma daara/angwhúng, ilaaeé' nin /aa/iyá' nee hhirhheerieé' niri baráy gororoxotiyá', asma múk AAKOÓ MUNGÚ kwa loohatís.

YEREMIA 20:9

Ala aníng bara oó', «Aníng umuú AAKOÓ MUNGÚ daxta un baloó ooaaká, sleeme a ilaawatsaaká ar umuuwós,» muunaaeé' in da/aa/anuut baré kwaáo adór asla in baraá faduueé' wa ót, an mak qiítl as mawa ilawaáts, ala ila/aro tin harslaaqaát.

YEREMIA 23:9

Daanduú aaruuseero aníng aga diqay tsatiít, slaqwtaeé' sleémeero ina daaraxát, aníng a adór heé aa ooniit, adór heé buura aa ló'wa ooniitís, asma AAKOÓ MUNGÚ nee as axweesantós tidá' hhoohhoo'.

YEREMIA 4:21

Ay xaylá aníng bendeérár slaqwara ngi ga/aa/aw, nee afór tarumbeéta ngi axamamiis.

YEREMIA 4:5

Kaangw ooaak baraá Yudawo. Afo ilahanisaak amooqár Yerusalemuro tawa oa', tarumbeéta ufahhaak baraá yaamuwo. Afo tleesa hhe'esaak tawa kata', «Dinkwa i burumburitaak, gusé' a guwaán baraá gixsadaá koo/i gawden.

YEREMIA 42:14

nee tawa kata', ‹Atén a hotaá awaán yaamaá Misri, amoodá' slaqwara iwa kahh, tam afór tarumbeéta kawa axaasanaaká, laqaá muruú /ayma kuwa dakusanaaká.›

YEREMIA 49:2

Gawaá adoorihe, AAKOÓ MUNGÚ i kaahi, «Ga/aawaak, deelo ni hardát ar aníng slaqwara ngiwa tlees, /aa/e kiri axaas baraá Rabár Amoniro, inós tari ufuú xwaansláy, nee ayeemaá iisaapaywós kiri daa/ ar asla, aluuwo mukdá' múk Israeli gwaa aal, kuri aal nee múk Israeli.

YEREMIA 50:22

Afór slaqwara a axamisaán baraá yaamuwo. Hhitiru'uumár yaariir i deer baraá yaamuwo.

YEREMIA 6:24

Múk Israeli tari oó', «Atén kangw'ín ugwa axaasaán, dabaarén na tsatmiitiyé', amotlakwe taa sleér, slahh'amuú adór kuquú /ameenír xwayla taa sláy.

YEREMIA 8:18

Gurhaamir'eé' tihe ti tu/iiká, muunaáeé' i ló'wa slahhahhaa'.

YEREMIA 8:21

Slahh'amuú muk'eé' an slahh'amueé', aníng a amoqwaqwadiím nee an tsuunqumiís.

YEREMIA 9:1

Alók geeraawo sagw'eé' an adór ma'aay nee ilaaeé' tari adór kutltá hhirhheeri, as kahhó' niwa /aa/amiim tlaatla/aangw nee xweeraawo, as daanduú muk'eé' kudá' taa tsuú/.

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

WA/AA/I 1:16

«Aníng hamí an /aa/amiím as kaangwí. Hhirhheeri baraá ilaeene in tawo wa/aminá', as heé aníng i gurkwa/ás kuwa saáw dir'eene, kudá' aníng i muunií qaás i kaahh. Na/iieé' kina kilooín geexáy asma wakusmo aa baalín.

WA/AA/I 1:20

«Aá AAKOÓ MUNGÚ, ga/aaweek, adór aníng nir baraá slahh'amuú i dirií', guruueé' /ur/uri gwa eér, muuná i ló'wa amoqwaqwadín, asma aga ló'wa dee/aanuút. Baraá lohduuwo muu ku tsuu/, baraá do'o muu i qaatl.

WA/AA/I 2:11

Ilaeé' naa slahhaaiyé' /aa/eewo, guruueé' /ur/uri gwa eér, muunaáeé' i ló'wa gurhaamír kón, asma muk'eé' kuwa hhaamiís, nee as na/aá qaweero nee kudá' du'uumá' niwa /araarana' baraá lohdaá gixsa.

DANIELI 4:19

Qoomaarihe Danielidá' ta babay Belteshasa iri gurhamuút gár niinawe, nee inslawaywós iri amooqwaqwadín. Waawutmo Belteshasa guri báy, «Belteshása tlataaká' muwa dae tsatiyé'.» Belteshasa iri oó', «Aakooeé', tlataaká i pa/iye' amór mukdá' kuúng u ahhiít, nee gár tlataaká' i laqaaqana' i pa/ amór wakuuseerók.

DANIELI 7:15

«Iigu'utuudá' anuú Danieli iri dae tsaát, niri amoqwaqwadiím.

DANIELI 7:28

«Gaarí a alhhe'eesoó kaangwí. Anuú Danieli niri daanda feehhiís, tam kalay'eé' iri warqáy. Ala kaangwí una alhooreés baraá muunaáeéní aleeró.»

DANIELI 8:27

«Anuú Danieli ana /araám, niri tiíq deelo alé. Niwa huunguú/ niri kumiít gadiyeedá' waawutmo iga bayi. Ala iigu'utudá' aníng ina waa/o/amórár áy, ala aníng ugwa tsaahhiiká.»

AMOS 3:6

Xáy, tarumbeéta kaqo tawo ufaáhhi baraá gixsaro, muu iri da'ayutiiká? Xáy, gár tlaakw iqo baraá gixsár wa tleehharúta ar amór AAKOÓ MUNGÚ dahhaaká?

HABAKUKI 3:16

Kaangwí sleémeero una axaás tam guruueé' ma'aay ngway dalaa/iyé'. De'eero afkueé' iri daaraxaát. Diqiyaeé' niri tsatiitiyé', ya'aaeé' niri daaraaxiyé'. Aníng baalaadár slahh'amu an daamaaraám ar qitla, tidá' hardah dír mukdá' amoorénií haraatlatláw.

FAARO 10:9

Qoomár bar slaqwara baraá ayahunge naa ti'ít tla/ángw kuungá' nee wakuuserhúng, tidá' kuungá' nu baramaanuus, layár slaqwara ka laqaandá' ar tarumbeéta ufaahha as AAKOÓ MUNGÚ, Munguúhúng nuwa inslay nee nuri ba/amis dír wakuuserhunge.

Rumi 10:1

Hhaee'eé', aníng gár ni slaa' ar muunaáeé' sleémeero, nee gár ni fiririim dír Munguhe, as inooín, a masók inooín kin ba/amis.

1 Korinto 14:8

Nee tarumbeéta barnaxes aa /a/iká ar afoodá' axaasa hho', heé ti amohhe'eés slaqwaraaro a heemá?

Galatia 4:19

Laqwalor'eé', aníng a ló'wa slahhahhaá' as kuungá' nuwa malé laqwaal, ay dír Kristo i geehhoouy baraahúng wa ale.

HAR'OHUUSE 5:21

Yaaér Kishoni giri ar wá/ amór saáw i alé, eeít, ma'aá yaaér Kishoni ngiri ar wa/iyé'. Aníng an geerií kumiít ar pihh'uuma.