YEREMIA 4:1 - Biblía Axweesantá Hhohho' ar Mungú 2004

¹ AAKOÓ MUNGÚ i kaahi, «Aá múk Israeli, kuungá' bar ki/imaá sla'á', amor'eé' ni ki/aaré'. Muruudá' aníng i buhhtamís dír ilaeene bur ugwa hingesé' nee bar kumita'aaká toonganuuwo.

YEREMIA 4:1 Iomraidhean Croise

IIMU/UUNGW 35:2

Yakobo múk do'ós sleémeero nee kudá' nee inós alhootá' giri báy, «Munguiidá' ta koonda' hingeesaak, ti hheehhe'ese', nee tlabaahúng warqesaagáy.

2 WAAWITÁ 23:13

Waawutmo kiteeridá' gawaá gongoama' awa bihhaá da/aáw Yerusalemuro gina meeta gaás, nee bihhidaá tloomár hhituru'uuma didá' Solomon waawutmoó Israeli aa tleéhh as Ashtaroti, tidá' ta waki ar múk Sidoni, nee Kemosi ar múk Moabu, nee Milkomu ar múk Amoni.

2 WAAWITÁ 23:24

Waawutmo Yosia qwaslaarér giaá duxuum nee da/aluuse, nee murslaaqat nee slaqsi'i dinkwa nee muruudá' ló'wa buhhtamís, sleémeero guna hingeés baraá yaamaá Yudawo as tidá' taa gooín baraá kitaábuudá' Hilkia kaahamusmoó úr oo Mungú aa sláy baraá doó AAKOÓ MUNGÚ wa ale.

2 QOM'I 15:8

Qoomár Asa axweesanoó aarusmo Asariya, garmoó Odedi, nguwa axaás, dabaá gadiyeé giri sláy. Slaqsi'iidaá munguaá hatlá', kudaá baraá Yuda nee Benyamini giri hingeés, nee kudaá baraá yaamuudá' naa hayóh awa baraá tlom'aá Efraimu aqo gina hingeés sleeme. Inós kitangwduú ilahhooár AAKOÓ MUNGÚ kawa hanmaamisi, kuduú baraá matla/angwduú Doó AAKOÓ MUNGÚ, guri /abeés tleehhamooro.

2 QOM'I 33:8

Barnaxes múk Israeli adoodá' aníng naa oó', gaa tleéhh, nee iri iia looeés baraá dabe sleémeero, nee tidá' taa oó', nee tidá' ngaa bawi, tidá' naa haniís ar dákw Mose, aníng i baloó gusaaká baraá yaamuuká naa baabi'ii'ín i haniisi.»

2 QOM'I 34:33

Waawutmo Yosia slaqsi'iidá' sleémeero ta waki giri hingeés baraá yaamuudá' sleémeero awa aalír Israeli sleémeero, múk Israeli guri /uurutís AAKOÓ MUNGÚ, Munguúín, nguwa sagadiyuusiya' nee nguwa sluufmisiya'. Deelo sleémeero ar Yosia iwa slafi inooín AAKOÓ MUNGÚ, Munguú baabi'ii'ín, ngwaa baloó geexay'iiká.

ISAYA 31:6

Aá múk Israeli, ki/é' amór kudá' taa ló'wa sié'.

YEREMIA 15:19

Gawaá adoorihe, AAKOÓ MUNGÚ i kaahi, «Barnaxés iga i kí/, aníng kuúng un adoodár aángií ki/ís, nee kuúng uri malé sagadiyusmooeé' tleéhh. Barnaxes axweesanoó lama ugwa meér, nee oo ganaá' bura axwés, daqaní kuúng an aarusmooeé' tleehhít. Muu nin amoorók i burumburiit, ala kuúng amor'ín a keeraaká.

YEREMIA 15:4

Aníng inooín in gár dae tlaaq tleéhh dír waawuti'iima sleémeero ar daanduú yaamuwo, asma tlakweemaadá' Manase garmoó Hesekia aa tleéhh baraá Yerusalemuro, qoomár tawa waawutmoó Yuda.

YEREMIA 18:11

Hám daxta múk Yuda nee múk Yerusalemu ku beer, «AAKOÓ MUNGÚ i kaahi, ‹Aníng a muruú tlákw qoomeemeés nee taa amohhe'eés daanduuhunge. Ki/aaré', umuú heewo loohirós tidá' tlaakw ngi may, nee tlehhmi'iihúng gan'asaak.›

YEREMIA 24:9

Aníng inooín in gár dae tlaaq tleéhh baraá waawuti'iima sleémeero ar daanduú yaamuwo, inooín kiri niqín nee kiri waaqaqaa', nee kiri waaqaseesén nee kiri lu'umis umuúqo dír ngi loohatisi baraá yaamuwo.

YEREMIA 25:5

Tunduna babáy, ‹Umuú heewo tlehhimi'iiwós kudá' slasla/aren nee kudá' tlakw ngi may, as daqaní kuungá' tawa hota' baraá yaamuudá' AAKOÓ MUNGÚ naa kuungií haniís, nee baabi'iihúng, iimír aáng wa alé, as kiwa ala' kureerisleém.

YEREMIA 3:1

Barnaxes hee hareerós gaa talaákárií haniís, inós guri geexeér, hhawaatuú hatlá' gari duúx, iqo kí/a dír heedaaduú geera? Yaamu kiqo ló'wa meetagaasiikáhe nee tlehhmuusíng? Kuungá' tsaatu'uumár yaariir aga tlehhé' nee mulqér yaariir, hám daxta niqo tsuwá amor'eénií ki/á'a?

YEREMIA 3:12

Tláw múk Israeli axweesantí baweek: Ki/aaré' kuungaá múk Israeli, kudá' inkihhimu wasl! Aníng kuungá' nu ga/aawaaká ar iltá tlaakw, asma aníng a gurtleemuú koóm. Eeít aníng kuungá' nu i buhhaaká ay alhhe'eesay wasle.

YEREMIA 3:14

«Ki/aaré', kuungásingá' na/aá inkihhimu wasl, asma aníng an Aakoohúng. Aníng umuú heewo u leéhh dír umuú gixsaro, nee múk tsár baraá umuú tlahhaywo, ngiri huúw ay tloomár Siyoni. Anuú AAKOÓ MUNGÚ tí ngina oó'.

YEREMIA 3:22

Ki/aaré' kuungá' na/aá inkihhimu wasl, aníng inkihhimu waslerhúng a huungu/uús. Kuungá' a kata', «Ga/aaweek atén naa ki/aán amoorók asma kuúng an AAKOÓ MUNGÚ, Munguúrén.

YEREMIA 35:15

Umuú daqto nuna sagadiyuuser'eé' ya/abiít ar aaruuse, umuú daqto ngina ya/abiít, niwa káh, ‹Umuú heewo tlehhmi'iiwós kudá' tlakw ngi may, tlehhmi'iiwós ngi qwatsi, nee slaqsa'aá hatlá' munguaá eeharto nee sluufmisuuwo ngi may. Adoorí bara tlehhé', a hotá' baraá yaamuudá' naa baabi'iihúng i haniís.› Kár ala kuungá' iia aga qasi'iiká, laqaá tidá' naa káh aga iialooeesi'iiká.

YEREMIA 36:3

Doóqa múk Yuda amotlakweedá' ni dir'ín i tleehhár wa slaa' ka axaas, as umuú heewo tlakweemaawós ngiwa may as kahhó' án dakuúsar'ín nee tlakweemaine ngiwa gurtlaw.»

YEREMIA 4:4

Kuungásingá' múk Yuda nee yaamuloouusér Yerusalemu, munerhúng hheehhe'eesaak. Bar adoorí aga tlehhi'iiká, buhhtaeé' i daa/atuyá' adór gil'ór asla, i oohiyá' ala heé gaasaro gi aleesláw i kaahh, asma tlakweemaá kuungá' taa tlehhé'.»

YEREMIA 7:3

AAKOÓ MUNGÚ Aleesleemusmo, Munguú múk Israeli, i kaahi, hotaahúng qoomeesaak nee tlehhmi'iihúng gan'aasaak, daqaní án kuungá' nu ya/aám tawa baraaká' wa hota'.

YEREMIA 7:5

«Ala barnaxes hotaahúng iga warqesé' nee tlehhmi'iihunge, nee kuungá' kiloohúng bar gan'amúr hotá'.

YEREMIA 7:7

daqaní aníng kuungá' nu ya/aám tawa baraá yaamuuká' wa hota', kuká' naa baabi'iihúng i haniís, iimír aange.

ESEKIELI 11:18

Kuungá' bar aga ki/é' baraá yaamuuhúng, aníng muruudá' slasla/arén un hingeés, nee kudá' sleémeero i buhhtamís un hingeés.

ESEKIELI 18:13

hee burngwa gaárií haniís, aldaafi gan iinuus, nee slaasláwár yaariir ga leelehhiit, xáy, na/aywí iqo tsuwa hoóti? Aasla'áy i baloó hootiiká. Asma na/aywí muruú aníng ni ahhiit sleémeero guna tleéhh. Ar ló', inós i gwaa', a inós kilós in gwaa'.

ESEKIELI 43:9

Hám daxta slaqsi'iidá' ngi maye' sluufmisuuwo, nee waawitaáín kudaá qaatl ngu amór saáwí gunqareesiye' dir'eene, daqaní aníng a hoót dinkwa nee inooín kureerisleém.

HOSEA 14:1

Aá kuungaá múk Israeli, amór AAKOÓ MUNGÚ, Munguúhúng, nay ki/aak, asma aga dukutsé' as tlakweemaahúng.

HOSEA 2:2

Aayorhúng harhheehhe'eesaak, asma inós a harer'eeneeká nee aníng sleeme a hhawaatuuwoseeká. Harhheehhe'eesaak tsaatu'uumarós ngi meer, aníng mawa ga/aw, nee iseemaawós mingiwa ilatleerí múkár tleemís.

HOSEA 7:16

Inooín i mak kiki/iyá', ala a amór Munguú gáwtí diriaaká. Inooín a adór ga/alér waslarmoowós aa slakwekwe'eet. Muk'ín oo urén ku daasl ar paánga, asma afa kaharemaaín. Inooín kiri niqín baraá yaamaá Misriro.

Yoeli 2:12

AAKOÓ MUNGÚ i kaahi, «Ala tam hamí, amor'eé' ki/aare' ar munerhúng sleémeero, nee ar gwaawito nee ar /aa/e, nee ar tsuunqumis.

SEKARIA 1:4

Kuungá' ma adór baabi'iihúng tleehhitaara', kudá' aaruuseedár aáng aa beér, lohduuhúng kudá' tlakw mawaak nee tlehhmi'iihúng kudá' tlakwe.› Ala naa axasi'iiká, tam anuú AAKOÓ MUNGÚ iga ilaiwa/i'iiká.

DABE 27:15

«Umuúqo heewo oo slaqsaay gwaa tleehh, laqaá gwaa kwahhuut, nee umuúqo gaaro ar taa tleéhh ar daba' kari qawti sihhtís, tidá' AAKOÓ MUNGÚ i waki, kwaa lu'ús.» «Nee muu sleémeero ta ooi, Amin.»

DABE 4:30

Muruuwí sleémeero burna sláy, aluuwo kuungá' slahh'amu u sleerá', daqaní kuungá' tari ki/á' amór AAKOÓ MUNGÚ Munguúhúng nee kuri ilaiwawa/á'.

YOSHUA 24:14

«Gimsé', AAKOÓ MUNGÚ ilaiwawa/aak nee sagadiyusaak ar muunuú /awaák nee ar inkihhimu. Munguiidá' baabi'iihúng naa sagadiyusiyé' gayuú yaaér Eufrátér wa ale, nee baraá yaamaá Misriro, amoosíngí kwahhaak, daqaní AAKOÓ MUNGÚ ku sagadiyusá'.

HAR'OHUUSE 10:16

Múk Israeli munguiidaá /eetuuse kiri kwaáhh, AAKOÓ MUNGÚ nguri sagadiyuusiyé'. AAKOÓ MUNGÚ muunaáwós iri gurhamuút as slahh'amuú múk Israeli.

1 SAMUELI 7:3

Samueli múk Israeli sleémeero guri báy, «Barnaxes aga ki/é' ar munerhúng sleémeero amór AAKOÓ MUNGÚ, gimsé' munguaá dahaaye hingeesaak, nee slaqsi'iidá' ta babay Ashtaroti, dirhunge kwahhaak. Munerhúng amohhe'eesaak dír AAKOÓ MUNGÚ. Inós kilós ku sagadiyusá', daqaní inós kuungá' nu ba/amis baraá dabaá xoorór Filistiro.»